ଗଞ୍ଜାମ,୧୨।୧୧(ବିଦ୍ୟାଧର ସାହୁ ): ଗଞ୍ଜାମ ବ୍ଲକର ନିଆରା ପଞ୍ଚାୟତ ମଲାଡ଼ ଗ୍ରାମ ପଞ୍ଚାୟତ। ଏହି ପଞ୍ଚାୟତରେ ପ୍ରଥମଥର ପାଇଁ ଅଳିଆ ବୁହା ଗାଡିର ଶୁଭାରମ୍ଭ କରିଛନ୍ତି ସରପଞ୍ଚ ମମତା ବେହେରା । ଶୁଭାରମ୍ଭ ବେଳେ ସମିତି ସଭ୍ୟା ପ୍ରତିନିଧି ଟିଟୁ ମହାପାତ୍ର, ସରପଞ୍ଚ ପ୍ରତିନିଧି ସୁଦାମ ଚରଣ ବେହେରା ପ୍ରମୁଖଙ୍କ ସମେତ ଗ୍ରାମ୍ୟ କମିଟି ଭଦ୍ର ବ୍ୟକ୍ତି ଉପସ୍ଥିତ ଥିଲେ । ପ୍ରଥମଥର ପାଇଁ ପଞ୍ଚାୟତ ସ୍ତରରେ ଟ୍ରାଇ ସାଇକେଲ ଦ୍ୱାରା ପଞ୍ଚାୟତ ବିଭିନ୍ନ ଗ୍ରାମକୁ ଯାଇ ଘରକୁ ଘର ଅଳିଆ ଆବର୍ଜନା ଅଣଯିବ। ଉକ୍ତ ପଞ୍ଚାୟତ ଅଧୀନରେ ଦଶଟି ଗ୍ରାମ ଥିବା ଯୋଗୁ ଗୋଟିଏ ଦିନରେ ପାଞ୍ଚଟି ଗ୍ରାମ ଏବଂ ଅନ୍ୟ ଦିନ ଅର୍ଥାତ୍ ତା’ ପର ଦିନ ଅନ୍ୟ ପାଞ୍ଚଟି ଗ୍ରାମକୁ ଯାଇ ଅଳିଆ ଆବର୍ଜନା ଆଣିବାକୁ ସ୍ଥିର ହୋଇଥିବା ସରପଞ୍ଚ ପ୍ରତିନିଧି ବେହେରା ଗଣମାଧ୍ୟମକୁ ସୂଚନା ଦେଇଛନ୍ତି । ଉକ୍ତ ଟ୍ରାଇ ସାଇକେଲରେ ଦୁଇଟି ଡବା ରହିଛି। ଗୋଟିଏ ଓଦା ଅଳିଆ ଅନ୍ୟଟିରେ ଶୁଖିଲା ଅଳିଆ ପକାଇବା ନିମନ୍ତେ ଲୋକମାନଙ୍କୁ ସଚେତନତା ମଧ୍ୟ କରାଯାଇଛି । ଏଥିପାଇଁ ଦୁଇ ଜଣ ବ୍ୟକ୍ତି ନିୟୋଜିତ ଅଛନ୍ତି । ସେମାନଙ୍କୁ ଦରମା ଓ ମେଣ୍ଟେନାନ୍ସ ପାଇଁ ବର୍ତ୍ତମାନ ନିଜସ୍ବ ଖର୍ଚ୍ଚରେ କରିବାକୁ ପଡୁଛି ତେଣୁ ପ୍ରଶାସନ ଏଥିପ୍ରତି ଦୃଷ୍ଟି ଦେଇ ସ୍ଥାୟୀ ପଦକ୍ଷେପ ଗ୍ରହଣ କଲେ ଭଲ ହୁଅନ୍ତା ବୋଲି ସରପଞ୍ଚ ପ୍ରତିନିଧି ବେହେରା କହିଛନ୍ତି ।
