ସିଂହପୁର,୬।୧୧(ଅନଙ୍ଗ ଉଦୟ ବେଉରିଆ): ଅନାସ୍ଥା ଭୋଟରେ ହାରିଲେ ବିଞ୍ଝାରପୁର ବ୍ଲକ ରଣପୁର ପଞ୍ଚାୟତ ସରପଞ୍ଚ ରିୟଙ୍କା ଜେନା। ପଞ୍ଚାୟତର ୧୫ଜଣ ୱାର୍ଡସଭ୍ୟଙ୍କ ମଧ୍ୟରୁ ୧୧ଜଣ ଅନାସ୍ଥା ଭୋଟରେ ଭାଗ ନେଇଥିବା ବେଳେ ରିୟଙ୍କାଙ୍କ ବିପକ୍ଷରେ ପଡିଥିଲା ୧୧ଖଣ୍ଡ ଭୋଟ। ପୂର୍ବରୁ ଗତ ମାସ ୮ ତାରିଖରେ ଏହି ଅନାସ୍ଥା ଭୋଟ ହେବାର ଥିବାବେଳେ ଜଣେ ୱାର୍ଡସଭ୍ୟଙ୍କୁ ଅପହରଣ କରି ନିଆଯାଇଥିଲା। ଫଳରେ ଭୋଟ ପ୍ରକ୍ରିୟା ବନ୍ଦ ରହିଥିଲା। ଅପହରଣ ହୋଇଥିବା ୱାର୍ଡ ସଭ୍ୟଙ୍କୁ ଉଦ୍ଧାର ପରେ ଆଜି ପୁଣି ରଣପୁର ପଞ୍ଚାୟତ କାର୍ଯ୍ୟାଳୟରେ ଅନାସ୍ଥା ଭୋଟ ଅନୁଷ୍ଠିତ ହୋଇଥିଲା ।
ଦଶରଥପୁରର ତହସିଲଦାର ଶୁଭ୍ରାଂଶୁ ଶେଖର ସାହୁ ମୁଖ୍ୟ ନିର୍ବାଚନ ଅଧିକାରୀ ଭାବେ ଅନାସ୍ଥା ଭୋଟ ପରିଚାଳନା କରିଥିଲେ। ପୋଲିସ ପକ୍ଷରୁ କଡା ସୁରକ୍ଷା ବଳୟ ମଧ୍ୟରେ ଏହି ଅନାସ୍ଥା ଭୋଟ ହୋଇଥିଲା। ପଞ୍ଚାୟତରେ ଆଇନଶୃଙ୍ଖଳା ପରିସ୍ଥିତିକୁ ଦୃଷ୍ଟିରେ ରଖି ପଞ୍ଚାୟତର ବିଭିନ୍ନ ସ୍ଥାନରେ ପୋଲିସ ଫୋର୍ସ ମୁତୟନ କରାଯାଇଥିଲା।
Dharitri – Odisha’s No.1 Odia Daily
