ନୂଆଦିଲ୍ଲୀ,୨୧।୧୧: ଭ୍ଲାଦିମିର ପୁଟିନ ଆଣବିକ ଅସ୍ତ୍ର ବ୍ୟବହାର କରିବା ନିୟମ ପରିବର୍ତ୍ତନ କରିବାର ଗୋଟିଏ ଦିନ ପରେ ରୁଷିଆ ୟୁକ୍ରେନରେ ଉପରେ ଇଣ୍ଟର-କଣ୍ଟିନେଣ୍ଟାଲ ବାଲିଷ୍ଟିକ୍ ମିସାଇଲ୍ କିମ୍ବା ଆଇସିବିଏମ୍ ମାଡ଼ କରିଛି। ଏହି ମିସାଇଲ ପାରମ୍ପାରିକ (ଅଣ-ଆଣବିକ) ହୋଇଥିଲେ ମଧ୍ୟ ଏହାଦ୍ୱାରା ରୁଷିଆ ୟୁକ୍ରେନ ଏବଂ ଏହାର ପାଶ୍ଚାତ୍ୟ ସହଯୋଗୀ ଦେଶମାନଙ୍କୁ କଡା ଚେତାବନୀ ଯେ, ମସ୍କୋର ସହନ ସୀମାକୁ ସମ୍ମାନ ଦିଆଯିବା ଆବଶ୍ୟକ।
ରୁଷିଆର ଆକ୍ରଣକୁ ୟୁକ୍ରେନ ବାୟୁସେନା ନିଶ୍ଚିତ କରିଛି। ଏହି ମିଶାଇଲା ବ୍ୟତୀତ କିଞ୍ଜଲ ହାଇପରସୋନିକ୍ ଏବଂ କେଏଚ-୧୦୧ କ୍ରୁଜ୍ ମିଶାଇଲ ସହିତ ମଧ୍ୟ ଆକ୍ରମଣ କରାଯାଇଛି। ୟୁକ୍ରେନ ବାୟୁସେନା ନିଶ୍ଚିତ କରିଛି ଯେ ସେମାନଙ୍କର ଗୁରୁତ୍ୱପୂର୍ଣ୍ଣ ଅନୁଷ୍ଠାନ, କୋଠା ଏବଂ ଭିତ୍ତିଭୁମି ନଷ୍ଟ ହୋଇଯାଇଛି। ଏହି ଆକ୍ରମଣରେ ଅଣ ଆଣବିକ ଅସ୍ତ୍ର ବ୍ୟବହାର କରାଯାଇଛି।
ଅନ୍ୟପଟେ ରୁଷିଆ ଦାବି କରିଛି ଯେ ଏହାର ବାୟୁ ପ୍ରତିରକ୍ଷା ବ୍ୟବସ୍ଥା ଦୁଇଟି ବ୍ରିଟିଶ ଷ୍ଟର୍ମ ଶେଡ କ୍ଷେପଣାସ୍ତ୍ରକୁ ମାରି ଖସିଛି। ଏହି କ୍ଷେପଣାସ୍ତ୍ରଗୁଡ଼ିକ ୟୁକ୍ରେନ ୟୁକ୍ରେନ ଦ୍ୱାରା ରୁଷିଆ ଆଡକୁ ମାଡ଼ କରାଯାଇଥିଲା। ପ୍ରଥମ ଥର ପାଇଁ ରୁଷିଆ ବିରୁଦ୍ଧରେ ୟୁକ୍ରେନ ଏହି କ୍ଷେପଣାସ୍ତ୍ର ବ୍ୟବହାର କରିଥିଲା।
