କନ୍ଧମାଳରୁ ମିଳିଲା ପୁଷ୍ପଲତାଙ୍କ ସ୍କୁଟି

ଭୁବନେଶ୍ୱର,୧୫।୨(ବ୍ୟୁରୋ): ବହ ଚର୍ଚ୍ଚିତ ପୁଷ୍ପଲତା ରାଉଳ ହତ୍ୟା ମାମଲାରେ ଗିରଫ ମୁଖ୍ୟ ଅଭିଯୁକ୍ତ ଗଞ୍ଜାମର ସଞ୍ଜୟ ଓରଫ ଅଙ୍ଗଦ ଦାସ ଓ ଚନ୍ଦୁ ଓରଫ ଶ୍ରୀକାନ୍ତ ଦାସଙ୍କ ୩ଦିନିଆ ରିମାଣ୍ଡ ରବିବାର ସରିଛି। ସୋମବାର ସେମାନଙ୍କୁ କୋର୍ଟରେ ହାଜର କରାଯିବ। ତେବେ ଏହି ରିମାଣ୍ଡ ସମୟରେ ପୋଲିସ ବିଭିନ୍ନ ଦିଗ ଉପରୁ ପରଦା ହଟାଇଛି। ଶେଷ ଦିନରେ ଅଭିଯୁକ୍ତଙ୍କୁ ଥାନାରେ ବସାଇ ମାରାଥନ ଜେରା କରାଯାଇଥିଲା। ସେମାନେ ପୁଷ୍ପଲତାଙ୍କ ସ୍କୁଟି ବାବାଦରେ ସୂଚନା ଦେଇଥିଲେ। ପୁଷ୍ପଲତାଙ୍କୁ ହତ୍ୟା କରିବା ପରେ ଚନ୍ଦକା ଥାନା ଅନ୍ତର୍ଗତ ଅନ୍ଧାରୁଆ-ଦାସପୁର ରାସ୍ତାପାର୍ଶ୍ୱରେ ମୃତଦେହ ଫିଙ୍ଗି ନୟାଗଡ ପଳାଇଥିଲେ। ଏହି ସମୟରେ ସଞ୍ଜୟ ତାଙ୍କ ମାଲବାହୀ ବୋଲେରୋ ଗାଡ଼ି ଡାଲାରେ ପୁଷ୍ପଲତାଙ୍କ ସ୍କୁଟି ମଧ୍ୟ ନେଇଯାଇଥିଲେ। ନୟାଗଡରେ ପହଞ୍ଚତ୍ବା ପରେ ଚନ୍ଦୁ ତାଙ୍କ ପାଖରେ କାମ କରୁଥିବା ଜଣେ ଯୁବକଙ୍କୁ ଉକ୍ତ ସ୍କୁଟିକୁ କିଛିଦିନ ରଖିବାକୁ ଦେଇଥିଲେ। ଯୁବକ ଜଣକ ସ୍କୁଟିକୁ ନେଇ କନ୍ଧମାଳ ପଳାଇଥିଲେ। ଏ ସମ୍ପର୍କରେ ସୂଚନା ପାଇବା ପରେ ପୋଲିସ କନ୍ଧମାଳ ଜି.ଉଦୟଗିରି ଥାନା ଅନ୍ତର୍ଗତ କଳିଙ୍ଗା ଅଞ୍ଚଳରୁ ସ୍କୁଟିକୁ ଜବତ କରିଛି। ଏଥିସହ ପୋଲିସକୁ ଆଉକିଛି ନୂଆ ତଥ୍ୟ ହସ୍ତଗତ ହୋଇଛି। ପୋଲିସ କହିବା ଅନୁଯାୟୀ, ପୁଷ୍ପଲତାଙ୍କୁ ଅପରାହ୍ନ ପ୍ରାୟ ସାଢେ ୫ଟାରେ ହତ୍ୟା କରାଯାଇଛି। କିନ୍ତୁ ରାତି ପ୍ରାୟ ୮ରୁ ସାଢ଼େ ୮ଟା ଭିତରେ ପୁଷ୍ପଲତାଙ୍କୁ ସ୍ଥାନୀୟ ଲୋକେ ଦେଖିଥିବା କହିଥିଲେ। ତେବେ କାହା କଥାରେ ସତ୍ୟତା ଅଛି, ଅଭିଯୁକ୍ତଙ୍କ ବୟାନ ଓ ସ୍ଥାନୀୟ ଲୋକଙ୍କ କଥା ଭିନ୍ନ ରହୁଛି। ଅଭିଯୁକ୍ତ ଆହୁରି କିଛି କଥା ଲୁଚାଉଥିବା ନେଇ ପୋଲିସର ସନ୍ଦେହ ରହୁଛି। ଅନ୍ୟପକ୍ଷେ ରିମାଣ୍ଡ ସମୟରେ ସଞ୍ଜୟଙ୍କ ଖଣ୍ଡଗିରି ଫୁଲେଶ୍ୱରୀ ବସ୍ତି ଘରକୁ ପୋଲିସ ଓ ସାଇଣ୍ଟିଫିକ ଟିମ୍‌ ଯାଇ ଯାଞ୍ଚ କରିଥିଲା। ଏଥିସହ ରକ୍ତ ନମୁନା, ହତ୍ୟାରେ ବ୍ୟବହୃତ ଓଢଣୀ ଓ ଅନ୍ୟ କିଛି ନମୁନା ସଂଗ୍ରହ କରିଥିଲା। ଏହାକୁ ଯାଞ୍ଚ ପାଇଁ ପଠାଯାଇଥିବାବେଳେ ରିପୋର୍ଟ ଆସିବା ପରେ ସେ ସବୁକୁ ଆଉଥରେ ମେଳ କରାଯିବ ବୋଲି ପୋଲିସ ସୂତ୍ରରୁ ସୂଚନା ମିଳିଛି।
ଗତ ୪ ତାରିଖରେ ଅନ୍ଧାରୁଆ-ଦାସପୁର ନିକଟରୁ ପୋଲିସ ଜଣେ ମହିଳାଙ୍କ ମୁଣ୍ଡ ବିହୀନ ମୃତଦେହ ଜବତ କରିଥିଲା। ଏହାର ୮ ଦିନ ଭିତରେ ପୋଲିସ ମହିଳାଙ୍କ ପରିଚୟ ଓ ମୁଣ୍ଡ ପାଇବା ସହ ଦୁଇ ଅଭିଯୁକ୍ତଙ୍କୁ ଗିରଫ କରିଥିଲା। ମୃତ ମହିଳା ମଞ୍ଚେଶ୍ୱର ଥାନା ଅନ୍ତର୍ଗତ ଧୀରକୁଟି ବସ୍ତିରେ ରହୁଥିବା ପୁଷ୍ପଲତା ବୋଲି ଜଣାପଡିଥିଲା। ପୁଷ୍ପଲତା ଓ ସଞ୍ଜୟଙ୍କର ଦୀର୍ଘ ୬ ବର୍ଷ ହେବ ସମ୍ପର୍କ ରହିଆସିଥିବାବେଳେ ପୁଷ୍ପଲତା ଅନ୍ୟଜଣଙ୍କୁ ବାହା ହୋଇଯିବାରୁ ରାଗରେ ତାଙ୍କୁ ହତ୍ୟା କରିଥିବା ସଞ୍ଜୟ ପୋଲିସ ଆଗରେ କହିଥିଲେ। ସଞ୍ଜୟ ଫୁଲେଶ୍ୱରୀ ବସ୍ତିସ୍ଥିତ ନିଜ ଘରେ ଓଢଣୀରେ ପୁଷ୍ପଲତାଙ୍କ ତଣ୍ଟି ଚିପି ହତ୍ୟା କରିବା ପରେ ଦାସପୁର ରାସ୍ତାରେ ମୃତଦେହରୁ ମୁଣ୍ଡ କାଟି ୨କିମି ଦୂର ଭରତପୁର ହାତୀ ଟ୍ରେଞ୍ଜ୍‌ ନିକଟରେ ପକାଇ ନୟାଗଡ଼ ପଳାଇଥିଲେ।


Enter your email to get our daily news in your inbox.

All Right Reserved By Dharitri.Com

ଅଗଷ୍ଟ ୨୭ରେ ହେବ ଓଏଏସ୍‌ ପ୍ରିଲିମ୍‌

କଟକ ଅଫିସ,୧୯।୭: ଅଗଷ୍ଟ ୨୭ରେ ହେବ ଓଏଏସ୍‌ ପ୍ରିଲିମ୍‌ ପରୀକ୍ଷା। ଓଡ଼ିଶା ଲୋକସେବା ଆୟୋଗ (ଓପିଏସ୍‌ସି) ପକ୍ଷରୁ ସୋମବାର ଏନେଇ ବିଜ୍ଞପ୍ତି ପ୍ରକାଶ ପାଇଛି। ପରୀକ୍ଷା...

ବାର୍ଥଡେ ପାର୍ଟିରେ ଲୁହା ରଡ଼ରେ ପିଟି ଯୁବକଙ୍କୁ ହତ୍ୟା

ନୂଆଗାଁ, ୧୦।୧: ସୁନ୍ଦରଗଡ଼ ଜିଲା ନୂଆଗାଁ ବ୍ଲକ ହାତୀବାରି ଥାନା ଅନ୍ତର୍ଗତ ପୁରୁଣାପାଣି କଦମଟୋଲା ବସ୍ତିରେ ଶନିବାର ରାତିରେ ଘଟିଛି ଏକ ହତ୍ୟାକାଣ୍ଡ। ଜନୈକ ବ୍ୟକ୍ତିଙ୍କ...

ଶିକ୍ଷା, ସ୍ବାସ୍ଥ୍ୟ ବିଭାଗର ଅବହେଳା: ପଡିରହିଛି ୭ ଲକ୍ଷର ସାନିଟାରି ନାପ୍‌କିନ

ଆଠମଲ୍ଲିକ, ୪ା୧୦ (ଡି.ଏନ.ଏ.)-ବିଦ୍ୟାଳୟ ଛାତ୍ରୀଙ୍କୁ ମାଗଣାରେ ସାନିଟାରି ନାପକିନ ଯୋଗାଇଦେବାର ବ୍ୟବସ୍ଥା କରାଯାଇଛି। ସମସ୍ତ ବିଦ୍ୟାଳୟରେ ଛାତ୍ରୀମାନେ ଯେପରି ଏହି ପ୍ୟାଡ ପାଇବେ ସେଥିପାଇଁ ସରକାରୀ...

ବାତ୍ୟା ଦୋହଲାଉଛି ଆର୍ଥିକ ମେରୁଦଣ୍ଡ

ଭୁବନେଶ୍ୱର, ୨୬ା୫ (ବ୍ୟୁରୋ): ରାଜ୍ୟକୁ ଘେରିରହିଛି ପ୍ରାକୃତିକ ବିପତ୍ତି। ବନ୍ୟା, ବାତ୍ୟା, ମରୁଡ଼ି ଭଳି ବିପର୍ଯ୍ୟୟ ରାଜ୍ୟ ରାଜକୋଷକୁ ଦୋହଲାଇ ଦେଉଛି। ଲୋକଙ୍କ ଆର୍ଥିକ ମେରୁଦଣ୍ଡକୁ...

ଭଦ୍ରକରେ ବସ୍‌-ଟ୍ରକ୍‌ ମୁହାଁମୁହିଁ ଧକ୍କା ଘଟଣା, ମୃତକଙ୍କ ପରିବାରକୁ ଦିଆଯିବ ୨ଲକ୍ଷ: ବିଧାୟକ

ଭଦ୍ରକ ଅଫିସ,୩।୧: ଭଦ୍ରକ ଜିଲା ୧୬ନମ୍ବର ଜାତୀୟ ରାଜପଥ ବନ୍ତ ଛକ ନିକଟରେ ଶୁକ୍ରବାର ଭୋର ସମୟରେ ଏକ ଅଭାବନୀୟ ଘଟଣା ଘଟିଥିଲା। ଏକ ବସ୍‌-ଟ୍ରକ୍‌...

ଗମ୍ଭୀର ହୋଇପାରେ ମରୁଡ଼ି ସ୍ଥିତି

ଭୁବନେଶ୍ୱର, ୧୦।୮(ବ୍ୟୁରୋ): ରାଜ୍ୟରେ ପାଣି ଅଭାବରୁ ବିଭିନ୍ନ ଜିଲାରେ ଜମି ଫାଟି ଆଁ ହୋଇଛି। ତଳି ଓ ରୁଆ ଶୁଖିବାରେ ଲାଗିଛି। ଆଗକୁ ମରୁଡ଼ି ସ୍ଥିତି...

ବିଏସ୍‌ଏଫ୍‌ ଏଏସ୍‌ଆଇଙ୍କ ଦାୟିତ୍ୱହୀନତା : ଟ୍ରେନ୍‌ରେ ଛାଡ଼ିଦେଲେ ୬୦ ରାଉଣ୍ଡ ଗୁଳି

ଜୟପୁର,୧୪ା୮(ନି.ପ୍ର./ଡି.ଏନ୍‌.ଏ.): ବିଶାଖପାଟଣା-କିରଣ୍ଡୁଲ ଏକ୍ସପ୍ରେସ୍‌ରୁ ମଙ୍ଗଳବାର ଇନସାସ୍‌ ରାଇଫଲର ୬୦ ରାଉଣ୍ଡ ଗୁଳି (୩ଟି ମାଗାଜିନ) ଏବଂ ଗୋଟିଏ ୟୁନିଫର୍ମ ବେଲ୍ଟ ଉଦ୍ଧାର କରିଛି କୋରାପୁଟ ଜିଲା...

ଗ୍ୟାସ ସିଲିଣ୍ଡରରୁ ଅଗ୍ନିକାଣ୍ଡ, ମହିଳା ଅର୍ଦ୍ଧଦଗ୍ଧ

ଦିଗପହଣ୍ଡି,୫ା୧୨(ଡି.ଏନ.ଏ.)- ଦିଗପହଣ୍ଡି ବ୍ଲକ ସିଦ୍ଧେଶ୍ୱର ନୂଆସାହିରେ ରନ୍ଧନ ଗ୍ୟାସ ସିଲିଣ୍ଡରରୁ ଗ୍ୟାସ ଲିକ୍‌ ହୋଇ ଅଗ୍ନିକାଣ୍ଡ ଘଟିଛି। ଏଥିରେ ଜଣେ ମହିଳା ଅର୍ଦ୍ଧଦଗ୍ଧ ହୋଇଥିବା ଜଣାପଡିଛି।...

Advertisement


Archives

Model This Week