ଜଗନ୍ନାଥପ୍ରସାଦ,୨୦ା୬(ବିଭୁ ପ୍ରସାଦ ପଟ୍ଟନାୟକ): ଜଗନ୍ନାଥପ୍ରସାଦ ପୁଣି କାୟା ମେଲାଇଲେଣି ଚୋର ନିଦ ହଜାଇଲାଣି ଚୋରି ଖବର ବଡ଼ଦାଣ୍ଡ ସାହିରୁ କବାଟ ଭାଙ୍ଗି ଲକ୍ଷାଧିକ ଟଙ୍କାର ସୁନାଗହଣା ଓ ନଗଦ ଟଙ୍କା ଲୁଟ୍, ଥାନାରେ ଏତଲା ସ୍ଥାନୀୟ ଅଞ୍ଚଳରେ ସହରରେ ପୁଣି ସକ୍ରିୟ ହେଲେଣି ଚୋର। ଦିନକୁ ଦିନ ଚୋରି ମାମଲା ବଢ଼ି ଚାଲିଥିବା ବେଳେ ଏହା ସ୍ଥାନୀୟ ବାସିନ୍ଦାଙ୍କ ନିଦ ହଜାଇ ଦେଇଛି। ଏଭଳି ଏକ ବଡ଼ଧରଣର ଚୋରି ଘଟଣା ସ୍ଥାନୀୟ ସହରର ବଡ଼ଦାଣ୍ଡ ସାହିରେ ଦେଖିବାକୁ ମିଳିଛି। ଚୋରମାନେ ସାହିର ବସନ୍ତ ସାହୁଙ୍କ ଘରୁ ଲକ୍ଷାଧିକ ଟଙ୍କାର ସୁନା, ରୁପା ଅଳଙ୍କାର ସହ ନଗଦ ଟଙ୍କା ଲୁଟି ନେଇଥିବା ଜଣାପଡ଼ିଛି।
ମିଳିଥିବା ସୂଚନା ଅନୁଯାୟୀ, ଗୁରୁବାର ବିଳମ୍ବିତ ମଧ୍ୟରାତ୍ରିରେ ଚୋରମାନେ ଯୋଜନାବଦ୍ଧ ଭାବେ ବସନ୍ତ ସାହୁଙ୍କ ଘରକୁ ଟାର୍ଗେଟ କରିଥିଲେ। ପରିବାର ଲୋକେ ଶୋଇଥିବା ବେଳେ ଚୋରମାନେ ଘରର ପଛ ପଟେ ଥିବା ତିନୋଟି କବାଟକୁ ଗୋଟିଏ ପରେ ଗୋଟିଏ ଭାଙ୍ଗି ଭିତରକୁ ପ୍ରବେଶ କରିଥିଲେ। ଏହାପରେ ଘରେ ଥିବା ଆଲମିରା ଓ ଗଡ୍ରେଜ ଲକର୍ ଭାଙ୍ଗି ସେଥିରେ ଥିବା ନଗଦ ୨୨ ହଜାର ଟଙ୍କା, ସୁନା ବ୍ରେସ୍ଲେଟ୍, ୪ ହଳ ସୁନା ଚୁଡ଼ି ଏବଂ ୪ ହଳ ରୁପା ପାଉଁଜି ସହ ସୂଟକେଶ ଭିତରେ ଥିବା ଟଙ୍କା ରଖାଯାଉଥିବା କୁମ୍ପିକୁ ସାଙ୍ଗରେ ନେଇ ଚମ୍ପଟ ମାରିଛନ୍ତି। ଘଟଣା ସମ୍ପର୍କରେ ଜଣାପଡ଼ିବା ପରେ ବସନ୍ତ ସାହୁଙ୍କ ପକ୍ଷରୁ ସ୍ଥାନୀୟ ଥାନାରେ ଏକ ଲିଖିତ ଏତଲା ଦିଆଯାଇଛି। ପ୍ରଥମେ ଅଳଶୁ ଗ୍ରାମର ଜଣେ ବିଧବା ମହିଳା, ପରେ ଜଣେ ଅବସରପ୍ରାପ୍ତ ଶିକ୍ଷକ, ଅଙ୍ଗନବାଡ଼ି, ସୁନା ଦୋକାନୀଙ୍କ ବାସ ଘରୁ, ପରେ ହରିପୁର ବର୍ତ୍ତମାନ ହେଡ଼କାଟର ବଡ଼ଦାଣ୍ଡ ସାହି। ଅଭିଯୋଗକୁ ଭିତ୍ତିକରି ପୋଲିସ ମାମଲା ରୁଜୁ କରିବା ସହ ଘଟଣାର ତଦନ୍ତ ଆରମ୍ଭ କରିଛି। ସହରର ମୁଖ୍ୟ ବଜାର ଅଞ୍ଚଳରେ ଏଭଳି ସାହସିକ ଚୋରିକୁ ନେଇ ସ୍ଥାନୀୟ ବ୍ୟବସାୟୀ ଓ ଜନସାଧାରଣଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ପୋଲିସ ପାଟ୍ରୋଲିଂକୁ କଡ଼ାକଡ଼ି କରିବା ସହ ଚୋରମାନଙ୍କୁ ସ୍ପଷ୍ଟ ଚିହ୍ନଟ କରି ଗିରଫ କରିବାକୁ ଦାବି ହେଉଛି।
