ନୂଆଦିଲ୍ଲୀ, ୮ା୩ (ପି.ଟି.)- ଆଗାମୀ ଇଣ୍ଡିଆନ ପ୍ରିମିୟର ଲିଗ୍ ଆଇପିଏଲ୍ ଲାଗି ଗୁଜରାଟ ଟାଇଟାନ୍ସ ଆଫଗାନିସ୍ତାନର ବିସ୍ଫୋରକ ଓପନର ରହମୁଲ୍ଲା ଗୁରବାଜ୍ଙ୍କୁ ଦଳରେ ନେବା ଯଥେଷ୍ଟ ସମ୍ଭାବନା ରହିଛି। ଦୀର୍ଘଦିନ ଧରି ବାୟୋ ବବଲରେ ରହିବାକୁ ପସନ୍ଦ କରୁ ନ ଥିବାରୁ ଜେସନ ରୟ ଆଇପିଏଲ୍ରୁ ଓହରିଯିବା ଲାଗି ନିଷ୍ପତ୍ତି ନେଇଛନ୍ତି।
୨୦ ବର୍ଷୀୟ ଗୁରବାଜ୍ ତାଙ୍କ କ୍ୟାରିୟରରେ ଏପର୍ଯ୍ୟନ୍ତ ଖେଳିଥିବା ୬୯ ମ୍ୟାଚରେ ୧୧୩ ଛକା ଲଗାଇଛନ୍ତି। ସେ ଇତିମଧ୍ୟରେ ୯ ଅନ୍ତର୍ଜାତୀୟ ଦିନିକିଆ ଓ ୧୨ ଅନ୍ତର୍ଜାତୀୟ ଟି୨୦ ଖେଳି ସାରିଛନ୍ତି। ବିସିସିଆଇଠାରୁ ସବୁଜ ସଙ୍କେତ ପାଇବା କ୍ଷଣି ଗୁଜରାଟ ଟାଇଟାନ୍ସ ବିଧିବଦ୍ଧ ଭାବେ ଗୁର୍ବାଜଙ୍କ ନାମ ଘୋଷଣା କରିବ। ଗୁର୍ବାଜଙ୍କ ଯୋଗଦାନ ଦ୍ୱାରା ଆହୁରି ମଧ୍ୟ କିପିଙ୍ଗ ସମସ୍ୟା ସମାଧାନ ହୋଇପାରିବ। କାରଣ ମାଥ୍ୟୁ ଓ୍ବେଡ୍ କେବଳ ଆଇପିଏଲ୍ର ଦ୍ୱିତୀୟ ସପ୍ତାହରେ ଉପଲବ୍ଧ ହେବେ। ତାଙ୍କ ଅନୁପସ୍ଥିତିରେ ରିଦ୍ଧିମାନ ଶାହା ଉଇକେଟକିପିଙ୍ଗ ଦାୟିତ୍ୱ ତୁଲାଇବେ, ଯାହାଙ୍କର ବର୍ତ୍ତମାନ ଟି୨୦ରେ ଭଲ ରେକର୍ଡ ନାହିଁ।
