ଆବାସ ପାଇଁ ରାସ୍ତା ବାଧକ

ଭାପୁର, ୨୦।୧୦(ଡି.ଏନ.ଏ.) – ଆବାସ ଯୋଜନାରେ ଘର ତୋଳାହେବ। ଏଥିପାଇଁ ମିଳିଛି କାର୍ଯ୍ୟାଦେଶ। ଟଙ୍କା ବି ମଞ୍ଜୁର ହୋଇସାରିଲାଣି। ହେଲେ ହିତାଧିକାରୀ ଅସହାୟ। ଇଚ୍ଛାଥିଲେ ବି ସେମାନେ ନିଜର ଘର ଖଣ୍ଡିକ ତିଆରି କରିପାରିବେନି। କାରଣ ବାସଗୃହ ନିର୍ମାଣ ଲାଗି ଆବଶ୍ୟକ ସାମଗ୍ରୀ ପହଞ୍ଚିବାକୁ ଗାଁକୁ ରାସ୍ତା ନାହିଁ। ତେଣୁ ଅନୁମତିପତ୍ର ଧରି ନିଜ ଭାଗ୍ୟକୁ ନିନ୍ଦୁଛନ୍ତି ଢେଙ୍କାନାଳ ଜିଲା ଓଡ଼ାପଡ଼ା ବ୍ଲକ କୋତ୍ତମ ପଞ୍ଚାୟତ ଖଇରାସାହି ବାସିନ୍ଦା।
ପୁରୁଣା କଟକ-ସମ୍ବଲପୁର ରାସ୍ତାଠାରୁ ମାତ୍ର ୩ କିଲୋମିଟର ଦୂର ଏବଂ କୋତ୍ତମ ପଞ୍ଚାୟତର ୫ନଂ. ଓ୍ବାର୍ଡ ଅଧୀନ ଖଇରାସାହିକୁ ମିଳଛି ରାଜସ୍ବ ଗ୍ରାମର ମାନ୍ୟତା। ହେଲେ ସବୁଦିନିଆ ରାସ୍ତା ଅପେକ୍ଷାରେ ବର୍ଷବର୍ଷ ବିତିଗଲାଣି। ଲୋକଙ୍କ ଗମନାଗମନର ମୁଖ୍ୟ ରାସ୍ତାରେ ପ୍ରଶାସନ ପକ୍ଷରୁ ଆଜିଯାଏ ଗାଣ୍ଡୁଆଏ ମାଟି ପଡ଼ି ନ ଥିବା ଅଞ୍ଚଳବାସୀ କ୍ଷୋଭର ସହ କହିଛନ୍ତି। ଫଳରେ ଗ୍ରାମରେ ରହୁଥିବା ୨୦ ଦଳିତ ପରିବାରର ୮୦ ଜଣଙ୍କ ନିକଟରେ ଶିକ୍ଷା, ସ୍ବାସ୍ଥ୍ୟ ସମେତ ଅନ୍ୟ ମୌଳିକ ଆବଶ୍ୟକତା ଅପହଞ୍ଚ ହୋଇରହିଛି। ବର୍ଷାଦିନେ ଗ୍ରାମ ବାହ୍ୟ ଜଗତରୁ ବିଚ୍ଛିନ୍ନ ହୋଇପଡ଼େ। ଗାଁରେ ୪ ଚକିଆ ଗାଡ଼ି ଗଡ଼ିବା କେହି ଦେଖିନାହାନ୍ତି। ଗୁରୁତର ରୋଗୀ, ଗର୍ଭବତୀ ଖଟିଆରେ ବୁହା ହୋଇ ସ୍ବାସ୍ଥ୍ୟକେନ୍ଦ୍ରକୁ ଆସୁଛନ୍ତି। ପାନୀୟ ଜଳ ପାଇଁ ଥିବା ଏକମାତ୍ର ନଳକୂପ ଖରାଦିନେ ଅଚଳ ହୋଇପଡୁଛି। ଗ୍ରାମବାସୀ ନିଜ ଖର୍ଚ୍ଚରେ ଏହାକୁ ସଜାଡ଼ୁଛନ୍ତି। ସବୁଠାରୁ ବଡ଼କଥା ୫ନଂ. ଓ୍ବାର୍ଡ ଖଇରାସାହି ଏବଂ ରଥିଆପାଳ ଗ୍ରାମକୁ ନେଇ ଗଠିତ। ୮ କିଲୋମିଟର ଦୂରରେ ଅବସ୍ଥିତ ରଥିଆପାଳରେ ବିକାଶମୂଳକ କାର୍ଯ୍ୟ ତ୍ୱରାନ୍ବିତ ହେଉଥିବାବେଳେ ସବୁଥିରୁ ବଞ୍ଚତ୍ତ ହୋଇରହିଛି ଖଇରାସାହି। ସେହିପରି ରାସ୍ତା ନ ଥିବାରୁ ନିର୍ମାଣ ସାମଗ୍ରୀ ପହଞ୍ଚତ୍ ପାରୁନାହିଁ। ତେଣୁ ଆବାସ ଯୋଜନାରେ ଘର ନିର୍ମାଣ କାର୍ଯ୍ୟ ତ୍ୱରାନ୍ବିତ ହୋଇପାରୁନାହିଁ, ଯାହାକୁ ନେଇ ଅଞ୍ଚଳବାସୀ କ୍ଷୋଭ ବ୍ୟକ୍ତ କରିଛନ୍ତି।
ଏ ସଂକ୍ରାନ୍ତରେ ସରପଞ୍ଚ ଚିନ୍ମୟୀ ବିଶ୍ୱାଳ କୁହନ୍ତି, ଗ୍ରାମର ୧୦ ପରିବାରକୁ ପ୍ରଧାନମନ୍ତ୍ରୀ ଆବାସ ଯୋଜନାରେ ସାମିଲ କରାଯାଇଛି। କାର୍ଯ୍ୟାଦେଶ ମଧ୍ୟ ପ୍ରଦାନ କରାଯାଇଛି। ହେଲେ ଗାଁକୁ ରାସ୍ତା ନ ଥିବାରୁ ଭାରିଯାନ ଚଳାଚଳ କରିପାରୁନାହିଁ। ନିର୍ମାଣ ସାମଗ୍ରୀ ଯାଇପାରୁ ନ ଥିବାରୁ ଘର କାମ ଆରମ୍ଭ ହୋଇପାରୁନାହିଁ। ଏ ଦିଗରେ ପ୍ରଶାସନର ଦୃଷ୍ଟି ଆକର୍ଷଣ କରାଯାଇଛି। ଓ୍ବାର୍ଡସଭ୍ୟ ଗଭି ନାଏକ କହିଛନ୍ତି, ପ୍ରତି ପଞ୍ଚାୟତ ସଭାରେ ସମସ୍ୟା ବିଷୟରେ ଦୃଷ୍ଟି ଆକର୍ଷଣ କରାଯାଉଛି। ହେଲେ କେହି ନଜର ଦେଉନାହାନ୍ତି। ବିଡିଓ ଦାଶରଥି ଜେନା କୁହନ୍ତି, ସମସ୍ୟା ସମ୍ପର୍କରେ ଅବଗତ ନାହାନ୍ତି। ବିଭିନ୍ନ ଉନ୍ନୟନ କାର୍ଯ୍ୟ ପାଇଁ ଅନୁଦାନ ଆସିଛି। ତୁରନ୍ତ ତଦନ୍ତ କରାଇ ପଦକ୍ଷେପ ନିଆଯିବ। ପର୍ଯ୍ୟାୟକ୍ରମେ ରାସ୍ତା ସହିତ ଅନ୍ୟ ସମସ୍ୟାର ସମାଧାନ କରିବା ଲାଗି ଦୃଷ୍ଟି ଦିଆଯିବ।
ଝିଅ ବାହା ଦେବାକୁ ଅମଙ୍ଗ ହେଉଛନ୍ତି
ଗାଁକୁ ରାସ୍ତା ନିର୍ମାଣ ସ୍ବପ୍ନ ହୋଇଛି। ଭଲ ରାସ୍ତା ନ ଥିବାରୁ ଏଠାରେ ଝିଅକୁ ବାହାଦେବାକୁ ଅନ୍ୟ ଅଞ୍ଚଳବାସୀ ରାଜି ହେଉନାହାନ୍ତି। ସରକାର ଖାଲି ତଦନ୍ତ କରୁଛନ୍ତି। କାମର ନାଁ ଗନ୍ଧ କିଛି ନାହିଁ।
-କୀର୍ତ୍ତନ ନାଏକ, ଗ୍ରାମବାସୀ
ରୋଗୀଙ୍କୁ ଖଟିଆ ଭରସା
ଦୀର୍ଘବର୍ଷ ହେଲା ମାଟିକାଦୁଅ ରାସ୍ତାରେ ଯିବା ଆସିବା କରୁଛୁ। ରୋଗୀ, ଗର୍ଭବତୀଙ୍କୁ ଖଟିଆ ଭରସା। ନଦୀ ପାର ହେବାକୁ ସେମାନଙ୍କୁ ବୋହି ନେବାକୁ ପଡୁଛି। ବର୍ଷାଦିନେ ଜେଲ ଭଳି ଅନୁଭବ ହେଉଛି।
-ଆଶା ନାଏକ, ଗ୍ରାମବାସୀ
ଇଚ୍ଛା ଥାଇ ବି ପାଠ ପଢ଼ିପାରୁନୁ

ବର୍ଷା ଦିନେ ରାସ୍ତା ଅତି କଦର୍ଯ୍ୟ ହୋଇପଡୁଛି। ସ୍କୁଲ ଯିବା ମୁସ୍କିଲ ହୋଇପଡୁଛି। ଇଚ୍ଛା ଥିଲେ ବି ବିଦ୍ୟାଳୟକୁ ଯାଇ ହେଉନି। ଏଥିଲାଗି ଗ୍ରାମର ୬-୭ଜଣ ପିଲାଙ୍କ ଭବିଷ୍ୟତ ଅନ୍ଧକାର ହୋଇପଡ଼ିଛି।
-ଚନ୍ଦନ ନାଏକ, ଛାତ୍ର


Enter your email to get our daily news in your inbox.

All Right Reserved By Dharitri.Com

ଜାତୀୟ ପ୍ରେସ୍ ଦିବସ : ଗଣତନ୍ତ୍ରର ସୁରକ୍ଷା ଓ ସୁଦୃଢ଼ୀକରଣରେ ଗଣମାଧ୍ୟମର ଭୂମିକା ଗୁରୁତ୍ୱପୂର୍ଣ୍ଣ

ଭଞ୍ଜନଗର, ୧୬/୧୧ (ବାବୁଲା ପ୍ରଧାନ): ଗଞ୍ଜାମ ଜିଲା ଭଞ୍ଜନଗରସ୍ଥିତ କବିସମ୍ରାଟ ଉପେନ୍ଦ୍ର ଭଞ୍ଜ ମହାବିଦ୍ୟାଳୟର ସାମ୍ବାଦିକତା ଓ ଗଣଯୋଗାଯୋଗ ବିଭାଗ ପକ୍ଷରୁ ସୋମବାର ଜାତୀୟ ପ୍ରେସ୍ ଦିବସ…

ଲୁତୁରପଙ୍କରେ ଗୋଦାବରୀଶ ଆଦର୍ଶ ବିଦ୍ୟାଳୟ ସ୍ଥାପନ ଦାବି ତେଜିଲା

ଅମରପାଲି,୧୬।୧୧(ପୀତାମ୍ବର ସାହୁ): ସୁବର୍ଣ୍ଣପୁର ଜିଲା ବୀରମହାରାଜପୁର ବ୍ଲକ ଅଧୀନ ଲୁତୁରପଙ୍କ ଗ୍ରାମରେ ଗୋଦାବରୀଶ ମିଶ୍ର ଆଦର୍ଶ ପ୍ରାଥମିକ ବିଦ୍ୟାଳୟ ସ୍ଥାପନ ପାଇଁ ଗ୍ରାମବାସୀ ଦାବି କରିଛନ୍ତି। ଏନେଇ…

କର୍ଲାମୁଣ୍ଡା ବ୍ଲକ୍‌ର ରିଷିଡ଼ାରେ ଜଳ ସଙ୍କଟ: ୧୨ ଦିନ ହେଲା ପାଇପ୍‌ ଯୋଗେ ପାଣି ଯୋଗାଣ ବନ୍ଦ

ରିଷିଡ଼ା, ୧୬/୧୧ (ସୁଶାନ୍ତ ମଲ୍ଲିକ): କର୍ଲାମୁଣ୍ଡା ବ୍ଲକ୍‌ର ଜନବହୁଳ ରିଷିଡ଼ା ଗ୍ରାମରେ ଗତ ୧୨ ଦିନ ହେଲା ପାନୀୟ ଜଳ ଯୋଗାଣ ସମ୍ପୂର୍ଣ୍ଣ ବ୍ୟାହତ ହୋଇଛି। ତେଲ…

ଆମର ଏହି ବସୁନ୍ଧରା

ଦିନକର କଥା। ସୂର୍ଯ୍ୟଠାରୁ ସେଦିନ ଖଣ୍ଡେ ବାହାରି ଆସିଲା। ସେହି ସୂଯର୍ର୍‌ୟାଂଶ ହିଁ ହେଲା ଆମ ପୃଥିବୀ। ତାକୁ ସୂର୍ଯ୍ୟ ଖଣ୍ଡ ନ କହି ସୂର୍ଯ୍ୟକନ୍ୟା କହିବାଟା…

ସଚିନ ତେନ୍ଦୁଲକରଙ୍କ ସହ କ୍ରିକେଟ୍‌ ଖେଳିଲେ ପ୍ରିନ୍ସ ୱିଲିୟମ୍‌, ଚା’ ପିଇବା ପରେ କହିଲେ….

ମୁମ୍ବାଇ,୧୬।୧୧: ବ୍ରିଟେନ୍‌ର ପ୍ରିନ୍ସ ୱିଲିୟମ୍‌ ଓ ପ୍ରିନ୍ସେସ୍‌ କେଟ୍‌ ମିଡଲଟନ୍‌ ମୁମ୍ବାଇର ବଲାର୍ଡ ଇଷ୍ଟେଟ୍‌ ଗସ୍ତ ସମୟରେ କ୍ରିକେଟ୍‌ କିମ୍ବଦନ୍ତୀ ସଚିନ ତେନ୍ଦୁଲକରଙ୍କ ସହ ଏକ ସ୍ମରଣୀୟ…

ଆସିଲା ୨୦୩୫ ପର୍ଯ୍ୟନ୍ତ ପ୍ରମୁଖ ଇଭେଣ୍ଟର କାର୍ଯ୍ୟସୂଚୀ: ଜାଣନ୍ତୁ ଭାରତରେ ହେବ କେଉଁ ସବୁ ବଡ଼ ଇଭେଣ୍ଟ

ନୂଆଦିଲ୍ଲୀ,୧୫।୧୧: ଅନ୍ତର୍ଜାତୀୟ କ୍ରିକେଟ ପରିଷଦ(ଆଇସିସି) ୨୦୩୫ ପର୍ଯ୍ୟନ୍ତ ଏହାର ପ୍ରମୁଖ ପୁରୁଷ ଇଭେଣ୍ଟ କାର୍ଯ୍ୟସୂଚୀକୁ ମଞ୍ଜୁରୀ ପ୍ରଦାନ କରିଛି। ଏଥିସହିତ ପରବର୍ତ୍ତୀ ୩ ବୃହତ୍‌ ଇଭେଣ୍ଟ ଯଥା…

୧୦ କୋଟି ଟଙ୍କାରୁ ଅଧିକ ମୂଲ୍ୟ ଥିବା ପାଞ୍ଚ ଜଣ ଖେଳାଳିଙ୍କୁ ଦଳରୁ ମୁକ୍ତ କରାଯାଇପାରେ; ଆସନ୍ତାକାଲି ଆସିବ ଆଇପିଏଲ (IPL) ୨୦୨୭ ପାଇଁ ରିଟେନସନ ତାଲିକା

ନୂଆଦିଲ୍ଲୀ,୧୬।୧୧: IPL 2027 ପାଇଁ ସମସ୍ତ ଦଳର ରିଟେନସନ ତାଲିକା ନଭେମ୍ବର ୧୭ରେ ପ୍ରକାଶ ପାଇବ। ହାର୍ଦ୍ଦିକ ପାଣ୍ଡ୍ୟା ଏବଂ ରିଷଭ ପନ୍ତଙ୍କ ପରି ପ୍ରମୁଖ ଖେଳାଳିମାନେ…

ପୂର୍ବତନ ପ୍ରଧାନ ଶିକ୍ଷକଙ୍କୁ ଝୁରୁଛି ଗାଁ ମାଟି: ଶିକ୍ଷକତା ପରେ କାହଁକି ନେଲେ ଏଭଳି ଚରମ ନିଷ୍ପତ୍ତି

ବରୀ, ୧୬।୧୧ (ମହେନ୍ଦ୍ର ସ୍ୱାଇଁ): ବରୀ ଶିକ୍ଷାମଣ୍ଡଳ ଅନ୍ତର୍ଗତ ଅରଙ୍ଗାବାଦ ପ୍ରକଳ୍ପ ପ୍ରାଥମିକ ବିଦ୍ୟାଳୟର ପୂର୍ବତନ ପ୍ରଧାନ ଶିକ୍ଷକ ସୁରେନ୍ଦ୍ର ପ୍ରଧାନଙ୍କ ମୃତ୍ୟୁ ଘଟିଛି। ପାରିବାରିକ କଳହକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?