କଲ୍ୟାଣସିଂହପୁର,୧୪।୩ (ଦୀପକ କୁମାର ପରିଡା): ରାୟଗଡା ଜିଲା କଲ୍ୟାଣସିଂହପୁରସ୍ଥିତ ଜଗନ୍ନାଥ ମନ୍ଦିରର ହୁଣ୍ଡି ଶୁକ୍ରବାର ଖୋଲାଯାଇ ଗଣନା କରାଯାଇଛି। ତହସିଲଦାର ରଞ୍ଜନ କୁମାର ମନସେଠ ଉପସ୍ଥିତିରେ ମନ୍ଦିରର ହୁଣ୍ଡି ଖୋଲି ଗଣନା କରାଯାଇଥିଲା। ଗଣନା ପରେ ସମୁଦାୟ ୪୪,୧୧୦ ଟଙ୍କା ମିଳିଥିବା ଜଣାପଡ଼ିଛି। ପ୍ରତି ୬ ମାସକୁ ଥରେ ମନ୍ଦିରର ହୁଣ୍ଡି ଖୋଲାଯାଇ ଟଙ୍କା ଗଣନା କରାଯାଇଥାଏ ବୋଲି ସୂଚନା ରହିଛି । ଏହି ଛଅ ମାସ ଅବଧିରେ ସଂଗ୍ରହ ହୋଇଥିବା ଏହି ରାଶିକୁ ମନ୍ଦିର କମିଟି ନାମରେ ବ୍ୟାଙ୍କରେ ଜମା କରାଯାଇଥିବା ସୂଚନା ମିଳିଛି। ଟଙ୍କା ଗଣନା ସମୟରେ ସରପଞ୍ଚ ଗୌତମ ବାର୍ଲି, ସଭାପତି ନରସିଂହ ପାଢ଼ୀ, ସମ୍ପାଦକ ୱାରାଣାସି ସୁରିୟା ପ୍ରକାଶ ରାଓ, ରାଜସ୍ବ ନିରୀକ୍ଷକ ଗୌରୀ ଶଙ୍କର କାଣ୍ଡାଗୋରି, ଗଙ୍ଗା ଚୌଧୁରୀ, ଏଏସ୍ଆଇ ଦିଲ୍ଲୀପ କୁମାର ମାଝୀ,ବରିଷ୍ଠ କଂଗ୍ରେସ ନେତା ଗୁଡଲ୍ଲା ପ୍ରସାଦ ରାଓ ଓ ଏକ୍ସ ନାଏବ ସରପଞ୍ଚ,ପାଳକୁଣ୍ଡା ରାମୁଲୁ,ଜି.ରମେଶ, ଜି.ସୁବାଷ ପ୍ରମୁଖ ସହଯୋଗ କରିଥିଲେ।
