ବମ୍ବେ: କଳାକାରଙ୍କ ଚମତ୍କାର ଅଭିନୟ ସାଙ୍ଗକୁ ଦମ୍ଦାର କାହାଣୀ। କେବଳ ଦେଶ ନୁହେଁ ବିଦେଶରେ ମଧ୍ୟ ମନ କିଣୁଛି ଚଳଚ୍ଚିତ୍ର ‘ସତ୍ୟପ୍ରେମ କି କଥା’। କାର୍ତ୍ତିକ ଆର୍ୟନ ଏବଂ କିଆରା ଆଡଭାଣୀ ଅଭିନୀତ ଏହି ରୋମାଣ୍ଟିକ ଡ୍ରାମା ଫିଲ୍ମ ଭଲ ବ୍ୟବସାୟ ମଧ୍ୟ କରୁଛି। ଏଯାବତ ଫିଲ୍ମଟି ସାରା ବିଶ୍ୱରେ ପ୍ରାୟ ୧୨୫ କୋଟି ଆୟ କଲାଣି। ରିଲିଜ ପ୍ରଥମ ସପ୍ତାହରେ ଫିଲ୍ମଟି ଚମତ୍କାର ଓପନିଂ କରିଥିଲା। ଭାରତୀୟ ବକ୍ସ ଅଫିସରେ ଏହା ୮୨ କୋଟିରୁ ଅଧିକ ରୋଜଗାର କରିସାରିଲାଣି।
ତେବେ ‘ଭୁଲ ଭୁଲୈୟା ୨’ ପରେ କିଆରା ଏବଂ କାର୍ତ୍ତିକଙ୍କ ସୁପରହିଟ୍ ଯୋଡ଼ି ପୁଣିଥରେ ‘ସତ୍ୟପ୍ରେମ କି କଥା’ରେ ନଜର ଆସିଛି। ସେମାନଙ୍କ ବ୍ୟତିତ ସୁପ୍ରିୟା ପାଠକ, ଗଜରାଜ ରାଓ, ସିଦ୍ଧାର୍ଥ ରାଣ୍ଡେରିଆ, ଅନୁରାଧା ପଟେଲ, ରାଜପାଲ ଯାଦବ ପ୍ରମୁଖ ରହିଛନ୍ତି।
