ଗୋପ,୨୧ା୮(ଭାରତୀ ଭୁଷଣ ଉପାଧ୍ୟାୟ): ବୁଧବାର ମଧ୍ୟାହ୍ନରେ ଗୋଟିଏ ଚାଉଳ ଭର୍ତ୍ତି ଗାଡ଼ିରୁ ଗୋପ ବାୟାକୂଦା ନିକଟସ୍ଥ ଗୋପ ବ୍ରାଞ୍ଚ କେନାଲ ରେ କ୍ୱିଣ୍ଟାଲ କ୍ୱିଣ୍ଟାଲ ଚାଉଳ କେନାଲ ପାଣିରେ ଢଳା ହେବା ଘଟଣା ସମସ୍ତଙ୍କୁ ଚକିତ କରିଛି। କେନାଲ ପାଣିରେ କ୍ୱିଣ୍ଟାଲ କ୍ୱିଣ୍ଟାଲ ଚାଉଳ ଢଳା ହେବା ଖବର ଜଣା ପଡ଼ିବା ପରେ ଘଟଣା ସ୍ଥଳରେ ସାଧାରଣ ଲୋକ ମାନେ ରୁଣ୍ଡ ହେବା ପରେ କୈାଣସି ସୁତ୍ରରୁ ଖବର ପାଇ ଗଣମାଧ୍ୟମ ପ୍ରତିନିଧିମାନେ ପହଞ୍ଚି ଥିଲେ। ମାତ୍ର ସାଧାରଣ ଲୋକଙ୍କ ସହିତ ଗଣମାଧ୍ୟମ ପ୍ରତିନିଧିମାନେ ପହଞ୍ଚିବାପରେ ଆଉ ଗୋଟିଏ ଚାଉଳ ଭର୍ତ୍ତି ଗାଡ଼ି ଘଟଣା ସ୍ଥଳରୁ ଚମ୍ପଟ ମାରିଥିବା ବେଳେ ଏହି ଚାଉଳ କିଏ ପାଳୁଛି, କାହିଁକି ଢଳା ହେଉଛି ତାହା ଏବେ ସମସ୍ତ ଙ୍କୁ ଚକିତ କରିଛି।
କେତକ ଏହାକୁ ଅର୍ପଣ ଚାଉଳ କହୁଥିବା ବେଳେ ଆଉ କେତକ ଗରିବ ଲୋକଙ୍କ ବିପିଏଲ୍ ଚାଉଳ ବୋଲି କହୁଛନ୍ତି। ଏପରି ଏକ ଘଟଣାକୁ ନେଇ ଜିଲାପ୍ରଶାସନର କେତେକ ଅଧିକାରୀ ମହାପ୍ରଭୁ ଶ୍ରୀଜଗନ୍ନାଥଙ୍କ ନାମରେ ଖସି ଯିବାକୁ ଉଦ୍ୟମ କରୁଥିବା ବେଳେ ଜିଲାପାଳ ଏପରି ଏକ ଘଟଣା ଉପରେ ତଦନ୍ତ କରି କାର୍ଯାନୁଷ୍ଠାନ ନେବାକୁ ଦାବି କରାଯାଇଛି। ପ୍ରକାଶ ଯେ ଗୋପ ବ୍ଲକ ରେ ୩ ହଜାର ରୁ ଅଧିକ ରାସନ୍ କାର୍ଡ ଥିବା ବେଳେ ୭ ହଜାର ରୁ ଅଧିକ କିଣ୍ଟାଲ ଚାଉଳ ପ୍ରତ୍ୟେକ ମାସରେ ଆସୁଛି।
ନିମାପଡ଼ା ଅଞ୍ଚଳର ଜନୈକ ହୋଲସେଲର ଏହି ବଣ୍ଟନ ଦାୟିତ୍ଵ ନେଇଥିଲେ ମଧ୍ୟ ଅଧିକାଂଶ ସମୟରେ ଡିଲର ମାନଙ୍କୁ ଆବଶ୍ୟକତା ଅନୁପାତରେ ଚାଉଳ ମିଳୁ ନ ଥିବା ଅଭିଯୋଗ ହୋଇ ଆସୁଥିଲା। ଏପରି କି ଡିଲର ମାନଙ୍କୁ ଦିଆ ଯାଉଥିବା ବସ୍ତା ଚାଉଳ ୫୨ କେଜି ରହିବା ପରିବର୍ତ୍ତେ ୪୬,୪୭ କେଜି ରହୁଥିବା ଅଭିଯୋଗ ରହିଛି। ଆଉ ମଧ୍ଯ ନିମାପଡ଼ାରୁ ଗୋପ ବ୍ଲକ କୁ ଆସୁଥିବା ଚାଉଳ ବାଟ ଘାଟରେ ବସ୍ତାରୁ କଢା ଯାଉଛି ବୋଲି ବିଭିନ୍ନ ସମୟରେ ଅଭିଯୋଗ ହେଉଥିଲା। ମାତ୍ର ବୁଧବାର କେନାଲ ପାଣି ଢଳା ଯାଉଥିବା ଚାଉଳ ରେ ଅରୁଆ ଓ ଉସୁନା ଚାଉଳ ଥିବା ସ୍ଥାନିୟ ଲୋକ ମାନେ ଅଭିଯୋଗ କରିଛନ୍ତି। କ୍ୱିଣ୍ଟାଲ କ୍ୱିଣ୍ଟାଲ ଚାଉଳ କେନାଲ ପାଣିରେ କିଏ ଢାଳୁଥିଲା କାହିଁକି ଢାଳୁଥିଲା ,ଏ ଚାଉଳ କେଉଁ ଚାଉଳ ତାହା ଏବେ ସାଧାରଣ ରେ ପ୍ରଶ୍ନବାଚୀ ସୁଷ୍ଟି କରିଛି। ଅରୁଆ ଚାଉଳ ଥିବାରୁ ଏହି ଚାଉଳ ଅର୍ପଣ ଚାଉଳ ବୋଲି ମଧ୍ୟ କୁହା ଯାଉଛି।
ଏଠାରେ ପ୍ରଶ୍ନ ଉଠେ ମହାପ୍ରଭୁ ଶ୍ରୀଜଗନ୍ନାଥଙ୍କ ନାମକ ରେ ଆଦାୟ ହୋଇ ଥିବା ଅର୍ପଣ ଚାଉଳ ପୁରୀ ରୁ ଗୋପ ଅଞ୍ଚଳକୁ କିପରି ଆସିଲା ତାହା ମଧ୍ୟ ସାଧାରଣ ରେ ସନ୍ଦେହ ସୁଷ୍ଟି ହୋଇଛି। ଯଦି ଅର୍ପଣ ଚାଉଳ ହେଇଥାନ୍ତା ତା ହେଲେ ଉସୁନା ଚାଉଳ କେଉଁଠି ଆସିଲା ଓ କିଏ ଆଣିଲା ବୋଲି ଏବେ ଏହି ଘଟଣା କୁ ଅଧିକ ମାତ୍ରାରେ ସନ୍ଦେହ ଦେଖା ଦେଇଛି। ଘଟଣା ସ୍ଥଳରୁ ଚମ୍ପଟ ମାରିଥିବା ଆଉ ଗୋଟିଏ ଚାଉଳ ଭର୍ତ୍ତି ଗାଡ଼ି କୁଆଡେ ଗଲା ତାହା ମଧ୍ୟ ସାଧାରଣ ରେ ପ୍ରଶ୍ନବାଚୀ ସୁଷ୍ଟି ହୋଇଛି। ଏପରି ଏକ ଗୁରୁତର ଘଟଣା ସଂପର୍କରେ ଜିଲା ଯୋଗାଣ ଅଧିକାରୀ ସୁବୋଧ କୁମାର ହୋତା ଙ୍କୁ ପଚାରିବା ରେ ଅର୍ପଣ ଚାଉଳ ସଂପର୍କ ରେ ଆମ ନିକଟରେ କୈାଣସି ଖବର ନାହିଁ ବୋଲି କହିବା ସହିତ ରାସନ୍ କାର୍ଡ ଚାଉଳ ଅଭିଯୋଗ ଉପରେ ତଦନ୍ତ ରିପୋର୍ଟ ମାଗିବି ବୋଲି ସୂଚନା ଦେଇଥିଲେ।
ସେପଟେ ଏହା ଅର୍ପଣ ଚାଉଳ ନୁହେଁ ବୋଲି ଏହି ଖବରକୁ ଖଣ୍ଡନ କରିଛନ୍ତି ସୁଆର ମହାସୁଆର ସମ୍ପାଦକ ନାରାୟଣ ମହାସୁଆର।
