ଏଡିଲେଡ,୧୨।୨ : ଅଷ୍ଟ୍ରେଲିଆ ଏବଂ ୱେଷ୍ଟଇଣ୍ଡିଜ ମଧ୍ୟରେ ଟି -୨୦ ସିରିଜର ଦ୍ୱିତୀୟ ମ୍ୟାଚ ୧୧ ଫେବୃଆରୀ ରବିବାର ଦିନ ଆଡିଲେଡ ଓଭାଲରେ ଖେଳାଯାଇଥିଲା। ଏହି ମ୍ୟାଚରେ ଅଷ୍ଟ୍ରେଲିଆ ଦଳ ୩୪ ରନରେ ଜିତିଥିଲା। ଏହି ସିରିଜରେ ଦଳ ୨-୧ରେ ଆଗୁଆ ରହିଥିଲା। କିନ୍ତୁ ଏହି ମ୍ୟାଚ ଶେଷରେ, ଅର୍ଥାତ ଦ୍ୱିତୀୟ ଇନିଂସର ୧୯ତମ ଓଭରରେ ରନଆଉଟ ନେଇ ଉତ୍ତେଜନା ଦେଖାଦେଇଥିଲା। ଏହି ଅସନ୍ତୋଷ ପ୍ରକୃତରେ ଅଲଜାରୀ ଜୋସେଫଙ୍କ ସ୍ପଷ୍ଟ ରନଆଉଟରେ ଅମ୍ପାୟାର ମଧ୍ୟ ଦେଇ ନ ଥିବାରୁ ହୋଇଥିଲା। ଅଷ୍ଟ୍ରେଲୀୟ ଦଳର ଖେଳାଳିମାନେ ଏଥିରେ ଅସନ୍ତୁଷ୍ଟ ଦେଖାଯାଉଥିଲେ। ଏହା ପରେ କ୍ରିକେଟ ଜଗତରେ ଏଥିଲାଗି ଥିବା ନିୟମକୁ ନେଇ ଏକ ବିତର୍କ ଆରମ୍ଭ ହୋଇଥିଲା।
ଅଲଜାରୀ ଜୋସେଫ ୧୯ ତମ ଓଭରର ତୃତୀୟ ବଲରେ ସ୍ପେନ୍ସର ଜନସନଙ୍କ ବିପକ୍ଷରେ ରନ ନେଉଥିଲେ । କିନ୍ତୁ କଭରରେ ପୋଷ୍ଟ ହୋଇଥିବା ଫିଲ୍ଡର ବଲକୁ ବୋଲର ଆଡକୁ ଫିଙ୍ଗିଥିଲେ ଏବଂ ଅଲଜାରୀ ସ୍ପଷ୍ଟ ଭାବରେ ଆଉଟ ହୋଇଯାଇଥିଲେ। ଏହା ପରେ ଜନସନ ଏବଂ ଅଧିନାୟକ ମିଚେଲ ମାର୍ଶ ୱିକେଟ ପାଇ ଉତ୍ସବ ପାଳନ କରିବା ଆରମ୍ଭ କରିଥିଲେ। କିନ୍ତୁ ଫିଲ୍ଡ ଅମ୍ପାୟାର ଜେରାର୍ଡ ଆବଡ ଏହାକୁ ଆଉଟ ଦେଇ ନ ଥିଲେ। ସେ କାହିଁକି ସ୍ପଷ୍ଟ ରନଆଉଟ ଦେଇନାହାନ୍ତି ବୋଲି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ। ସେ କହିଥିଲେ କେହି ଏନେଇ ଅପିଲ କରି ନ ଥିଲେ ତେଣୁ ସେ ଆଉଟ ଦେଇ ନ ଥିଲେ।
ମେରିଲେବୋନ କ୍ରିକେଟ କ୍ଲବ (ଏମସିସି) ର ଆଇନ ୩୧.୧ ଅନୁଯାୟୀ ଅମ୍ପାୟାର ବିନା ଅପିଲରେ ଆଉଟ ଦେଇ ପାରିବେ ନାହିଁ। ଏହି ନିୟମ ଅନୁଯାୟୀ, ଯଦି ଫିଲ୍ଡର କିମ୍ବା ଅନ୍ୟ କାହାକୁ ଅପିଲ କଲେ ଅମ୍ପାୟାର ଆଉଟ ଦେବେ। ଏହି ପ୍ରକାର ନିୟମ ଷ୍ଟମ୍ପିଂ ଏବଂ ଏଲବିଡବ୍ଲ୍ୟ ପାଇଁ ମଧ୍ୟ ପ୍ରଯୁଜ୍ୟ ।
ତେବେ ଫିଲ୍ଡ ଅମ୍ପାୟାର ଜେରାର୍ଡ ଅବଦଙ୍କ ଏହି ନିଷ୍ପତ୍ତି ପରେ ଅଷ୍ଟ୍ରେଲୀୟ ଖେଳାଳିମାନେ କ୍ରୋଧିତ ଦେଖାଯାଉଥିଲେ। କିନ୍ତୁ ଯଦି ନିୟମ ଅନୁଯାୟୀ ଦେଖାଯାଏ, ତେବେ ଏହା ଅମ୍ପାୟାରଙ୍କ ସଠିକ ନିଷ୍ପତ୍ତି ଥିଲା। ଏହି ସମଗ୍ର ପ୍ରସଙ୍ଗରେ ଟିମ ଡେଭିଡ କହିଛନ୍ତି ଏହା ଅତ୍ୟନ୍ତ ନୈରାଶ୍ୟଜନକ ନିଷ୍ପତ୍ତି।
ଏହି ମ୍ୟାଚରେ ଅଷ୍ଟ୍ରେଲିଆ ପ୍ରଥମେ ଖେଳି ୨୪୧ ରନ ସ୍କୋର କରିଥିଲା। ଗ୍ଲେନ ମ୍ୟାକ୍ସୱେଲ ତାଙ୍କର ଟି -୨୦ ଅନ୍ତର୍ଜାତୀୟ କ୍ୟାରିୟରର ପଞ୍ଚମ ଶତକ ସ୍କୋର କରିଥିଲେ। ଏହା ପରେ ୱେଷ୍ଟଇଣ୍ଡିଜ ଦଳ ମାତ୍ର ୨୦୭ ରନ ସ୍କୋର କରି ମ୍ୟାଚକୁ ୩୪ ରନରେ ପରାଜିତ ହୋଇଥିଲା।
Extremely bizarre scenes were witnessed at Adelaide Oval.
Spencer Johnson & Mitchell Marsh attempted a run out against Alzarri Joseph and didn't appeal
Spencer Johnson moved on for his next run up, and later, the big screen showed Alzarri Joseph clearly short of his ground. pic.twitter.com/Y69aFJbY1e
— ~ U D I T ~ (@Merovaeous) February 11, 2024
Bizarre scenes in Adelaide
It seemed like Spencer Johnson had run out Alzarri Joseph; Australia celebrated after seeing the replay on the big screen but the batter remained not out as there was no appeal 🏏 #AUSvWI pic.twitter.com/C8mGWFpA6O
— Cricinfo (@cricinfo) February 11, 2024
