Advertisement

ରୁଷିଆ ଖସାଇଥିଲା ଏମ୍‌ଏଚ୍‌୧୭

ଆମ୍‌ଷ୍ଟରଡାମ,୧୮ା୧୧:୨୦୧୪ ଜୁଲାଇ ୧୭ରେ ମାଲେସିଆ ଏୟାରଲାଇନ୍ସର ଏମ୍‌ଏଚ୍‌୧୭ ବିମାନ ଆମ୍‌ଷ୍ଟରଡାମ୍‌ରୁ କୁଆଲାଲମ୍‌ପୁର ଯାତ୍ରା କରୁଥିବାବେଳେ ଯୁଦ୍ଧ ପ୍ରଭାବିତ ୟୁକ୍ରେନ୍‌ ଆକାଶରେ ରାଡାର ବାହାରକୁ ଚାଲିଯାଇଥିଲା। ବିମାନଟି ଦୁର୍ଘଟଣାଗ୍ରସ୍ତ ହେବା ପରେ ୨୮୩ ଯାତ୍ରୀ ଓ ୧୫ କ୍ରିଉ ମେମ୍ବରଙ୍କ ମୃତ୍ୟୁ ଘଟିଥିଲା। ମୃତକଙ୍କ ମଧ୍ୟରେ ୮୦ ଶିଶୁ ଥିଲେ। ଏହି ବିମାନକୁ ରୁଷିଆ ନିର୍ମିତ ଏକ ବକ୍‌ ମିଶାଇଲ ଧକ୍କା ଦେବା ଫଳରେ ଏହା ଦୁର୍ଘଟଣାଗ୍ରସ୍ତ ହୋଇଥିବା ନେଇ ଡଚ୍‌ ସେଫ୍ଟି ବୋର୍ଡ (ଡିଏସ୍‌ବି) ପକ୍ଷରୁ ୧୫ ମାସ ଧରି ତଦନ୍ତ କରାଯିବା ପରେ ୨୦୧୫ ଡିସେମ୍ବରରେ ଜଣାପଡ଼ିଥିଲା। ଉକ୍ତ କ୍ଷେପଣାସ୍ତ୍ରକୁ ରୁଷିଆରୁ କିଣାଯାଇଥିଲା ଏବଂ ମସ୍କୋ ସମର୍ଥତ୍ତ ବିଚ୍ଛିନ୍ନତାବାଦୀଙ୍କ ଦଖଲରେ ଥିବା ଏକ ପଡ଼ିଆରୁ ତାକୁ ଉଦ୍‌କ୍ଷେପଣ କରାଯାଇଥିବା ନେଇ ୨୦୧୬ ସେପ୍ଟେମ୍ବରରେ ଆପରାଧିକ ତଦନ୍ତକାରୀଙ୍କ ଏକ ଅନ୍ତର୍ଜାତୀୟ ଟିମ୍‌ ସ୍ପଷ୍ଟ କରିଥିଲା। ଏହି ମାମଲାରେ ନେଦରଲାଣ୍ଡ୍‌ସସ୍ଥିତ ଏକ କୋର୍ଟ ଗୁରୁବାର ୨ ରୁଷୀୟ ଏବଂ ଜଣେ ୟୁକ୍ରେନୀୟ ବିଚ୍ଛିନ୍ନତାବାଦୀଙ୍କୁ ଦୋଷୀ ସାବ୍ୟସ୍ତ କରିଛନ୍ତି। ୨୯୮ ଜଣଙ୍କୁ ହତ୍ୟା କରିବା ଅଭିଯୋଗରେ ଅଦାଲତ ୩ ଜଣଙ୍କୁ ଆଜୀବନ କାରାଦଣ୍ଡାଦେଶ ଦେଇଛନ୍ତି। ତେବେ ପ୍ରମାଣ ଅଭାବରୁ ଆଉ ଜଣେ ରୁଷୀୟଙ୍କୁ ଛାଡ଼ି ଦିଆଯାଇଛି।
ମାମଲାର ଶୁଣାଣି ପାଇଁ ହେଗ୍‌ ଡିଷ୍ଟ୍ରିକ୍ଟ କୋର୍ଟ ପକ୍ଷରୁ ସ୍କିଫୋଲ୍‌ ଏୟାରପୋର୍ଟରେ ହାଇ-ସିକ୍ୟୁରିଟି କୋର୍ଟରୁମ୍‌ ପ୍ରତିଷ୍ଠା କରାଯାଇଥିଲା। କୋର୍ଟଙ୍କ ରାୟ ଶୁଣିବା ପାଇଁ ସେଠାରେ ବିମାନ ଦୁର୍ଘଟଣାରେ ପ୍ରାଣ ହରାଇଥିବା ମୃତକମାନଙ୍କ ଶତାଧିକ ଆମତ୍ୀୟସ୍ବଜନ ଉପସ୍ଥିତ ଥିଲେ। ଶୁଣାଣି ବେଳେ ସମ୍ପର୍କୀୟଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଥିଲା। ଏହାକୁ ଦୃଷ୍ଟିରେ ରଖି କୋର୍ଟ ପରିସରରେ କଡ଼ା ସୁରକ୍ଷା ବ୍ୟବସ୍ଥା କରାଯାଇଥିଲା। ଖଣ୍ଡପୀଠରେ ଅଧ୍ୟକ୍ଷତା କରୁଥିବା ବିଚାରପତି ହେଣ୍ଡ୍ରିକ୍‌ ଷ୍ଟିନ୍‌ହୁଇସ୍‌ କହିଛନ୍ତି, ଅଭିଯୋଜନକାରୀ ପକ୍ଷ ଉପସ୍ଥାପନ କରିଥିବା ତଥ୍ୟ ଅନୁସାରେ ବୋଇଂ ୭୭୭କୁ ବକ୍‌ ମିଶାଇଲ ଧକ୍କା ଦେଇଥିଲା। ଦୁର୍ଘଟଣାଗ୍ରସ୍ତ ବିମାନର ଭଗ୍ନାବଶେଷ ଓ ସେଥିରେ ଥିବା ଯାତ୍ରୀମାନଙ୍କ ଖଣ୍ଡବିଖଣ୍ଡିତ ମୃତଦେହଗୁଡ଼ିକ ଚାଷଜମି ଓ ପଡ଼ିଆରେ ବିଛାଡ଼ି ହୋଇପଡ଼ିଥିଲା। ୨ ବର୍ଷରୁ ଊର୍ଦ୍ଧ୍ୱ ସମୟ ଧରି ଚାଲିଥିବା ଶୁଣାଣିରେ ଏହା ପ୍ରମାଣିତ ହୋଇଛି। ୟୁକ୍ରେନ୍‌ ଉପରେ ରୁଷିଆର ଆକ୍ରମଣ ପରିପ୍ରେକ୍ଷୀରେ ଗୋଟିଏ କଥା ସ୍ପଷ୍ଟ ହୋଇଛି। ତାହା ହେଲା ୟୁକ୍ରେନ୍‌ର ଡୋନେସ୍କ ଅଞ୍ଚଳକୁ ବିଚ୍ଛିନ୍ନତାବାଦୀଙ୍କ ଜରିଆରେ ମସ୍କୋ ଦଖଲ କରିଛି। ସେହି ଅଞ୍ଚଳର ଏକ ଚାଷଜମିରୁ ହିଁ ବକ୍‌ ମିଶାଇଲ୍‌ ଛଡ଼ାଯାଇଥିଲା। ୨୦୨୦ ମାର୍ଚ୍ଚରେ ଆରମ୍ଭ ହୋଇଥିବା ଶୁଣାଣି ବେଳେ ଅଭିଯୁକ୍ତମାନେ ହାଜର ହୋଇ ନ ଥିଲେ। ସେମାନଙ୍କ ଫୋନ୍‌ କଲ୍‌ ରେକଡର୍‌ସ ମାମଲାର ତଦନ୍ତରେ ସହାୟକ ହୋଇଥିଲା। ସେମାନେ ୟୁକ୍ରେନ୍‌ର ଏକ ଯୁଦ୍ଧବିମାନ ଭାବି ମାଲେସିଆର ଯାତ୍ରୀବାହୀ ବିମାନକୁ ଆକ୍ରମଣ କରିଥିଲେ। ଦୋଷୀ ସାବ୍ୟସ୍ତ ହୋଇଥିବା ଏହି ୩ ବ୍ୟକ୍ତି ହେଲେ ରୁଷୀୟ ଗୋଇନ୍ଦା ଏଜେଣ୍ଟ ଆଇଗୋର ଗିର୍କିନ୍‌ ଓ ସର୍ଗେଇ ଦୁବିନ୍‌ସ୍କି ଏବଂ ବିଚ୍ଛିନ୍ନତାବାଦୀ ନେତା ଲିଓନିଡ୍‌ ଖରଚେଙ୍କୋ। ହେଗ୍‌ କୋର୍ଟଙ୍କ ରାୟକୁ ଅନୁଧ୍ୟାନ ପରେ ନିଷ୍ପତ୍ତି ନିଆଯିବ ବୋଲି ରୁଷିଆର ବହିର୍ବ୍ୟାପାର ମନ୍ତ୍ରଣାଳୟ ପକ୍ଷରୁ କୁହାଯାଇଛି। ନେଦରଲାଣ୍ଡ୍ସ ନେତୃତ୍ୱାଧୀନ ଏହି ବିମାନ ଦୁର୍ଘଟଣାର ତଦନ୍ତରେ ୟୁକ୍ରେନ୍‌, ମାଲେସିଆ, ଅଷ୍ଟ୍ରେଲିଆ ଓ ବେଲ୍‌ଜିୟମ୍‌ର ବିଶେଷଜ୍ଞମାନେ ସାମିଲ ଥିଲେ।


Enter your email to get our daily news in your inbox.

All Right Reserved By Dharitri.Com

ରିବନ ନ ପିନ୍ଧିଲେ ହତ୍ୟା

କିଭ୍‌,୨୧।୪: ରୁଷିଆ ପୂର୍ବ ୟୁକ୍ରେନ୍‌ର ପ୍ରମୁଖ ବନ୍ଦର ସହର ମାରିଉପୋଲକୁ କବ୍‌ଜା କରିଥିବା ଘୋଷଣା ବେଳେ ସେଠାକାର ନାଗରିକ ଓ କିଭ୍‌ ସୁରକ୍ଷାକର୍ମୀଙ୍କୁ ଧଳା ରିବନ...

ଆମେରିକାକୁ ପଛରେ ପକାଇଲା ଚାଇନା

ନୂଆଦିଲ୍ଲୀ,୧୬।୧୧: ସୁପରପାଓ୍ବାର ଏବଂ ଧନୀ ରାଷ୍ଟ୍ର ଭାବେ ଜଣା ଆମେରିକାକୁ ପଛରେ ପକାଇଛି ଚାଇନା। ଅର୍ଥବ୍ୟବସ୍ଥା କ୍ଷେତ୍ରରେ ଚାଇନା ବିଶ୍ୱର ସବୁଠାରୁ ଧନୀ ଦେଶ ପାଲଟିଛି...

ଆଫଗାନିସ୍ତାନରେ ଭୂକମ୍ପ, ୨୫୫ରୁ ଊର୍ଦ୍ଧ୍ୱ ମୃତ

କାବୁଲ,୨୨।୬: ଆଫଗାନିସ୍ତାନରେ ବୁଧବାର ଭୂକମ୍ପ ଅନୁଭୂତ ହୋଇଛି। ରିକ୍ଟର ସ୍କେଲ୍‌ରେ ଭୂକମ୍ପର ତୀବ୍ରତା ୬.୧ ଥିବା ସୂଚନା ମିଳିଛି। ଏ ନେଇ ଜାତୀୟ ଭୂକମ୍ପ ବିଜ୍ଞାନ...

ଚାଇନାରେ ପୁଣି କାୟା ବିସ୍ତାର କଲା କରୋନା: ୨ କୋଟିରୁ ଅଧିକ ଲୋକଙ୍କୁ ଘରୁ ବାହାରିବା ମନା

ବେଜିଂ,୧।୯: କରୋନା ମହାମାରୀ ହେତୁ ଚାଇନାର ଅନେକ ସହରରେ ପୁଣି ଲକଡାଉନ ଘୋଷଣା କରାଯାଇଛି। ଚେଙ୍ଗଡୁ ସହରରେ ଶହ ଶହ କରୋନା ଆକ୍ରାନ୍ତ ଚିହ୍ନଟ ହେଉଥିବାବେଳେ...

ଫ୍ରାଙ୍କ୍‌-ଓ୍ବାଲ୍‌ଟର ହେଲେ ପୁଣି ଜର୍ମାନୀର ରାଷ୍ଟ୍ରପତି

ବର୍ଲିନ,୧୪।୨: ଜର୍ମାନୀ ରାଷ୍ଟ୍ରପତି ଫ୍ରାଙ୍କ୍‌-ଓ୍ବାଲ୍‌ଟର ଟେଇନମେଇର ରାଷ୍ଟ୍ରପତି ଭାବେ ୫ ବର୍ଷ ପାଇଁ ପୁନଃ ନିର୍ବାଚିତ ହୋଇଛନ୍ତି। ସ୍ବତନ୍ତ୍ର ସଂସଦୀୟ ସଭାରେ ତାଙ୍କୁ ନିର୍ବାଚନ କରାଯାଇଛି।...

ବାଂଲାଦେଶରେ ବିଜୁଳି ସଙ୍କଟ: ସପ୍ତାହରେ ୨ ଦିନ ବନ୍ଦ ରହିବ ସ୍କୁଲ, କାର୍ଯ୍ୟାଳୟ ସମୟରେ ହେବ ପରିବର୍ତ୍ତନ

ଢାକା,୨୩ ।୮: ବାଂଲାଦେଶରେ ଆର୍ଥିକ ସଙ୍କଟ ବେଳକୁ ବେଳ ବଢିବାରେ ଲାଗିଛି । ମହଙ୍ଗା ମାଡରେ ଉବୁଟୁବୁ ହେଉଥିବା ଜନତାଙ୍କୁ ଏବେ ବିଜୁଳିବି ମିଳିବା କଷ୍ଟକର...

୧୦ ଲକ୍ଷ ଏକର ଜଙ୍ଗଲ ପାଉଁଶ

ସାନ୍‌ ଫ୍ରାନ୍‌ସିସ୍କୋ,୨୪।୮ : ଆମେରିକାର କାଲିଫର୍ନିଆ ଜଙ୍ଗଲରେ ଲାଗିଥିବା ନିଆଁ ଭୟାବହ ରୂପ ନେଇଛି। ଏହି ବନାଗ୍ନି ମାତ୍ର ସପ୍ତାହେ ମଧ୍ୟରେ ୧୦ ଲକ୍ଷ ଏକର...

କରୋନା ଭାଇରସ ପରେ ଏବେ ଆମେରିକାବାସୀଙ୍କ ଚିନ୍ତା ବଢାଇଲାଣି ଏମିବା

ୱାଶିଂଟନ,୨୭ ।୯: କରୋନା ଭାଇରସ ସଂକ୍ରମଣ ଯୋଗୁ ଆମେରିକାବାସୀ ଭୟଭିତ ହୋଇଯାଇଥିବା ବେଳେ ଏବେ ପାନୀୟ ଜଳରେ ମସ୍ତିସ୍କକୁ କ୍ଷତି ପହଞ୍ଚାଉଥିବା ଏମିବା ଦେଖିବାକୁ ମିଳିଛି...

Advertisement
Archives

Model This Week