ମସ୍କୋ, ୧୯।୩ : ୟୁକ୍ରେନ୍ ଉପରେ ଆକ୍ରମଣକୁ ୩ ଜଣ ରୁଷୀୟ ମହାକାଶଚାରୀଙ୍କ ଏକ ଦଳ ପକ୍ଷରୁ ନିଆରା ଢଙ୍ଗରେ ବିରୋଧ କରାଯାଇଛି। ସେମାନେ ୟୁକ୍ରେନ ପତାକା ରଙ୍ଗର ପୋଷାକ ପିନ୍ଧି ଅନ୍ତର୍ଜାତୀୟ ସ୍ପେସ ଷ୍ଟେସନରେ ପହଞ୍ଚିଥିଲେ।
ୟୁକ୍ରେନ ଉପରେ ରୁଷର ଆକ୍ରମଣକୁ ବିରୋଧ କରିବା ପାଇଁ ସେମାନେ ଏଭଳି କରିଥିଲେ। ଗତ ମାସରେ ରୁଷିଆର ୟୁକ୍ରେନ ଆକ୍ରମଣ ପରେ ଅନ୍ତର୍ଜାତୀୟ ମହାକାଶ କେନ୍ଦ୍ରରେ ପହଞ୍ଚିଥିବା ଏହା ହେଉଛି ମହାକାଶଚାରୀଙ୍କ ପ୍ରଥମ କ୍ରୁ।
ମହାକାଶଚାରୀମାନେ ଏଠାରେ ପହଞ୍ଚିବା ମାତ୍ରେ ସେମାନଙ୍କୁ ସ୍ବାଗତ କରାଯାଇଥିଲା। ସେଠାରେ ଆମେରିକୀୟ, ରୁଷିଆ ଏବଂ ଜର୍ମାନ କଣ୍ଟିଜେଣ୍ଟମାନଙ୍କୁ ଆଲିଙ୍ଗନ ଏବଂ ଅଭିନନ୍ଦନ କରୁଥିବା ଦେଖାଯାଇଥିଲା। ସମସ୍ତ ରୁଷୀୟ ମହାକାଶଚାରୀମାନେ ହଳଦିଆ ଏବଂ ନୀଳ ରଙ୍ଗର ପୋଷାକ ପିନ୍ଧିଥିଲେ। ସୂଚନାଯୋଗ୍ୟ, ୟୁକ୍ରେନର ପତାକା ମଧ୍ୟ ନୀଳ ଏବଂ ହଳଦିଆ ରଙ୍ଗର।
