ରକ୍ଷାବନ୍ଧନ ଦିନ ଅର୍ଥାତ୍ ୨୮ ଅଗଷ୍ଟରେ ଆଂଶିକ ଚନ୍ଦ୍ରଗ୍ରହଣ ହେବ। ଜ୍ୟୋତିଷଙ୍କ ମତାନୁସାରେ, ଏହି ଗ୍ରହଣର ପ୍ରଭାବ କିଛି ରାଶିର ବ୍ୟକ୍ତିଙ୍କ ଉପରେ ପଡ଼ିପାରେ। ବିଶେଷକରି ମେଷ, ସିଂହ ଓ କନ୍ୟା ରାଶିର ଲୋକଙ୍କୁ ସତର୍କ ରହିବାକୁ ପରାମର୍ଶ ଦିଆଯାଇଛି।
ମେଷ ରାଶିର ଲୋକଙ୍କୁ ସ୍ବାସ୍ଥ୍ୟ ଓ ମାନସିକ ଚାପ ପ୍ରତି ସତର୍କ ରହିବାକୁ ପଡ଼ିପାରେ। କାମର ଚାପ ଯୋଗୁ ଚିନ୍ତା ବଢ଼ିପାରେ। ବ୍ୟବସାୟରେ ନିବେଶ କରିବା ସମୟରେ ତରବରିଆ ନିଷ୍ପତ୍ତି ନନେବା ଭଲ। ଅସାବଧାନତା ଯୋଗୁ ଆର୍ଥିକ କ୍ଷତି ହୋଇପାରେ।
ସିଂହ ରାଶିର ବ୍ୟକ୍ତିମାନେ ଆର୍ଥିକ ମାମଲାରେ ସତର୍କ ରୁହନ୍ତୁ। କାହାକୁ ଟଙ୍କା ଧାର ଦେବା କିମ୍ବା ବଡ଼ ଆର୍ଥିକ ନିଷ୍ପତ୍ତି ନେବା ପୂର୍ବରୁ ଭଲଭାବେ ବିଚାର କରନ୍ତୁ। ଅନାବଶ୍ୟକ ଖର୍ଚ୍ଚ ଉପରେ ନିୟନ୍ତ୍ରଣ ରଖିବା ମଧ୍ୟ ଜରୁରୀ ହୋଇପାରେ।
କନ୍ୟା ରାଶିର ବିବାହିତ ବ୍ୟକ୍ତିଙ୍କ ସମ୍ପର୍କରେ ତଣାପୋଡ଼ ବଢ଼ିପାରେ ବୋଲି ଜ୍ୟୋତିଷବିଦ୍ମାନେ କହୁଛନ୍ତି। ଚାକିରି କରୁଥିବା ଲୋକଙ୍କୁ କାର୍ଯ୍ୟକ୍ଷେତ୍ରରେ କିଛି ବାଧାର ସାମ୍ନା କରିବାକୁ ପଡ଼ିପାରେ। ତେଣୁ କୌଣସି ନିଷ୍ପତ୍ତି ତରବରିଆ ଭାବେ ନ ନେବାକୁ ପରାମର୍ଶ ଦିଆଯାଇଛି।
ଜ୍ୟୋତିଷ ମତାନୁସାରେ, ଚନ୍ଦ୍ରଗ୍ରହଣର ଅଶୁଭ ପ୍ରଭାବରୁ ରକ୍ଷା ପାଇଁ ଓମ ନମଃ ଶିବାୟ ଏବଂ ଓଁ ସୋଂ ସୋମାୟ ନମଃ ମନ୍ତ୍ର ଜପ କରିବାକୁ କୁହାଯାଏ।
ତେବେ ଭାରତରେ ଏହି ଚନ୍ଦ୍ରଗ୍ରହଣ ଦୃଶ୍ୟମାନ ନହେବାରୁ ସୂତକ କାଳ ମାନ୍ୟ ହେବ ନାହିଁ ବୋଲି ଉଲ୍ଲେଖ କରାଯାଇଛି।
