ବଲିଉଡ ଅଭିନେତ୍ରୀ କରୀନା କପୁର ଚଳିତ ବର୍ଷ ଫେବୃଆରୀରେ ଦ୍ୱିତୀୟ ପୁତ୍ର ଜନ୍ମ ଦେଇଛନ୍ତି। ସୈଫ ଏବଂ କରୀନା ସେମାନଙ୍କର ନବଜାତକ ପାଇଁ ବେଶ୍ ସତର୍କ ଅଛନ୍ତି। କରୀନା ତାଙ୍କ ସାନ ପୁଅକୁ ଗଣମାଧ୍ୟମଠାରୁ ସମ୍ପୂର୍ଣ୍ଣ ଦୂରରେ ରଖିଛନ୍ତି। ସୋସିଆଲ ପ୍ଲାଟଫର୍ମରେ ବହୁତ ସକ୍ରିୟ ଥିବା କରୀନା ପୁଅର ଚେହେରା କାହାକୁ ଦେଖାଇ ନାହାନ୍ତି। ପ୍ରଶଂସକମାନେ କରିନାଙ୍କ ଦ୍ୱିତୀୟ ପୁଅର ଲୁକକୁ ଅପେକ୍ଷା କରିଛନ୍ତି। ଏଥି ସହିତ କରୀନା ଏପର୍ଯ୍ୟନ୍ତ ଦ୍ୱିତୀୟ ପୁଅର ନାମ ଗଣମାଧ୍ୟମ ସହ ଶେୟାର କରିନାହାନ୍ତି। କିନ୍ତୁ ଅଜା ରଣଧୀର କପୁର ହଠାତ୍ ଇନଷ୍ଟାଗ୍ରାମରେ ଦ୍ୱିତୀୟ ନାତିର ପ୍ରଥମ ଫଟୋ ଛାଡିଥିଲେ। ତେବେ ତୁରନ୍ତ ଏହି ଫଟୋ ସେ ଡିଲିଟ କରି ଦେଇଥିଲେ। ଅଳ୍ପ ସମୟ ମଧ୍ୟରେ ଏହି ଭାଇରାଲ ହୋଇଛି। ଏହି ଫଟୋ ଦେଖି କୁହାଯାଉଛି ଯେ ଏହା କରୀନାଙ୍କର ଦ୍ୱିତୀୟ ପୁଅ । ସେ ତୈମୁରଙ୍କ ଭଳି ଦେଖାଯାଉଛନ୍ତି। ରଣଧୀର କପୁର ଇନଷ୍ଟାଗ୍ରାମରେ ତାଙ୍କ ଦୁଇ ନାତୀଙ୍କ ଫଟୋ ଏକ କରି ଅପଲୋଡ କରିଥିଲେ। ଏହାପୂର୍ବରୁ କରୀନାଙ୍କ ବଡ଼ ପୁଅ ତୈମୁର ସୋସିଆଲ ମିଡିଆରେ ବେଶ୍ ଚର୍ଚ୍ଚାରେ ଥାନ୍ତି।
