ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନୀ ଅନ୍ତର୍ଜାତୀୟ ଖେଳରୁ ସନ୍ୟାସ ନେବା ପରେ ପରିବାର ସହ ସମୟ ବିତାଉଛନ୍ତି। କେତେବେଳେ ତାଙ୍କୁ ଦୁବାଇ ତ ଆଉ କେତେବେଳେ ମୁମ୍ବାଇରେ ସ୍ତ୍ରୀ ସାକ୍ଷୀଙ୍କ ସହ ମସ୍ତି କରୁଥିବାର ଦେଖିବାକୁ ମିଳୁଛି। ସାକ୍ଷୀ ସବୁ ଖାସ୍ ସମୟର ଫଟୋ ସୋସିଆଲ ମିଡିଆରେ ଶେୟାର କରିଥାନ୍ତି। ନିକଟରେ ସାକ୍ଷୀ ଇନ୍ଷ୍ଟାଗ୍ରାମ୍ରେ ନିଜର ଏକ କ୍ୟୁଟ୍ ଫଟୋ ଶେୟାର କରିଛନ୍ତି। ଏହି ଫଟୋରେ ଧୋନୀ ଟୋପି ପିନ୍ଧିଥିବା ବେଳେ ସାକ୍ଷୀ ବହୁତ ସୁନ୍ଦର ଦେଖାଯାଉଛନ୍ତି। ତେବେ ଧୋନୀ, ସାକ୍ଷୀଙ୍କ ସହ ଫଟୋରେ ରିଷଭ ପନ୍ତଙ୍କୁ ମଧ୍ୟ ଦେଖିବାକୁ ମିଳୁଛି।
ବର୍ଡର ଗାଭାସ୍କର ସିରିଜ୍ର ଷ୍ଟାର ପାଲଟିଥିବା ରିଷଭ ପନ୍ତ ଅଷ୍ଟ୍ରେଲିଆରୁ ଫେରିବା ପରେ ଏବେ ଏକାକୀ ସମୟ ବିତାଉଛନ୍ତି। ଏହି ଅବସରରେ ସେ ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନୀ ଏବଂ ତାଙ୍କ ସ୍ତ୍ରୀ ସାକ୍ଷୀଙ୍କୁ ଭେଟିଥିଲେ। ଧୋନୀ, ସାକ୍ଷୀ ଏବଂ ରିଷଭଙ୍କ ଏହି ଫଟୋ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି। ଏଥିରେ ଧୋନୀଙ୍କୁ ଭିନ୍ନ ଲୁକ୍ରେ ଦେଖିବାକୁ ମିଳୁଛି। ସେହିପରି ସାକ୍ଷୀ ଗୋଲାପୀ ରଙ୍ଗର ଏକ ସ୍କାର୍ପ ବେକରେ ପକାଇଛନ୍ତି। ଧୋନୀ ସାକ୍ଷୀଙ୍କ ମଧ୍ୟରେ ରିଷଭ କଣ୍ଟା ସାଜିଥିବା ଜଣେ ପ୍ରଶଂସକ ମଜାଳିଆ ଢଙ୍ଗରେ ଲେଖିଛନ୍ତି।
