ଗଞ୍ଜାମ,୬ା୮ (ବିଦ୍ୟାଧର ସାହୁ ): ଗଞ୍ଜାମ ବ୍ଲକ୍ ମଲାଡ ପଞ୍ଚାୟତ ଅନ୍ତର୍ଗତ ଲୁଙ୍ଗୁରୀ ଗ୍ରାମର ନୀଳାଞ୍ଚଳ ରାସ୍ତା କଡ଼ରେ ଗୋଟିଏ ନଡ଼ିଆ ବାହୁଙ୍ଗା ଓ ଜରି ପାଲ ପକାଇ ବସବାସ କରୁଥିଲେ । ଏନେଇ ଧରିତ୍ରୀରେ ଖବର ପ୍ରସାରଣ ହୋଇଥିଲା । ଏହାପରେ ମଲାଡ଼ ସରପଞ୍ଚ ମମତା ବେହେରାଙ୍କ ସରପଞ୍ଚ ପ୍ରତିନିଧି ବ୍ଲକ ପ୍ରଶାସନର ଦୃଷ୍ଟି ଆକର୍ଷଣ କରିଛନ୍ତି । ଖୁବ ଶୀଘ୍ର ତାଙ୍କୁ ଘର ପାଇବା ବ୍ୟବସ୍ଥା କରାଯିବ ବୋଲି ସରପଞ୍ଚ ପ୍ରତିନିଧି ସୁଦାମ ବେହେରା ଗଣମାଧ୍ୟମକୁ ସୂଚନା ଦେଇଛନ୍ତି ।
ନୀଳାଞ୍ଚଳଙ୍କ ପରିବାର କହିଲେ ସ୍ତ୍ରୀ ସ୍ୱାମୀ ଓ ଦୁଇ ଝିଅ ଏହି ରାସ୍ତା କଡ଼ରେ ସେମାନେ ତାଙ୍କର ପରିବାର ପ୍ରତିପୋଷଣ କରିବା ପାଇଁ ଦିନକୁ ଦୁଇ ଓଳା ଦୁଇ ମୁଠା ଖାଇବା ପାଇଁ ଜଳଖିଆ ଦୋକାନ କରି ନିଜ ପରିବାର ଗୁଜୁରାଣ ମେଣ୍ଟାଉଛନ୍ତି । ଆଜିର ଦିନରେ ଖାଲି ଖାଇବାକୁ ମିଳିଗଲେ ହେବ ନାହିଁ ରହିବା ପାଇଁ ଘର ଖଣ୍ଡେ ମିଳିଲେ ଭଲ ହୋଇଥାନ୍ତା ବୋଲି ନୀଳାଚଳ କୋହ ଭରା କଣ୍ଠ ରେ କହିଛନ୍ତି । ଖରା ହେଉ ବା ବର୍ଷା ହେଉ ହେଲେ ସେଇ ପାଲ କୁଡ଼ିଆ ତାଙ୍କର ଜୀବନ ।
