ପ୍ରଭାବିତ ହୋଇନି ସାତକୋଶିଆ ପର୍ଯ୍ୟଟନ

ବନ୍ତଳା,୧୩ା୨: ମହାମାରୀ କୋଭିଡ୍‌-୧୯ ପ୍ରଭାବ ଅନୁଗୋଳ ଜିଲା ସାତକୋଶିଆ ପର୍ଯ୍ୟଟନ ଉପରେ ପଡ଼ିନାହିଁ। କଟକଣା ସତ୍ତ୍ୱେ ଗତ ଅକ୍ଟୋବର ମାସରେ ଅଭୟାରଣ୍ୟ ଖୋଲାଯିବା ପରଠାରୁ ଏଠାରେ ପର୍ଯ୍ୟଟକଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି। ସାତକୋଶିଆର ଅପରୂପ ପ୍ରାକୃତିକ ଶୋଭା ଦେଖିବାକୁ ରାଜ୍ୟ ଓ ରାଜ୍ୟ ବାହାରୁ ହଜାର ହଜାର ଅତିଥି ଧାଇଁ ଆସୁଥିବାରୁ ଏହା ଜିଲାର ପର୍ଯ୍ୟଟନକୁ ସମୃଦ୍ଧ କରିବା ସହ ରାଜକୋଷ ମଧ୍ୟ ବଢ଼ାଉଛି।
ସାଧାରଣତଃ ଅକ୍ଟୋବରରୁ ମାର୍ଚ୍ଚ ମଧ୍ୟରେ ସାତକୋଶିଆକୁ ପର୍ଯ୍ୟଟକମାନେ ଆସିଥାଆନ୍ତି। ଗତ ୨୦୧୯ ନଭେମ୍ବରରେ ଏଠାକୁ ୧୪୬୮ ପର୍ଯ୍ୟଟକ ଆସିଥିବା ବେଳେ ସେମାନଙ୍କଠାରୁ ୭୩ ହଜାର ୨୭୫ ଟଙ୍କା ରାଜସ୍ବ ଆଦାୟ ହୋଇଥିଲା। ସେହିବର୍ଷ ଡିସେମ୍ବରରେ ଅଭୟାରଣ୍ୟ ବୁଲିଥିବା ୫୯୬୬ ଜଣଙ୍କ ନିକଟରୁ ୨ ଲକ୍ଷ ୧୮ ହଜାର ୨୫ ଟଙ୍କା ରାଜସ୍ବ ମିଳିଥିଲା। ୨୦୨୦ ଜାନୁୟାରୀରେ ଆଗନ୍ତୁକଙ୍କ ସଂଖ୍ୟା ୩୫୭୧ ଥିଲା ଓ ୧ ଲକ୍ଷ ୭୩ ହଜାର ୧୧୦ ଟଙ୍କା ଆଦାୟ ହୋଇଥିଲା। ଫେବୃୟାରୀରେ ୧୧୫୯ ଜଣ ସାତକୋଶିଆରେ ଅତିଥି ହୋଇଥିବାବେଳେ ୫୯ ହଜାର ୯୮୦ ଟଙ୍କା ରାଜକୋଷକୁ ଆସିପାରିଥିଲା। ତେବେ ୨୦୨୦ ମାର୍ଚ୍ଚରେ କରୋନା ଭୟ ଯୋଗୁ ପର୍ଯ୍ୟଟକ ସଂଖ୍ୟା ମାତ୍ର ୭୫୮ ଥିଲା ଓ ୪୭ ହଜାର ୫୮୦ ଟଙ୍କା ଆଦାୟ ହୋଇଥିଲା। ଏହାପରେ ଲକ୍‌ଡାଉନ୍‌ ଆରମ୍ଭ ହୋଇଥିଲା। ହେଲେ ୨୦୨୦ ଅକ୍ଟୋବର ୪ରେ କୋଭିଡ୍‌ କଟକଣା ମଧ୍ୟରେ ସରକାର ଏହି ପର୍ଯ୍ୟଟନସ୍ଥଳୀ ଖୋଲିବା ପରଠାରୁ ପର୍ଯ୍ୟଟକଙ୍କ ସଂଖ୍ୟା ଗତବର୍ଷ ତୁଳନାରେ ବଢ଼ିବାରେ ଲାଗିଛି। ନଭେମ୍ବର ୨୦୨୦ରେ ୨୩୧୧ ପର୍ଯ୍ୟଟକ ଏଠାକୁ ଆସିଥିବାରୁ ୧ ଲକ୍ଷ ୧୨ ହଜାର ୬୧୫ ଟଙ୍କା ରାଜସ୍ବ ମିଳିଛି। ଡିସେମ୍ବରରେ ୫୭୬୫ ଜଣ ପ୍ରାକୃତିକ ସୌନ୍ଦର୍ଯ୍ୟ ଉପଭୋଗ କରିଥିବାବେଳେ ୨ ଲକ୍ଷ ୪୩ ହଜାର ୧୩୫ ଟଙ୍କା ରାଜ୍ୟ ସରକାର ଆଦାୟ କରିଛନ୍ତି। ୨୦୨୧ ଜାନୁୟାରୀରେ ଆଗନ୍ତୁକଙ୍କ ସଂଖ୍ୟା ଗତବର୍ଷ ତୁଳନାରେ ଢେର ବଢ଼ିଛି। ରାଜ୍ୟ ଓ ରାଜ୍ୟ ବାହାରୁ ଅଭୟାରଣ୍ୟକୁ ୮ ହଜାର ୮୮୫ ପର୍ଯ୍ୟଟକ ଆସିଛନ୍ତି। ଫଳରେ ରାଜକୋଷକୁ ୩ ଲକ୍ଷ ୪୮ ହଜାର ୭୨୫ ଟଙ୍କା ମିଳିପାରିଛି।

ଅନୁଭୂତି ଅବର୍ଣ୍ଣନୀୟ
ଅନ୍ୟ ପର୍ଯ୍ୟଟନକ୍ଷେତ୍ର ଅପେକ୍ଷା ସାତକୋଶିଆର ଆକର୍ଷଣ ନିଆରା। ଏଠାକାର ଜଙ୍ଗଲରେ ବୁଲିବା ଓ ମହାନଦୀ ଗଣ୍ଡରେ ବୋଟିଂ ବେଳର ଅନୁଭୂତି ଅବର୍ଣ୍ଣନୀୟ। ଏଠାରେ ଯେପରି ସମସ୍ତ ପ୍ରାକୃତିକ ସୌନ୍ଦର୍ଯ୍ୟ ଭରପୂର ହୋଇ ରହିଛି। ଇକୋ କଟେଜଗୁଡ଼ିକରେ ଆତିଥ୍ୟ ମଧ୍ୟ ଅତ୍ୟନ୍ତ ସୁନ୍ଦର। ସେଥିପାଇଁ ଏତେ ଦୂରରୁ ଆମେ ଏହି ଅଭୟାରଣ୍ୟ ବୁଲିବାକୁ ଆସିଛୁ।
– ସୌରବ ଘୋଷ, କୋଲକାତା

ଶୋଭା ଅନନ୍ୟ
ବହୁତ ସ୍ଥାନ ବୁଲିଛି। କିନ୍ତୁ ସାତକୋଶିଆର ଶୋଭା ଅନନ୍ୟ ହୋଇଥିବାରୁ ଏଠାକୁ ବାରମ୍ବାର ଆସୁଛି। ବିଶେଷକରି ରାତ୍ରିରେ ଟିକରପଡାଠାରୁ ପମ୍ପାସର ଗେଟ୍‌ ପର୍ଯ୍ୟନ୍ତ ଆସିବା ବେଶ୍‌ ରୋମାଞ୍ଚକର। ଭୟ ଥିଲେ ବି ରାସ୍ତା ପାର୍ଶ୍ୱରେ ବନ୍ୟଜନ୍ତୁଙ୍କୁ ଅତି ନିକଟରୁ ଦେଖିବା ଦୃଶ୍ୟ ଭାଷାରେ ବର୍ଣ୍ଣନା କରିହେବ ନାହିଁ। ତେବେ ଜଙ୍ଗଲରେ ବୁଲିବା ପାଇଁ ବନ ବିଭାଗ ପକ୍ଷରୁ ସ୍ବତନ୍ତ୍ର ଗାଡି ବ୍ୟବସ୍ଥା କରାଗଲେ ଅଧିକ ପର୍ଯ୍ୟଟକ ଆସନ୍ତେ।
-ଅନିନ୍ଦିତା ବାଲୁଇ, ହାଓ୍ବଡା, କୋଲକାତା

ପର୍ଯ୍ୟଟକଙ୍କ ଖୁସି ଦେଖିଲା ଭଳି
ସାତକୋଶିଆକୁ ପଶ୍ଚିମବଙ୍ଗରୁ ଅନେକ ପର୍ଯ୍ୟଟକ ଆସୁଛନ୍ତି। ସେମାନଙ୍କୁ ସେମାନଙ୍କ ଭାଷାରେ ବୁଝାଇବା ସହ ଅଭୟାରଣ୍ୟର ବିଭିନ୍ନ ସ୍ଥାନ ବୁଲାଯାଉଛି। ଆତିଥ୍ୟ ପ୍ରଦାନରେ ଯେପରି ଅବହେଳା ନ ହୁଏ, ସେଥିପାଇଁ ବିଭିନ୍ନ ନେଚର କ୍ୟାମ୍ପ ଓ ଇକୋ କଟେଜ ପରିଚାଳନା ଅଧିକାରୀ ଏବଂ ବନ ବିଭାଗ ଅଧିକାରୀଙ୍କ ସହ ଯୋଗାଯୋଗ ରଖାଯାଉଛି। ଫେରିବା ବେଳେ ପର୍ଯ୍ୟଟକମାନଙ୍କ ଖୁସି ଦେଖିଲା ଭଳି।
-ସୁନୀଲ କୁମାର ସାହୁ, ଗାଇଡ୍‌, ପୁରୁଣାକୋଟ

ଅଧିକ ୩ଟି ତମ୍ବୁଘର କରାଯାଇଛି
ପୂର୍ବରୁ ଟିକରପଡାରେ ୧୦ଟି ତମ୍ବୁଘର ଥିଲା। ପର୍ଯ୍ୟଟକଙ୍କ ସଂଖ୍ୟା ବୃଦ୍ଧି ଦେଖି ଅଧିକ ୩ଟି ତମ୍ବୁଘର କରାଯାଇଛି। ମହାନଦୀ ଗଣ୍ଡରେ ବୋଟିଂ ବ୍ୟବସ୍ଥାକୁ ପୂର୍ବାପେକ୍ଷା ଗୁରୁତ୍ୱ ଦେବାକୁ ଉଦ୍ୟମ କରାଯାଉଛି। ପର୍ଯ୍ୟଟକମାନେ ଯେପରି ଗାଡ଼ିରେ ସଫାରି ବୁଲିପାରିବେ ସେଥିପାଇଁ ରାଜ୍ୟ ସରକାରଙ୍କୁ ୪ଟି ଗାଡି ଦେବାକୁ ପ୍ରସ୍ତାବ ଦିଆଯାଇଥିବା ଡିଏଫ୍‌ଓ ପ୍ରକାଶ କରିଛନ୍ତି।
-ରବି ମିନା, ସାତକୋଶିଆ ଡିଏଫଓ


Enter your email to get our daily news in your inbox.

All Right Reserved By Dharitri.Com

ପଦ୍ମପୁର ଆସନରେ ପ୍ରାର୍ଥୀ ଘୋଷଣା ଦ୍ୱନ୍ଦ୍ୱ

ପଦ୍ମପୁର,୨୮।୩. (ପ୍ରଦୀପ୍ତ ଦାଶ): ବରଗଡ଼ ଜିଲାରେ ଥିବା ବିଧାନସଭା ଆସନ ପାଇଁ ବିଜେଡି ବୁଧବାର ପ୍ରାର୍ଥୀ ଘୋଷଣା କରିଛି। କିନ୍ତୁ ପଦ୍ମପୁର ବିଧାନସଭା ଆସନ ପାଇଁ...

ମା’ ପୁଅଙ୍କୁ ହତ୍ୟା କଲେ ମାଓବାଦୀ

ରାଉରକେଲା,୨୮।୩(ସଙ୍ଗୀତା ଜେନା): ଓଡ଼ିଶା-ଝାଡ଼ଖଣ୍ଡ ସୀମାବର୍ତ୍ତୀ ପଶ୍ଚିମ ସିଂହଭୂମ ଚାଇଁବାସା ଅଞ୍ଚଳରେ ମାଓବାଦୀମାନେ ଜଣେ ବୃଦ୍ଧା ଓ ତାଙ୍କ ପୁଅଙ୍କୁ ହତ୍ୟା କରିଛନ୍ତି। ମୃତକ ହେଲେ ଚାଇଁବାସା...

ରାଜ୍ୟରେ ବଢିବ ତାପମାତ୍ରା, ୨ଦିନରେ ୪୦ ଛୁଇଁବ

ଭୁବନେଶ୍ୱର,୨୮।୩(ଅସମାପିକା ସାହୁ): ମାର୍ଚ୍ଚ ମାସ ଶେଷ ନ ହେଉଣୁ ରାଜ୍ୟରେ ପାରଦ ଉପରମୁହାଁ ହୋଇଛି। ଗୁରୁବାର ରାଜ୍ୟର ୧୬ଟି ସହରରେ ତାପମାତ୍ରା ୩୮ଡିଗ୍ରୀ ଅତିକ୍ରମ କରିଥିବାବେଳେ...

ମାହାଙ୍ଗା ଡବଲ ମର୍ଡର ମାମଲା: ଅନ୍ତରୀଣ ସୁରକ୍ଷା ବଳବତ୍ତର

କଟକ,୨୮ା୩ (କାର୍ତ୍ତିକ ସାହୁ) ମାହାଙ୍ଗା ଡବଲ ମର୍ଡର ମାମଲାରେ ବିଧାୟକ ପ୍ରତାପ ଜେନାଙ୍କ ଅନ୍ତରୀଣ ସୁରକ୍ଷାକୁ ହାଇକୋର୍ଟ ବଳବତ୍ତର ରଖିଛନ୍ତି। ନିମ୍ନକୋର୍ଟର ନିର୍ଦ୍ଦେଶ ବିରୋଧରେ ବିଧାୟକ...

କଂଗ୍ରେସରୁ ଇସ୍ତଫା ଦେଲେ ପୂର୍ବତନ ବିଧାୟକ, ବିଜେଡିରେ ଯୋଗଦେବା ସମ୍ଭାବନା

ନୂଆଦିଲ୍ଲୀ ,୨୮।୩: ବିଧାନସଭା ନିର୍ବାଚନ ପୂର୍ବରୁ ଟିଟିଲାଗଡର ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ କଂଗ୍ରେସ ଦଳରୁ ଇସ୍ତଫା ଦେଇଛନ୍ତି। ତିନିଥର ପୂର୍ବତନ କଂଗ୍ରେସ ବିଧାୟକ...

ଭାଜପା ସହ ହେଲା ନାହିଁ ମେଣ୍ଟ ତ ନବୀନ ଖେଳିଲେ ନୂଆ ଗେମ! ପୁରୁଷଙ୍କ ଟିକେଟ କାଟି ପତ୍ନୀମାନଙ୍କୁ କଲେ ପ୍ରାର୍ଥୀ

ନୂଆଦିଲ୍ଲୀ/ଭୁବନେଶ୍ୱର,୨୮।୩: ଓଡ଼ିଶାରେ ଶାସକ ବିଜୁ ଜନତା ଦଳ (ବିଜେଡି) ଆଗାମୀ ବିଧାନସଭା ନିର୍ବାଚନ ପାଇଁ ୪ ମହିଳାଙ୍କୁ ସେମାନଙ୍କ ସ୍ବାମୀଙ୍କ ସ୍ଥାନରେ ପ୍ରାର୍ଥୀ କରିଛି। ଏହି...

ରାଜ୍ୟର ୬ଟି ଲୋକ ସଭା ଆସନରେ କାହାକୁ ଟିକେଟ ଦେବ ବିଜେଡି, ଚର୍ଚ୍ଚାରେ ଏହି ନାଁ

ଭୁବନେଶ୍ୱର,୨୮।୩: ୨୦୨୪ ସାଧାରଣ ନିର୍ବାଚନ ପାଇଁ ଓଡ଼ିଶାର ୨୧ଟି ଲୋକ ସଭା ନିର୍ବାଚନ ମଣ୍ଡଳୀ ଭିତରୁ ୧୮ଟି ସ୍ଥାନରେ ନିଜର ପ୍ରାର୍ଥୀ ଘୋଷଣା କରିଥିବା ବେଳେ...

ଓଡ଼ିଶା ପାଇଁ ଏପ୍ରିଲ ପ୍ରଥମ ସପ୍ତାହରେ ପ୍ରାର୍ଥୀ ଘୋଷଣା କରିବ କଂଗ୍ରେସ

ଭୁବନେଶ୍ୱର,୨୮।୩: ଓଡ଼ିଶା ପାଇଁ ଭାରତୀୟ ଜନତା ପାର୍ଟି(ଭାଜପା) ୧୮ ଟି ଲୋକ ସଭା ଆସନ ପାଇଁ ପ୍ରାର୍ଥୀ ଘୋଷଣା କରିଥିବା ବେଳେ ବିଜୁ ଜନତା ଦଳ(ବିଜେଡି)...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri