ମୁମ୍ବାଇ,୨୨।୪: ଆଇପିଏଲ ୨୦୨୨ ମୁମ୍ବାଇ ଇଣ୍ଡିଆନ୍ସ ପାଇଁ ଆଦୌ ଭଲ ଚାଲିନାହିଁ। ଦଳ ଏପର୍ଯ୍ୟନ୍ତ ଗୋଟିଏ ବି ମ୍ୟାଚ ଜିତି ନାହିଁ। ଦଳ କ୍ରମାଗତ ୭ଟି ପରାଜୟ ହାସଲ କରିଛି। ଆଇପିଏଲ ଇତିହାସରେ ୫ଥର ଚାମ୍ପିଅନ ଦଳର ଏହା ସବୁଠାରୁ ଖରାପ ପ୍ରଦର୍ଶନ। ଟୁର୍ନାମେଣ୍ଟର ଏକ ମ୍ୟାଚରେ ଚେନ୍ନାଇ ସୁପର କିଙ୍ଗ୍ସ ୩ ଉଇକେଟରେ ମୁମ୍ବାଇ ଇଣ୍ଡିଆନ୍ସକୁ ପରାସ୍ତ କରିଛି। ମ୍ୟାଚ୍ରେ ପ୍ରଥମ ଖେଳି ମୁମ୍ବାଇ ୭ ଉଇକେଟ ପାଇଁ ୧୫୫ ରନ ସଂଗ୍ରହ କରିଥିଲା। ଏହାର ଜବାବାରେ ସିଏସକେ ସ୍ଥିତି ଖରାପ ଥିଲା। ଶେଷ ବଲରୁ ଜିତିବା ପାଇଁ ସିଏସ୍କେକୁ ରନ ସ୍କୋର କରିବାକୁ ପଡିଲା। ଦଳର ପୂର୍ବତନ ଅଧିନାୟକ ଏମଏସ ଧୋନୀ ଜୟଦେବ ଉନାଦକତଙ୍କ ବଲ୍ରେ ଚୌକା ମାରି ଦଳକୁ ରୋମାଞ୍ଚକର ବିଜୟ ପ୍ରଦାନ କରିଥିଲେ। ୩ ଚୌକା ଏବଂ ଗୋଟିଏ ଛକା ସହାୟତାରେ ସେ ୧୩ଟି ବଲରୁ ୨୮ରେ ଅପରାଜିତ ରହିଥିଲେ। ଧୋନୀ ମୁମ୍ବାଇ ବିପକ୍ଷ ମ୍ୟାଚରେ ବିଜୟୀ ଚୌକା ମାରିବା ମାତ୍ରେ ମୁମ୍ବାଇ ଇଣ୍ଡିଆନ୍ସ ଅଧିନାୟକ ରୋହିତ ଶର୍ମା ତାଙ୍କ ମୁଣ୍ଡରେ ହାତ ଦେଇଥିଲେ। ସେ ପରାଜୟକୁ ବିଶ୍ୱାସ କରିପାରିଲେ ନାହିଁ। ରୋହିତଙ୍କ ଅଧିନାୟକତ୍ୱରେ ମୁମ୍ବାଇର ଦଳ ଗତ ସିଜନରେ ମଧ୍ୟ ପ୍ଲେ ଅଫରେ ପ୍ରବେଶ କରିପାରି ନ ଥିଲା। ଚଳିତ ସିଜନରେ ମଧ୍ୟ କ୍ରମାଗତ ୭ ମ୍ୟାଚ୍ ହାରିବା ପରେ ପ୍ଲେ ଅଫ ପହଞ୍ଚିବା ତାଙ୍କ ପକ୍ଷେ ଅସମ୍ଭବ ହୋଇପଡିଛି।
Woooow Dhoni the Finishers Forever 🔥🔥🔥🔥 #CSK𓃬 #Dhoni #cs #IPL pic.twitter.com/Dj7IGbWK7E
— Save Nature (@mdrafe07) April 21, 2022
