ମୁମ୍ବାଇ,୧୬ ।୧: ଗୋଆ ବିଧାନସଭା ନିର୍ବାଚନରେ ଶିବସେନା ଓ ଏନ୍ସିପି ଏକାଠି ମିଶି ନିର୍ବାଚନ ଲଢିବେ ବୋଲି ଜଣାପଡିଛି । ମିଳିଥିବା ସୂଚନା ଅନୁଯାୟୀ, ୧୮ ଜାନୁୟାରୀରେ ଆସନ ବୁଝାମଣାକୁ ନେଇ ଚର୍ଚ୍ଚା କରାଯିବ । ଗୋଆରେ ଶିବସେନା ୧୦-୧୫ ଆସନରେ ନିର୍ବାଚନ ଲଢିବ ବୋଲି କହିଛନ୍ତି ମହାରାଷ୍ଟ୍ରର ଶିବସେନା ଏମ୍ପି ସଞ୍ଜୟ ରାଉତ । ଏନ୍ସିପିର ବରିଷ୍ଠ ନେତା ପ୍ରଫୁଲ୍ଲ ପଟେଲ ୧୮ ଜାନୁୟାରୀରେ ଗୋଆର ଆସନ ବୁଝାମଣାକୁ ନେଇ ଚର୍ଚ୍ଚା କରିବେ । ଏହାପରେ କିଏ କେଉଁ ଆସନରେ ଓ କେତୋଟି ଆସନରେ ଲଢିବେ ତାହା ସ୍ପଷ୍ଟ କରିବେ । ଅନ୍ୟପଟେ ଗୋଆରେ କଂଗ୍ରେସ ଏକେଲା ନିର୍ବାଚନ ଲଢିବ ବୋଲି ଜଣାପଡିଛି । ଶିବସେନା ନେତା ସଞ୍ଜୟ ରାଉତ ଟିଏମ୍ସି ଓ ଆମ ଆଦମୀ ପାର୍ଟି ଉପରେ ବର୍ଷିଛନ୍ତି । ସଞ୍ଜୟ ଟାର୍ଗେଟ କରି କହିଛନ୍ତି ଯେ, ଗୋଆରେ ଟିଏମ୍ସି ଆପଣାଛାଏଁ ମୁଖ୍ୟମନ୍ତ୍ରୀ ହୋଇଯାଇଛି ।
