ନୂଆଦିଲ୍ଲୀ,୧୬।୫: ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ବିରାଟ କୋହଲି ଭଲଭାବେ ଜାଣିଛନ୍ତି ଯେ ତାଙ୍କୁ ମଧ୍ୟ ଦିନେ କ୍ରିକେଟ ରୁ ଅବସର ନେବାକୁ ପଡିବ। ଅବସର ପୂର୍ବରୁ ବିରାଟ ନିଜ କ୍ୟାରିୟରରେ ସେହି ସବୁ ଜିନିଷ ହାସଲ କରିବାକୁ ଚାହାଁନ୍ତି ଯାହାକି ଅବସର ପରେ ତାଙ୍କର କୌଣସି ଅନୁତାପ ହେବ ନାହିଁ। ସେ କହିଛନ୍ତି ଯେ ଥରେ ଚାଲିଗଲେ ସେ କିଛି ସମୟ ସମୟ ପାଇଁ ନଜର ବି ଆସିବେ ନାହିଁ। ଆଇପିଏଲ ୨୦୨୪ରେ ଚମତ୍କାର ବ୍ୟାଟିଂ କରୁଥିବା କୋହଲି ଚଳିତ ସିଜନରେ ୧୩ ଟି ମ୍ୟାଚରେ ସର୍ବାଧିକ ୬୬୧ ରନ ସଂଗ୍ରହ କରିଛନ୍ତି। ନିକଟରେ ସେ ଏହି ଟି -୨୦ ଲିଗରେ ଏକ ଅଷ୍ଟମ ଶତକର ରେକର୍ଡ ମଧ୍ୟ କରିଥିଲେ।
ସୋସିଆଲ ମିଡିଆରେ ଆରସିବି ଦ୍ୱାରା ପୋଷ୍ଟ କରାଯାଇଥିବା ଭିଡିଓରେ ୩୫ ବର୍ଷୀୟ ବିରାଟ କୋହଲି କହିଛନ୍ତି ଯେ ଅନୁତାପ ନକରି ବଞ୍ଚିବାର ଇଚ୍ଛା ହେଉଛି ତାଙ୍କର ପ୍ରେରଣା। କୋହଲି କହିଛନ୍ତି, ‘ମୁଁ କୌଣସି କାମକୁ ଅସମ୍ପୂର୍ଣ୍ଣ ଛାଡିବାକୁ ଚାହେଁ ନାହିଁ ଯାହା ଦ୍ୱାରା ପରେ ଅନୁତାପ ହେବ ନାହିଁ। କାମ ସରିବା ପରେ ମୁଁ ଚାଲିଯିବି ଏବଂ କିଛି ସମୟ ପାଇଁ ଆଉ ଦେଖାଯିବି ନାହିଁ। ଯେପର୍ଯ୍ୟନ୍ତ ମୁଁ ଖେଳୁଛି, ମୁଁ ଖେଳକୁ ମୋର ସବୁକିଛିଦେବାକୁ ଚାହୁଁଛି। ଏହା ମୋର ପ୍ରେରଣା।
