ଡୋନେସ୍କ, ଲୁହାନସ୍କରେ ରୁଷିଆ ସୈନ୍ୟ

ମସ୍କୋ,୨୩ା୨: ବିଚ୍ଛିନ୍ନତାବାଦୀଙ୍କ ଦଖଲରେ ଥିବା ପୂର୍ବ ୟୁକ୍ରେନର ଡୋନ୍‌ବାସ୍‌କୁ ରୁଷିଆ ଦୁଇଟି ସ୍ବତନ୍ତ୍ର ରାଷ୍ଟ୍ରର ମାନ୍ୟତା ଦେଇଛି। ରାଷ୍ଟ୍ରପତି ଭ୍ଲାଡିମିର ପୁଟିନ୍‌ ଏହାକୁ ଦୁଇଭାଗ କରି ଡୋନେସ୍କ ଏବଂ ଲୁହାନ୍‌ସ୍କ ରୂପେ ଘୋଷଣା କରିବା ପରେ ସମ୍ପୃକ୍ତ କ୍ଷେତ୍ରରେ ଯୁଦ୍ଧ ଭୟ ବଢ଼ିବାରେ ଲାଗିଛି। କେବଳ ଏତିକି ନୁହେଁ, ଏହାକୁ ନେଇ ରୁଷିଆ ଓ ୟୁରୋପୀୟ ରାଷ୍ଟ୍ରଗୁଡ଼ିକ ମୁହାଁମୁହିଁ ସ୍ଥିତିକୁ ଚାଲିଆସିଛନ୍ତି। ପୁଟିନ୍‌ଙ୍କ ପଦକ୍ଷେପକୁ ଜାତିସଂଘ ସମେତ ଆମେରିକା, ବ୍ରିଟେନ, ଜର୍ମାନୀ ଓ ଅନେକ ରାଷ୍ଟ୍ର ନିନ୍ଦା କରିଛନ୍ତି। ଏବେ ଗୋଟିଏ ପରେ ଗୋଟିଏ ରାଷ୍ଟ୍ର ରୁଷିଆ ଉପରେ ଆର୍ଥିକ କଟକଣା ଜାରି କରିବାରେ ଲାଗିଥିବାରୁ ଆଗକୁ ସ୍ଥିତି ଆହୁରି ଖରାପ ଆଡ଼କୁ ଗତି କରିପାରେ ବୋଲି କୁହାଯାଉଛି। ପୁଟିନ୍‌ ଆକ୍ରମଣାମତ୍କ ଆଭିମୁଖ୍ୟ ତ୍ୟାଗ ନ କଲେ ରୁଷିଆ ଉପରେ ଲାଗିବାକୁ ଥିବା କଟକଣା ବିଶ୍ୱ ଅର୍ଥନୀତିକୁ ବହୁଳ ଭାବେ ପ୍ରଭାବିତ କରିପାରେ।
ରୁଷିଆ ରାଷ୍ଟ୍ରପତି ପୁଟିନ୍‌ ସୋମବାର ବିଳମ୍ବିତ ରାତିରେ ଏକ ଟେଲିଭିଜନ୍‌ ବାର୍ତ୍ତାରେ ଦେଶବାସୀଙ୍କୁ ସମ୍ବୋଧନ କରିଥିଲେ।ସେ ଡୋନେସ୍କ ଓ ଲୁହାନସ୍କକୁ ସ୍ବାଧୀନ ମାନ୍ୟତା ପ୍ରଦାନ ସମ୍ପର୍କିତ ଘୋଷଣାନାମାରେ ସ୍ବାକ୍ଷର କରିବା ପରେ ଆମେରିକା ରାଷ୍ଟ୍ରପତି ଜୋ ବାଇଡେନ୍‌ ଏହି ଦୁଇ ଅଞ୍ଚଳରେ ବାଣିଜ୍ୟ କାରବାର, ନିବେଶ ଉପରେ କଟକଣା ଲଗାଇଛନ୍ତି। ଡୋନେସ୍କ ପିପୁଲ୍ସ ରିପବ୍ଲିକ୍‌ ଏବଂ ଲୁହାନ୍‌ସ୍କ ପିପୁଲ୍ସ ରିପବ୍ଲିକ କୁହାଯାଉଥିବା ଏହି ଅଞ୍ଚଳରେ କୌଣସି ଆମେରିକୀୟ ବ୍ୟକ୍ତି, ସଂସ୍ଥା କମ୍ପାନୀ ଆଦି ଦ୍ୱାରା ନୂଆ ନିବେଶ କିମ୍ବା ବ୍ୟବସାୟ ହୋଇପାରିବ ନାହିଁ। ଏହାସହ ଅନ୍ୟ କେହି ସେଠାରେ ବାଣିଜ୍ୟ କାରବାର କଲେ ସେମାନଙ୍କ ଉପରେ ମଧ୍ୟ ଏହି କଟକଣା ଲାଗୁ ହେବ ବୋଲି ଏକ୍‌ଜିକ୍ୟୁଟିଭ୍‌ ଅର୍ଡରରେ ବାଇଡେନ୍‌ ଦସ୍ତଖତ କରିଛନ୍ତି। ଅନ୍ୟପକ୍ଷରେ ରୁଷିଆ ଉକ୍ତ ଦୁଇ ବିଚ୍ଛିନ୍ନତାବାଦୀ ଅଞ୍ଚଳକୁ ନିଜର ସୈନ୍ୟ, ଯୁଦ୍ଧାସ୍ତ୍ର ଆଦି ପଠାଇଛି। ସେଠାରେ ରୁଷିଆ ସୈନ୍ୟ ଶାନ୍ତି ରକ୍ଷକ ଭାବେ କାର୍ଯ୍ୟ କରିବେ ବୋଲି ପୁଟିନ୍‌ କହିଛନ୍ତି।
ସୋମବାର ରାତିରେ ପୁଟିନ୍‌ ପୂର୍ବ ୟୁକ୍ରେନର ଉକ୍ତ ଦୁଇ ଅଞ୍ଚଳକୁ ସ୍ବାଧୀନ ମାନ୍ୟତା ଦେବା ସମୟରେ କହିଥିଲେ, ଆମେରିକା ନେତୃତ୍ୱରେ ପାଶ୍ଚାତ୍ୟ ଦେଶଗୁଡ଼ିକ ଏପରି କରିବାକୁ ରୁଷିଆକୁ ବାଧ୍ୟ କରିଛନ୍ତି। ବହୁ ପୂର୍ବରୁ ଏହି ନିଷ୍ପତ୍ତି ନେବାର ଥିଲା। ୟୁକ୍ରେନ ଆମେରିକାର କଲୋନି ପାଲଟିଛି। ଯଦି ୟୁକ୍ରେନ ନର୍ଥ ଆଟ୍‌ଲାଣ୍ଟିକ୍‌ ଟ୍ରିଟି ଅର୍ଗାନାଇଲେଶନ (ନାଟୋ)ରେ ସାମିଲ ହୁଏ ତେବେ ତାହା ରୁଷିଆର ନିରାପତ୍ତା ପାଇଁ ବଡ଼ ବିପଦ। ଆଧୁନିକ ୟୁକ୍ରେନକୁ ରୁଷିଆ ତିଆରି କରିଛି। ଆମେରିକା ସହ ଥିବା ୟୁରୋପୀୟ ମେଣ୍ଟ ଏହାକୁ ଭଲ ଭାବେ ଜାଣିଛି। କିନ୍ତୁ ୟୁରୋପୀୟ ଦେଶଗୁଡ଼ିକ ନିଜ ବରିଷ୍ଠ ତଥା ପୁରୁଣା ସହଯୋଗୀଙ୍କୁ ନ ଛାଡ଼ିପାରି ରୁଷିଆ ବିରୋଧରେ ଯିବାକୁ ବାଧ୍ୟ ହେଉଛନ୍ତି। ଆମେରିକା କେବଳ ରୁଷିଆ ବିରୋଧୀ କାର୍ଯ୍ୟକଳାପରେ ସେମାନଙ୍କୁ ବ୍ୟବହାର କରୁଛି। ଆମକୁ ବାରମ୍ବାର କଟକଣା ଧମକ ଦିଆଯାଉଛି। ଏହା ପଛର ମୁଖ୍ୟ ଉଦ୍ଦେଶ୍ୟ ରୁଷିଆର ବିକାଶକୁ ରୋକିବା। ସେମାନେ ପୂର୍ବରୁ ଏହା କରିଛନ୍ତି, ଆଗକୁ ମଧ୍ୟ କରିବେ। କିନ୍ତୁ ଦେଶର ସାର୍ବଭୌମତ୍ୱ, ସୁରକ୍ଷା ସୁନିଶ୍ଚିତ କରିବାରେ କୌଣସି ବୁଝାମଣା ହେବ ନାହିଁ ବୋଲି ପୁଟିନ୍‌ ସ୍ପଷ୍ଟ କରିଥିଲେ।


Enter your email to get our daily news in your inbox.

All Right Reserved By Dharitri.Com

ମହାକାଶ କେନ୍ଦ୍ରରେ ପହଞ୍ଚିଲା ୧୨ ମଦ ବୋତଲ

ଓ୍ବାଶିଂଟନ,୬।୧୧: ଅନ୍ତର୍ଜାତୀୟ ମହାକାଶ କେନ୍ଦ୍ରରେ ୧୨ ବୋତଲ ମଦ ପହଞ୍ଚିଛି। ଫ୍ରାନ୍ସରେ ପ୍ରସ୍ତୁତ ହୋଇଥିବା ଏହି ରେଡ୍‌ ଓ୍ବାଇନ୍‌କୁ କୌଣସି ମହାକାଶଚାରୀ ପିଇବେ ନାହିଁ। ଏହା...

ପୃଥିବୀର ୨୮ ଦେଶରେ ୧୬,୭୮୧ କରୋନା ସଂକ୍ରମିତ: ଭାରତରେ ୩

ନୂଆଦିଲ୍ଲୀ/ବେଜିଂ,୩।୨: ପୃଥିବୀର ୨୮ଟି ଦେଶରେ କରୋନା ଭୁତାଣୁ ଆତଙ୍କରେ ଲୋକେ ଆତଙ୍କିତ ହୋଇପଡ଼ିଛନ୍ତି। ଏହି ଭୁତାଣୁ ଦ୍ୱାରା ଚାଇନାରେ ସର୍ବାଧିକ ୧୬ ହଜାର ୬ ଶହ...

ଆଲିବାବା ଗ୍ରୁପ୍‌ର ମାଲିକ ଜ୍ୟାକ୍‌ ମା ନିଖୋଜ!

ବେଜିଂ,୪।୧: ଚାଇନା ଇ-କମର୍ସ କମ୍ପାନୀ ଆଲିବାବା ଏବଂ ଆଣ୍ଟ ଗ୍ରୁପର ମାଲିକ ଜ୍ୟାକ ମା ଗତ ଦୁଇ ମାସ ହେବ ନିଖୋଜ ଥିବା ସନ୍ଦେହ କରାଯାଉଛି।...

୩ ବର୍ଷରେ ୨ ଯୁବକ ସମୁଦ୍ରରୁ ବାହାର କଲେ ୪ ହଜାର ଟନ୍‌ ପ୍ଲାଷ୍ଟିକ୍‌

ଓ୍ବାଶିଂଟନ,୪।୨: ସମୁଦ୍ରରେ ପ୍ଲାଷ୍ଟିକ୍‌ ବର୍ଜ୍ୟର ପରିମାଣ ବୃଦ୍ଧି ପାଇବାରେ ଲାଗିଛି। ଏନେଇ ପୃଥିବୀ ସାରା ସଚେତନତା ଅଭିଯାନ ଜାରି ରହିଛି। ଏହି ମର୍ମରେ ଆମେରିକା ଫ୍ଲୋରିଡ଼ାର...

ବାଘଛାଲ ଚାଲାଣରେ ଭାରତ ଆଗୁଆ

ନୂଆଦିଲ୍ଲୀ/ଓ୍ବାଶିଂଟନ,୨୯ା୭: ବାଘର ଛାଲ, ନଖ, ହାଡ଼ ଓ ଅଙ୍ଗଗୁଡ଼ିକ ଚୋରା ଚାଲାଣ କ୍ଷେତ୍ରରେ ଭାରତ ଅନ୍ୟ ଦେଶ ଅପେକ୍ଷା ଆଗରେ ରହିଛି। ଭାରତ ଓ ଥାଇଲାଣ୍ଡରୁ...

କେବଳ ନେତା ନୁହେଁ, ଭଲ ଅଭିନେତା ମଧ୍ୟ: ଏହିସବୁ ଫିଲ୍ମରେ ଅଭିନୟ କରିଛନ୍ତି ଡୋନାଲ୍ଡ ଟ୍ରମ୍ପ

ଫେବ୍ରୁୟାରୀ ୨୪ ତାରିଖରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଭାରତ ଆସିବାର କାର୍ଯ୍ୟକ୍ରମ ରହିଛି। ଏହି ଅବସରରେ ସେ ଗୁଜରାଟର ଅହମଦାବାଦ ଯିବେ। ତାଙ୍କୁ ସ୍ବାଗତ...

ନ୍ୟୁଜିଲାଣ୍ଡରେ ବିଶ୍ୱର ବଡ଼ ଆଳୁ

ଓ୍ବେଲିଂଟନ୍‌, ୭ା୧୧: ନ୍ୟୁଜିଲାଣ୍ଡର ହାମିଲଟନ୍‌ରେ ରହୁଥିବା ଏକ ଦମ୍ପତି ବଗିଚାରୁ ଏକ ବଡ଼ ଆକାରର ଆଳୁ ଖୋଳି ବାହାର କରିଛନ୍ତି। ଏହାର ଓଜନ ୭.୮ କିଲୋଗ୍ରାମ୍‌...

ଲାଇଭ ରିପୋର୍ଟିଂ ସମୟରେ ମହିଳା ରିପୋର୍ଟରଙ୍କ ପଛରେ ପଡ଼ିଗଲା ବିଲେଇ, ଆଉ ତା’ ପରେ

ଲେବାନାନର ରାଜଧାନୀ ବେରୁଟ ବନ୍ଦରରେ ହୋଇଥିବା ବିସ୍ଫୋରଣର ତଦନ୍ତ ସମ୍ପର୍କରେ ସୂଚନା ଦେଉଥିବା ଜଣେ ମହିଳା ରିପୋର୍ଟରଙ୍କ ସହ ଲାଇଭ ରିପୋର୍ଟିଂ ସମୟରେ ଏହି ହୃଦୟସ୍ପର୍ଶୀ...

Advertisement
Archives

Model This Week