ନିର୍ବାଚିିତ ପ୍ରତିନିଧି ବାଛି ପାରୁ ନାହାନ୍ତି ଓଡ଼ଗାଁ ବାସିନ୍ଦା

ନୟାଗଡ଼,୧୧।୯ (ଲୋକନାଥ ମିଶ୍ର): ନୟାଗଡ଼ ଜିଲାର ଓଡ଼ଗାଁ ଏନଏସି ଗଠନର ୫ ବର୍ଷ ବିତି ଗଲାଣି । ହେଲେ ଓଡ଼ଗାଁ ସହରାଞ୍ଚଳବାସୀ ଏଯାବତ ଭୋଟ ଦେଇ ସେମାନଙ୍କର ନିର୍ବାଚିତ ପ୍ରତିନିଧି ବାଛି ପାରୁ ନାହାନ୍ତି । ୱାର୍ଡ ପୁର୍ନଗଠନରେ ଭୁଲ ଦର୍ଶାଇ କୋର୍ଟରେ ମାମଲା କରିବାରୁ ଓଡ଼ଗାଁ ଏନଏସିରେ ନିର୍ବାଚନ ହୋଇ ପାରୁ ନ ଥିବା ଅଭିଯୋଗ ହୋଇଛି। କେତେଜଣ ବ୍ଲକସ୍ତରୀୟ ରାଜନେତା ଓଡ଼ଗାଁ ଏନଏସିରେ ନିର୍ବାଚନ ନ କରିବାକୁ ପ୍ରାୟୋଜିତ କାର୍ଯ୍ୟକ୍ରମ କରି ସଫଳ ହୋଇଛନ୍ତି । ୨୦୧୭ରେ ଓଡ଼ଗାଁ ଏନଏସି ଗଠନ ହୋଇଥିଲେ ମଧ୍ୟ ଏଥିରେ ଏଯାବତ ଜଣେ ସ୍ଥାୟୀ ନିର୍ବାହୀ ଅଧିକାରୀ ନାହାନ୍ତି । ଓଡ଼ଗାଁ ବିଡିଓ ଏହାର ଅତିରିକ୍ତ ଦାୟିତ୍ୱରେ ରହିଛନ୍ତି । ଗଣତନ୍ତ୍ର ଶାସନକୁ ରୋକ୍‌ ଦେବା ପାଇଁ ଚକ୍ରାନ୍ତ ହୋଇଥିବାରୁ ସାଧାରଣରେ ଅସନ୍ତୋଷ ଓ ଆନ୍ଦୋଳନ ପାଇଁ ଦାନା ବାନ୍ଧୁଛି।

ନିର୍ବାଚନ ପାଇଁ ସଚେତନତା ସୃଷ୍ଟି କରିବୁ
ଓଡ଼ଗାଁ ଏନଏସି ଗଠନ ପାଇଁ ୧ମାସ ଓଡ଼ଗାଁ ବ୍ଳକ କାର୍ଯ୍ୟାଳୟ ସମ୍ମୁଖରେ ଆଞ୍ଚଳିକ ବିକାଶ ପରିଷଦ ପକ୍ଷରୁ ଧାରଣା ଦିଆଯାଇଥିଲା। ମୁଁ ନିଜେ ଧାରଣା ଦେଇଥିଲି। ସହରାଞ୍ଚଳ ପାଇଁ ଓଡ଼ଗାଁବାସୀଙ୍କ ସମର୍ଥନ ମିଳିଥିଲା। ତେବେ ସ୍ଥାନୀୟ ବିଧାୟକ ଓ ନେତା ଏନଏସି ପାଇଁ ଆଗ୍ରହୀ ନ ଥିଲେ । ସବୁ କଳ୍ପନାଜଳ୍ପନାର ଅବସାନ ଘଟି ୨୦୧୭ରେ ଓଡ଼ଗାଁ ଏନଏସି ଘୋଷଣା ହେଲା । ହେଲେ ଓଡ଼ଗାଁ ଏନଏସିରେ ନିର୍ବାଚନ ବନ୍ଦ କରିବା ପାଇଁ କେତେଜଣ ରାଜନେତା ଗୋଟି ଚାଳନା କରି ସଫଳ ହେଲେ। ୱାର୍ଡ ପୁର୍ନଗଠନରେ ତ୍ରୁଟି ଦର୍ଶାଇ ଜଣେ ଶିକ୍ଷକ କୋର୍ଟକୁ ଯାଇ ମାମଲା କଲେ । ଏଣୁ ଏନଏସି ଗଠନଠାରୁ ନିର୍ବାଚନ ବନ୍ଦ ରହିଛି। ଏନଏସି କର୍ତ୍ତୃପକ୍ଷ ଠିକ କାଗଜପତ୍ର କୋର୍ଟରେ ଉପସ୍ଥାପନ କଲେ ନିର୍ବାଚନ ହୁଅନ୍ତା । ହେଲେ ଜାଣି ଶୁଣି ସମୟ ଘୁଞ୍ଚାଇ ଚାଲିଛି । କୋର୍ଟ ଉପରେ କେହି ନୁହେଁ । ଏଣୁ ଆମେ ନିର୍ବାଚନ ପାଇଁ ସଚେତନତା ସୃଷ୍ଟି କରିବୁ ।
-ସୁଶାନ୍ତ କୁମାର ସାହୁ, ପାଟଣା ସାହି, ଓଡ଼ ଓଡ଼ଗାଁ
ଗଣତନ୍ତ୍ର ପାଇଁ ବିପଦ
ଓଡ଼ଗାଁ ଏନଏସିରେ ନିର୍ବାଚନ ହେଲେ ଶାସକ ଦଳ ବିଜୟୀ ନ ହୋଇ ପାରେ ବୋଲିି ଚର୍ଚ୍ଚା ହେଉଛି । ଏଣୁ ନିର୍ବାଚନ କିପରି ନ ହେବ ସେଥିପ୍ରତି ଶାସକ ଦଳ ବ୍ୟବସ୍ଥା କରିଛି। ନିଜର ଜଣେ ଅନୁଗତ ଶିକ୍ଷକଙ୍କ ଦ୍ୱାରା କୋର୍ଟରେ ମାମଲା କରି ନିର୍ବାଚନ ବନ୍ଦ କରିଛନ୍ତି । ଯାହା ଠିକ୍‌ ବ୍ୟବସ୍ଥା ନୁହେଁ । ଗଣତନ୍ତ୍ର ଶାସନରେ ଲୋକଙ୍କୁ ଭୋଟ ଦେବାର ଅଧିକାର ଛଡାଇ ନେବା ଘାତକ ସାଜିପାରେ । ଗଣତନ୍ତ୍ର ପାଇଁ ବିପଦ । କିଛି ଲୋକ ଏନେଇ କୋର୍ଟ ଯିବାକୁ ସଜବାଜ ହେଉଛନ୍ତି । ଆଶା ଅଛି କୋର୍ଟ ନିଶ୍ଚିତ ନିର୍ବାଚନ କରିବା ସପକ୍ଷରେ ରାୟ ଦେବ ।
-ଭଗବାନ ଆଚାର୍ଯ୍ୟ, କଂଗ୍ରେସ ନେତା, ଓଡ଼ଗାଁ
ଭୋଟରଙ୍କ ସହ ଖେଳ
ଓଡ଼ଗାଁ ସହରାଞ୍ଚଳ ହେବା ପରେ ଆମେ ଖୁସିରେ ଆମତ୍ ବିଭୋର ହୋଇ ପଡିଥିଲୁ । ହେଲେ ନିର୍ବାଚନ ବନ୍ଦ ହୋଇଗଲା ପରେ ଆମେ ଉଦ୍‌ବେଗ ପ୍ରକାଶ କରିବା ବ୍ୟତୀତ ଅନ୍ୟ ଉପାୟ ନାହିଁ । କେତେଜଣ ଲୋକ କ୍ଷମତାକୁ ଅପ ବ୍ୟବହାର କରି ଭୋଟରଙ୍କ ସହ ଖେଳୁଛନ୍ତି । ଭୋଟର କିନ୍ତୁ କାହାର ନୁହେଁ । ଚାହିଁଲେ ସରକାର କରିଦେବେ । ପୁଣି ଇଛା କଲେ ସରକାର ବଦଳାଇ ଦେବେ । ୫ ବର୍ଷ ହେଲା ଓଡ଼ଗାଁ ସହରବାସୀ ଭୋଟ ନ ଦେଇ ଅସନ୍ତୋଷ ବ୍ୟକ୍ତ କରି ଆସୁଛନ୍ତି । ଭୋଟରଙ୍କ ସହ ଖେଳ ଭଲ ନୁହେଁ । ସହରରେ ରହି ଗ୍ରାମାଞ୍ଚଳର ଜୀବନଠାରୁ ହୀନ ପରି ଚଳିବାକୁ ପଡୁଛି ବୋଲି କହିଛନ୍ତି ।
-ପ୍ରକାଶ କୁମାର ଦାସ, ମନ୍ଦିର ରୋଡ, ଓଡ଼ଗାଁ
ନିର୍ବାଚନ କରାଯାଉ
ଓଡ଼ଗାଁ ଏନଏସିରେ ନିର୍ବାଚନ ନ କରିବା ପଛରେ ଭାଇ ଅଛନ୍ତି । ଭାଇ ଚାହୁଁ ନାହାନ୍ତି ନିର୍ବାଚନ ହେଉ । ଏଣୁ ହାଇକୋର୍ଟରେ ମକଦ୍ଦମା କରି ନିର୍ବାଚନକୁ ଜାଣି ଶୁଣି ବନ୍ଦ କରାଯାଇଛି । ଜଣେ ଶିକ୍ଷକ ପୁଣି ଷ୍ଟେ କରିଛନ୍ତି। ଭୋଟର ସବୁ ବୁଝୁଛନ୍ତି ଓ ଜାଣୁଛନ୍ତି । ସମୟ ଆସିଲେ ଠିକଣା ଜବାବ ଦେବେ । ତେବେ ନିର୍ବାଚନ କେତେ ଦିନ ପର୍ଯ୍ୟନ୍ତ ବନ୍ଦ ରହୁଛି ଦେଖିବାର ରହିଲା। ମୋର ଓଡ଼ଗାଁ ଏନଏସିରେ ଘର ହୋଇ ନ ଥିଲେ ମଧ୍ୟ ନିର୍ବାଚନ ନ ହେବାରୁ ସହରାଞ୍ଚଳବାସୀ କ୍ଷୋଭ ଓ ଉଦ୍‌ବେଗ ପ୍ରକାଶ କରି ଆସୁଛନ୍ତି। ଭାଇଙ୍କ ଭୟରେ ମୁହଁ ଖୋଲୁ ନ ଥିଲେ ମଧ୍ୟ ନିର୍ବାଚନ ନେଇ ସହମତି ରହିଛି ବୋଲି କହିଛନ୍ତି । ନିର୍ବାଚନ କରିବା ପାଇଁ କ’ଣ କରାଯିବା ଦରକାର ସେନେଇ ଆଇନଜିବୀଙ୍କ ସହ ବିଚାରବିମର୍ଶ ଜାରି ରହିଛି ।
-ଶାନ୍ତନୁ ବିଶୋଇ, ସାମାଜିକ କର୍ମୀ, ଦଣ୍ଡୋର
ଖୁବ୍‌ ଶୀଘ୍ର ହେବ ନିର୍ବାଚନ
ଓଡ଼ଗାଁ ଏନଏସି ନିର୍ବାଚନ ନେଇ ହାଇକୋର୍ଟ ଷ୍ଟାଟସ ରିପୋର୍ଟରୁ ଜଣାପଡେ ଡବ୍ଲ୍ୟୁପିସି ନଂ ୨୫୪୫୨/୨୦୧୭, ଆଇ କେଶ ନଂ. ୨୧୯୦୯/୨୦୧୭ ପ୍ରକାରେ ୧୧।୧୨।୨୦୧୭ରେ କୌଣସି ଆଦେଶ ହାଇକୋର୍ଟ ପ୍ରଦାନ କରି ନାହାନ୍ତି। ଯଦି ହାଇକୋର୍ଟ ସ୍ଥଗିତାଦେଶ ଦେଇଥିବେ ତେବେ ସୁପ୍ରମିକୋର୍ଟଙ୍କ ଆଦେଶ ଅନୁସାରେ ୬ ମାସ ପାଇଁ ବଳବତ୍ତର ରହିପାରିବ । ଏଣୁ ନିର୍ବାଚନ ବନ୍ଦ ପଛରେ ରାଜନୈତିକ ଉଦ୍ଦେଶ୍ୟ ଓ ଗୃହ ଓ ନଗର ଉନ୍ନୟନ ବିଭାଗ ମଧ୍ୟ ସାମିଲ ରହୁଛି । ଯଦି ୧୫ ଦିନ ମଧ୍ୟରେ ରାଜ୍ୟ ନିର୍ବାଚନ କମିଶନର ଓ ଗୃହ ନଗର ଉନ୍ନୟନ ବିଭାଗ ଓଡ଼ଗାଁ ଏନଏସି ପାଇଁ ନିର୍ବାଚନ ପ୍ରକିୟା ଆରମ୍ଭ ନ କରନ୍ତି ଭାରତୀୟ ବିକାଶ ପରିଷଦ ନିର୍ବାଚନ ପାଇଁ ହାଇକୋର୍ଟରେ ଆଶ୍ରୟ ନେବ ।
-ସୁରେନ୍ଦ୍ର ପାଣିଗ୍ରାହୀ,
ରାଜ୍ୟ ସଭାପତି, ଭାରତୀୟ ବିକାଶ ପରିଷଦ


Enter your email to get our daily news in your inbox.

All Right Reserved By Dharitri.Com

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

ଆଦର୍ଶ ଶିକ୍ଷକ ସୁନ୍ଦର ମୋହନ ସିଂ ସମ୍ବର୍ଦ୍ଧିତ: ସମାଜ ପ୍ରତି ଅବଦାନକୁ ପ୍ରଶଂସା

ମହାକାଳପଡ଼ା,୧୬।୧୧(ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ବଉଳକଣୀସ୍ଥିତ ପ୍ରେମଚାନ୍ଦ ବିଦ୍ୟାପୀଠର ପ୍ରାକ୍ତନ ଛାତ୍ର ତଥା ରାଜ୍ୟସ୍ତରୀୟ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାରପ୍ରାପ୍ତ ଆଦର୍ଶ ଶିକ୍ଷକ ସୁନ୍ଦର…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ପୁଣି ବାତ୍ୟା ଆଶଙ୍କା: ଅଞ୍ଚଳବାସୀଙ୍କ ବଢିଲା ଚିନ୍ତା

ଭଞ୍ଜନଗର, ୧୬।୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୮ ଓ ୨୯ ତାରିଖରେ ଗଞ୍ଜାମ ଜିଲାରେ ସଂଘଟିତ ଭୟାବହ ବନ୍ୟାରୁ ଭଞ୍ଜନଗର ଜଳସମ୍ପଦ ବିଭାଗ କିଛି ଶିକ୍ଷା…

ବରିଷ୍ଠ ସାମ୍ବାଦିକ ନରୋତ୍ତମ ସେଲମାଙ୍କୁ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’

ରିଷିଡା,୧୬।୧୧(ସୁଶାନ୍ତ ମଲ୍ଲିକ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକର ବରିଷ୍ଠ ସାମ୍ବାଦିକ, ତଥା ସାହିତି୍ୟକ ନରୋତ୍ତମ ସେଲମାଙ୍କୁ ମର୍ଯ୍ୟାଦାଜନକ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’ ପ୍ରଦାନ କରାଯାଇଛି। କେସିଙ୍ଗାଠାରେ…

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ସଂସଦ ଭବନରେ ଗୁଞ୍ଜିଲା କଳାହାଣ୍ଡିର ଢାପ ନୃତ୍ୟ: କଳାକାରଙ୍କଠୁ ରାମକାଠି ନେଇ ବଜାଇଲେ ମୋଦି

ଭବାନୀପାଟଣା,୧୬।୧୧(ଉତ୍ତମ କୁମାର ଦାଶ): ଦିଲ୍ଲୀ ସଂସଦ ଭବନରେ ଜାତୀୟ ମଞ୍ଚରେ ଝଲସିଲା କଳାହାଣ୍ଡିର ପାରମ୍ପରିକ ଢାପ ନୃତ୍ୟ। ଜନଜାତୀୟ ଗୌରବ ଦିବସ ଅବସରରେ ଭବାନୀପାଟଣାର ପ୍ରତିଭା ଅନୁଷ୍ଠାନର…

ଯେଉଁଠି ପ୍ରଥମେ ଭେଟିଥିଲେ ସୋନିଆ-ରାଜୀବ, ସେହି ରେଷ୍ଟୁରାଣ୍ଟକୁ ଗର୍ଲଫ୍ରେଣ୍ଡଙ୍କ ସହ ଯାଇଥିଲେ ରାହୁଲ! ନିଜେ କଲେ ଖୁଲାସା

ନୂଆଦିଲ୍ଲୀ,୧୬।୧୧: କଂଗ୍ରେସ ସାଂସଦ ରାହୁଲ ଗାନ୍ଧୀ ତାଙ୍କ ମାଆ ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଂ: ଏ ଜର୍ଣ୍ଣି ଅଫ ଲଭ’ର ଉନ୍ମୋଚନ ଅବସରରେ ପରିବାର ସହ ଜଡ଼ିତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?