କାଠମାଣ୍ଡୁ,୯।୩: ରାମ ଚନ୍ଦ୍ର ପୌଡେଲ ନେପାଳର ନୂଆ ରାଷ୍ଟ୍ରପତି ଭାବେ ଚୟନ ହୋଇଛନ୍ତି। ନିର୍ବାଚନରେ ପୌଡେଲ ସୁଭାଷ ଚନ୍ଦ୍ର ନେମଓ୍ବାଙ୍ଗଙ୍କୁ ପରାସ୍ତ କରିଛନ୍ତି। ପୌଡେଲ ନିର୍ବାଚନରେ ୩୩,୮୦୨ ଭୋଟ ହାତେଇଥିବା ବେଳେ ସୁଭାଷ ଚନ୍ଦ୍ର ନେମଓ୍ବାଙ୍ଗଙ୍କୁ ୧୫,୫୧୮ ଭୋଟ ମିଳିଛି ବୋଲି ନେପାଳର ନିର୍ବାଚନ କମିଶନର ସୂଚନା ଦେଇଛନ୍ତି। ରାମଚନ୍ଦ୍ରଙ୍କୁ ପ୍ରାଦେଶିକ କଂଗ୍ରେସ ଓ ସିପିଏନ୍ (ମାଓବାଦୀ କେନ୍ଦ୍ର) ସହିତ ୮ଟି ଦଳର ମେଣ୍ଟରୁ ୨୧୪ ଏମ୍ପି ଏବଂ ୩୫୨ପ୍ରାଦେଶିକ ବିଧାନସଭା ସଦସ୍ୟଙ୍କ ଭୋଟ ମିଳିଛି। ଅନ୍ୟପଟେ ନେପାଳୀ କଂଗ୍ରେସର ମୁଖ୍ୟ ଶେର ବାହାଦୁର ଦେଓବା ଟୁଇଟ କରି ମନୋନୀତ ରାଷ୍ଟ୍ରପତିଙ୍କ ସହ ବନ୍ଧୁ ରାମ ଚନ୍ଦ୍ରଙ୍କୁ ଅଭିନନ୍ଦନ ଜଣାଇଛନ୍ତି। ସୂଚନାଯୋଗ୍ୟ, ଗୁରୁବାର ରାଷ୍ଟ୍ରପତି ପଦ ପାଇଁ ମତଦାନ ହୋଇଥିଲା। ନେପାଳରେ ୨୦୦୮ରେ ଗଣତନ୍ତ୍ରରେ ପରିଣତ ହେବା ପରେ ଏହା ତୃତୀୟ ରାଷ୍ଟ୍ରପତି ନିର୍ବାଚନ।
