ଆଇପିଏଲ୍‌ ‘ନେଟ୍‌ ବୋଲର’ ତାଲିକାରେ ସଙ୍ଗଓ୍ବାନ, ସୁୟଲ
7:40 amAugust 22, 2020August 22, 2020 / 21

ନୂଆଦିଲ୍ଲୀ, ୨୨ା୮(ପି.ଟି.)-ଠିକ୍‌ ୧୩ବର୍ଷ ପୂର୍ବେ ୧୯ ବର୍ଷରୁ କମ୍‌ ବିଶ୍ୱକପ୍‌ ଏବଂ ଆଇପିଏଲ୍‌ର ପ୍ରଥମ ସଂସ୍କରଣରେ ପ୍ରଭାବୀ ସୁଇଂ ବୋଲିଂ କରିଥିବା ପ୍ରଦୀପ ସାଙ୍ଗଓ୍ବାନ ସଂଯୁକ୍ତ ଏମିରେଟ୍ସ(ୟୁଏଇ) ଯିବେ। ଜଣେ ଖେଳାଳି ହିସାବରେ ନୁହେଁ ଦିଲ୍ଲୀ କ୍ୟାପିଟାଲ୍ସ ଟିମ୍‌ର ଜଣେ ‘ନେଟ୍‌ ବୋଲର’ ଭାବେ। ତାଙ୍କ ସହିତ ଅନ୍ୟ ୫ଜଣ ମଧ୍ୟ ଯିବେ। ସଙ୍ଗଓ୍ବାନ ଅତୀତରେ ଦିଲ୍ଲୀ ଡେୟାର ଡେଭିଲ୍ସ, ମୁମ୍ବାଇ ଇଣ୍ଡିଆନ୍ସ, ଗୁଜରାଟ ଲାୟନ୍ସ ଏବଂ କୋଲକାତା ନାଇଟ୍‌ ରାଇଡର୍ସ ଦଳ ତରଫରୁ ଖେଳିଛନ୍ତି। ମୁମ୍ବାଇ ଇଣ୍ଡିଆନ୍ସ ଦଳ ତରଫରୁ ଖେଳିଥିବା ଅନ୍ୟ ଜଣେ ବାମହାତୀ ସିମ୍‌ ବୋଲର ପଓ୍ବନ ସୁୟଲ ନେଟ୍‌ ବୋଲର ତାଲିକାରେ ସ୍ଥାନ ପାଇଛନ୍ତି। ଦିଲ୍ଲୀ ଅଲରାଉଣ୍ଡର ପ୍ରାନ୍‌ଶୁ ବିଜୟାରନ, ରେଲ୍‌ଓ୍ବେର ବାମହାତୀ ସ୍ପିନର ହର୍ଷ ତ୍ୟାଗୀ, ବାମହାତୀ ରିଷ୍ଟ ସ୍ପିନର ରଜତ ଗୋଏଲ ଏବଂ ପେସ୍‌ ବୋଲର ବବି ଯାଦବ ପ୍ରମୁଖଙ୍କୁ ମଧ୍ୟ ତାଲିକାରେ ସ୍ଥାନ ମିଳିଛି।