ବାରିପଦା ଅଫିସ,୧୦।୨: ମୟୂରଭଞ୍ଜ ଜିଲା ଶିମିଳିପାଳ ଅଭୟାରଣ୍ୟରୁ ବାଟବଣା ହୋଇ ବାରିପଦା ସହରରେ ଘୂରି ବୁଲୁଥିବା ଏକ ହରିଣକୁ ବୁଧବାର ସକାଳେ ବନବିଭାଗ ଉଦ୍ଧାର କରିଛି। ବାରିପଦା ମୁର୍ଗାବାଡ଼ିସ୍ଥିତ ୨୧ ନଂ ଓ୍ବାର୍ଡର ବ୍ୟୋମକେଶ ପାଣିଗ୍ରାହୀଙ୍କ ଘରବାଡ଼ିରେ ଆଶ୍ରୟ ନେଇଥିବା ହରିଣଟିକୁ କ୍ଷତାକ୍ତ ଅବସ୍ଥାରେ ଉଦ୍ଧାର କରାଯାଇଛି। ଆଜି ଭୋର୍ରୁ ହରିଣଟି ମୁର୍ଗାବାଡ଼ି ଗୋଲାଇ ଓ ଆଖପାଖ ଅଞ୍ଚଳରେ ଘୂରି ବୁଲୁଥିବା ବେଳେ ବୁଲା କୁକୁରଙ୍କ ଆକ୍ରମଣର ଶିକାର ହୋଇଥିଲା ା ହରିଣଟିର ବୟସ ୭/୮ବର୍ଷର ହୋଇଥିବା ବେଳେ ମୁହଁରୁ ରକ୍ତସ୍ରାବ ହେଉଥିଲା। ସ୍ଥାନୀୟ ଲୋକେ ବନବିଭାଗକୁ ଖବର ଦେବା ପରେ କର୍ମଚାରୀମାନେ ପହଞ୍ଚି ତାକୁ ଉଦ୍ଧାର କରିଥିଲେ। ପ୍ରାଣୀ ଚିକତ୍ସକମାନେ ପ୍ରାଥମିକ ଚିକିତ୍ସା କରିବା ପରେ ଶିମିଳିପାଳ ଜଙ୍ଗଲରେ ଛାଡ଼ି ଦିଆଯାଇଛି।
