ଦୁବାଇ, ୧୪।୧୦: ଆଇପିଏଲ୍ରେ ମଙ୍ଗଳବାର ଖେଳାଯାଇଥିବା ସିଜନର ୨୯ତମ ମ୍ୟାଚ୍ରେ ଚେନ୍ନାଇ ସୁପର୍ କିଙ୍ଗ୍ସ (ସିଏସ୍କେ) ୨୦ ରନରେ ସନ୍ରାଇଜର୍ସ ହାଇଦ୍ରାବାଦ୍କୁ ମାତ୍ ଦେଇଥିଲା। ମ୍ୟାଚ୍ରେ ପ୍ରଥମେ ବ୍ୟାଟିଂ କରି ଚେନ୍ନାଇ ୬ ଉଇକେଟ୍ରେ ୧୬୭ ରନ କରିଥିଲା। ଜବାବରେ ହାଇଦ୍ରାବାଦ୍ ୮ ଉଇକେଟ୍ରେ ୧୪୭ ରନ କରିବାକୁ ସକ୍ଷମ ହୋଇଥିଲା। ଫଳରେ ସିଏସ୍କେ ଏହି ମ୍ୟାଚ୍କୁ ୨୦ ରନରେ ଜିତି ନେଇଥିଲା।
Rashid Khan wicket (Hit Wicket + caught out)🏏#CSKvsSRH #csk #RashidKhan #SRH #dhoni #umpire #IPL2020 pic.twitter.com/0SDaRUP6eT
— Ryan De Sa (@ryandesa_07) October 13, 2020
ମ୍ୟାଚ୍ରେ ହାଇଦ୍ରାବାଦ୍ର ଷ୍ଟାର୍ ସ୍ପିନର ରଶିଦ୍ ଖାନ୍ ୮ ବଲରେ ୧୪ ରନ କରିଥିଲେ। ତେବେ ସେ ବହୁତ ମଜାଦାର ଭାବରେ ଆଉଟ୍ ହୋଇଥିଲେ। ବିଜୟ ପାଇଁ ହାଇଦ୍ରାବାଦ୍କୁ ୭ ବଲରୁ ୨୨ ରନ ଆବଶ୍ୟକ ହେଉଥିଲା। ଏହି ସମୟରେ ଷ୍ଟ୍ରାଇକରେ ରଶିଦ୍ ବ୍ୟାଟିଂ କରୁଥିବାବେଳେ ଶାର୍ଦ୍ଦୁଳ ଠାକୁର ବୋଲିଂ କରୁଥିଲେ। ଶାର୍ଦ୍ଦୁଳଙ୍କ ବଲ୍କୁ ରଶିଦ୍ ବ୍ୟାକ୍ଫୁଟ୍ରେ ଯାଇ ଲଙ୍ଗଅନ୍ରେ ମାରିଥିଲେ। ତେବେ ବ୍ୟାକ୍ଫୁଟ୍ରେ ଶଟ୍ ମାରିବାବେଳେ ରଶିଦ୍ଙ୍କ ପାଦ ଷ୍ଟମ୍ପ୍ରେ ବାଜି ବେଲ୍ ଖସିପଡ଼ିଥିଲା। ଫଳରେ ସେ ହିଟ୍ ଉଇକେଟ୍ ହୋଇ ଆଉଟ୍ ହୋଇଥିଲେ। ଅପରପକ୍ଷରେ ଲଙ୍ଗଅନ୍ରେ ରଶିଦ୍ଙ୍କ ଏହି ଶଟ୍କୁ ଦୀପକ ଚହର କ୍ୟାଚ୍ କରିନେଇଥିଲେ। ଫଳରେ ସେ ଗୋଟିଏ ବଲ୍ରେ ହିଟ୍ ଉଇକେଟ୍ ଓ କ୍ୟାଚ୍ ଆଉଟ୍ ହୋଇଥିଲେ।