ମସ୍କୋ,୨୧ା୯: ରୁଷିଆ-ୟୁକ୍ରେନ ଯୁଦ୍ଧ ବର୍ତ୍ତମାନ ଭୟଙ୍କର ଅବସ୍ଥାରେ ପହଞ୍ଚିଛି। ଏହି ଯୁଦ୍ଧକୁ ନେଇ ରୁଷିଆ ରାଷ୍ଟ୍ରପତି ଭ୍ଲାଡିମିର ପୁଟିନ ଆକ୍ରମଣାତ୍ମକ ହୋଇପଡ଼ିଛନ୍ତି। ଯୁଦ୍ଧ ମଧ୍ୟରେ ରାଷ୍ଟ୍ରପତି ଆଂଶିକ ସାମରିକ ସଂଗ୍ରହ ପାଇଁ ନିର୍ଦ୍ଦେଶ ଦେଇଛନ୍ତି। ଏହା ସହିତ ସେ ପାଶ୍ଚାତ୍ୟ ଦେଶ ଏବଂ ଆମେରିକାକୁ କଠୋର ଚେତାବନୀ ଦେଇଛନ୍ତି। ଏଭଳି ପରିସ୍ଥିତିରେ ପୁଟିନ ଯୁଦ୍ଧରେ ନିଜର ସେନା ପଛକୁ ଫେରିବା ପରେ କାହିଁକି ରଣନୀତି ବଦଳାଇଛନ୍ତି ବୋଲି ପ୍ରଶ୍ନ ଉଠିଛି। ପୁଟିନଙ୍କ ଆଂଶିକ ସାମରିକ ସଂଗ୍ରହ କ’ଣ? ୟୁକ୍ରେନ ଯୁଦ୍ଧ ଏକ ବିପଜ୍ଜନକ ସ୍ଥିତିରେ ପହଞ୍ଚିଛି କି? ଏହି ଯୁଦ୍ଧରେ ପୁଟିନ ପରମାଣୁ ଆକ୍ରମଣ କରିପାରିବେ କି? ସେ ପାଶ୍ଚାତ୍ୟ ଦେଶଗୁଡ଼ିକୁ କାହିଁକି ଚେତାବନୀ ଦେଇଛନ୍ତି? ଏହାର ପ୍ରଭାବ କ’ଣ? ଏହା ଉପରେ ବିଶେଷଜ୍ଞମାନେ ଅନେକ ତର୍କ ବିତର୍କ ଆରମ୍ଭ କରିଦେଇଛନ୍ତି।
