ମୁମ୍ବାଇ,୨୯।୪: ଇଣ୍ଡିଆନ୍ ପ୍ରିମିୟର ଲିଗ୍(ଆଇପିଏଲ୍) ୨୦୨୨ ସିଜନ୍ରେ ଗୁରୁବାର ଦିଲ୍ଲୀ କ୍ୟାପିଟାଲ୍ସ ଏବଂ କୋଲକାତା ନାଇଟ୍ ରାଇଡର୍ସ ମଧ୍ୟରେ ମୁକାବିଲା ଥିଲା। ମ୍ୟାଚ୍ରେ ଋଷଭ ପନ୍ତ ନେତୃତ୍ୱାଧିନ ଦିଲ୍ଲୀ ଟିମ୍ ୪ ଉଇକେଟରେ ବିଜେତା ହୋଇଥିଲା। କୁଲଦୀପ ଯାଦବ ଏଥିରେ ୪ ଉଇକେଟ ନେଇ ହିରୋ ପାଲଟିଥିଲେ।
କୁଲଦୀପଙ୍କ ଉପଲବ୍ଧି ମଧ୍ୟରେ ପ୍ରଶଂସକଙ୍କ ନଜରରେ ଆସିଥିଲେ ଜଣେ ଯୁବତୀ। ଷ୍ଟାଡିୟମରେ ସେ ପନ୍ତଙ୍କ ଭଉଣୀ ସାକ୍ଷୀ ପନ୍ତଙ୍କ ସହ ବସିଥିବା ନଜର ଆସିଥିଲେ। ଦିଲ୍ଲୀ ଟିମ୍ର ପ୍ରତିଟି ସଫଳତାକୁ ସେ ସେଲିବ୍ରେଟ୍ କରୁଥିବା ଦେଖାଯାଇଥିଲା। ସେ କିଏ ବୋଲି ଚର୍ଚ୍ଚା ବଢ଼ିବା ପରେ ଏବେ ତାହା ସ୍ପଷ୍ଟ ହୋଇଛି। ଯୁବତୀ ଜଣଙ୍କ ଈଶା ନେଗୀ ବୋଲି ଜଣାପଡ଼ିଛି। ସୋସିଆଲ ମିଡିଆରେ ତାଙ୍କ ଫଟୋ ଭାଇରାଲ ହେଉଥିବା ବେଳେ ପ୍ରଶଂସକମାନେ ତାଙ୍କୁ ଭାଉଜ ବୋଲି ସମ୍ବୋଧନ କରୁଛନ୍ତି।
ଈଶା ଉତ୍ତରାଖଣ୍ଡର ବାସିନ୍ଦା। ପେସାରେ ସେ ଜଣେ ଇଣ୍ଟିରିଅର ଡିଜାଇନର। ୨୦୧୯ ବିଶ୍ୱକପ୍ ପୂର୍ବରୁ ପନ୍ତ ଇନଷ୍ଟାଗ୍ରାମରେ ଈଶାଙ୍କ ସହ ଫଟୋ ଶେୟାର କରି କେବଳ ତାଙ୍କୁ ଖୁସିରେ ରଖିବାକୁ ଚାହୁଁଥିବା ଲେଖିଥିଲେ। ସେବେଠାରୁ ଈଶା ପନ୍ତଙ୍କୁ ଡେଟ୍ କରୁଛନ୍ତି।
