କରୋନା ଯୋଗୁ ଆଇପିଏଲ୍ ସ୍ଥଗିତ ହେବା ପରେ ଏବେ କ୍ରିକେଟର୍ମାନେ ନିଜ ନିଜ ଘରକୁ ଫେରିଛନ୍ତି। କିଛି କ୍ରିକେଟର୍ ଗୋଆରେ ଛଟି କାଟୁଛନ୍ତି। ପୃଥ୍ବୀ ଶ’ଙ୍କ ପରେ ଏବେ ରାହୁଲ ଚହର ନିଜ ପ୍ରେମିକାଙ୍କୁ ଧରି ଛୁଟି କାଟୁଛନ୍ତି। ରାହୁଲ ପ୍ରେମିକାଙ୍କ ସହ ଏକ ରୋମାଣ୍ଟିକ ଫଟୋ ନିଜ ସୋସିଆଲ ମିଡିଆରେ ଶେୟାର କରିଛନ୍ତି। ଏହି ଫଟୋରେ ତାଙ୍କ କାନ୍ଧରେ ଗର୍ଲଫ୍ରେଣ୍ଡ ମୁଣ୍ଡ ରଖିଥିବା ନଜର ଆସିଛନ୍ତି। ମୁମ୍ବାଇ ଇଣ୍ଡିଆନ୍ସର ଷ୍ଟାର ବୋଲର୍ ରାହୁଲ ଚହର ନିଜ ବୋଲିଂକୁ ନେଇ ଚର୍ଚ୍ଚାରେ ଥାନ୍ତି। ଚଳିତ ଆଇପିଏଲ୍ ସେ ନିଜ ହେୟାର ଷ୍ଟାଇଲକୁ ନେଇ ଚର୍ଚ୍ଚାରେ ଥିଲେ। ତାଙ୍କ ହେୟାର ଷ୍ଟାଇଲ ବିଷୟରେ ଜାଣିବା ପାଇଁ ଚାହୁଁଥିଲେ। ନିଜ ପ୍ରଶଂସକଙ୍କୁ ଆଉ ଅପେକ୍ଷା ନ କରାଇ ନିଜ ହେୟାର ଷ୍ଟାଇଲିଷ୍ଟଙ୍କୁ ପରିଚିତ କରାଇଦେଇଥିଲେ ଚହର। ନିଜ ପ୍ରେମିକା ଇଶାନୀଙ୍କ ସହ ଏକ ଫଟୋ ଶେୟାର କରି ସେ କହିଥିଲେ ମୋ ହେୟାର ଷ୍ଟାଇଲିଷ୍ଟଙ୍କୁ ଭେଟନ୍ତୁ। ୨୨ ବର୍ଷୀୟ ରାହୁଲ ଖୁବ କମ ବୟସରେ ଇଶାନୀଙ୍କ ପ୍ରେମରେ ପଡିଥିଲେ। ଦୀର୍ଘ ଦିନ ରିଲେସନସିପ୍ରେ ରହିବା ପରେ ଉଭୟ ୨୦୧୯ରେ ସାରା ଜୀବନ ଏକାଠି ରହିବାକୁ ନିଷ୍ପତ୍ତି ନେଇଥିଲେ। ୨୦୧୯ରେ ଉଭୟଙ୍କ ନିର୍ବନ୍ଧ ଶେଷ ହୋଇଛି।
