କଟକ,୧୨ା୮(ପ୍ରଭୁକଲ୍ୟାଣ ପାଲ୍): ରେଭେନ୍ସା ବିଶ୍ଵବିଦ୍ୟାଳୟ ଶିକ୍ଷକ ସଙ୍ଘ ଓ ବିଧାୟକ ଵିଵାଦ ଘଟଣାରେ ଚିଫ୍ ଓ୍ବାର୍ଡେନଙ୍କୁ ତାଙ୍କ ପଦରୁ ହଟାଇ ଦିଆଯାଇଛି । ବିଧାୟକଙ୍କ ସହ ଵିଵାଦ ପରେ ଚିଫ ଓ୍ବାର୍ଡେନ, ଦୁଇ ଜଣ ଡେପୁଟି ଚିଫ ଓ୍ବାର୍ଡେନ ଓ ସଵୁ ହଷ୍ଟେଲର ଓ୍ବାର୍ଡେନ, ଡେପୁଟି ଓ୍ବାର୍ଡେନମାନେ ଇସ୍ତଫା ଦେଇ ଦେଇଥିଲେ। ଆଜି କୁଳପତି ଚିଫ୍ ଓ୍ବାର୍ଡେନ ଓ ଦୁଇ ଜଣ ଡେପୁଟି ଚିଫ ଓ୍ବାର୍ଡେନଙ୍କ ଇସ୍ତଫା ଗ୍ରହଣ କରିନେଇଛନ୍ତି ।
ଏହା ସହ ପୂର୍ବତନ ଚିଫ୍ ଓ୍ବାର୍ଡେନ ପ୍ରଫେସର ସୁଦର୍ଶନ ମିଶ୍ରଙ୍କ ସ୍ଥାନରେ କେମେଷ୍ଟ୍ରୀ ବିଭାଗର ପ୍ରଫେସର ପୂର୍ଣ୍ଣେନ୍ଦୁ ପାଢିଙ୍କୁ ନୂଆ ଚିଫ୍ ଓ୍ବାର୍ଡେନ ଭାବେ ନିଯୁକ୍ତି ଦିଆଯାଇଛି । ସେହିପରି ଦୁଇ ଜଣ ପୂର୍ବତନ ଡେପୁଟି ଚିଫ ଓ୍ବାର୍ଡେନ ମନୋଜ କୁମାର ଦାସ ଓ ରଶ୍ମି ରେଖା ଶତପଥୀଙ୍କ ସ୍ଥାନରେ ଦିପ୍ତୀ ରାଉତ ଓ ଦ୍ବିତିକୃଷ୍ଣ ବେହେରାଙ୍କୁ ଡେପୁଟି ଚିଫ ଓ୍ବାର୍ଡେନ ଭାବେ ନିଯୁକ୍ତି ଦିଆଯାଇଛି । ଅନ୍ୟ ପ୍ରାୟ ଅଧିକାଂଶ ହଷ୍ଟେଲର ଓ୍ବାର୍ଡେନ ଓ ଡେପୁଟି ଓ୍ବାର୍ଡେନଙ୍କୁ ଅଦଳ ବଦଳ କରାଯାଇଛି।
