‘ପୁଷ୍ପା’ ଶୈଳୀରେ ମଦ ଚାଲାଣ

ଢେଙ୍କାନାଳ ଅଫିସ, ୨ା୩: ଚର୍ଚ୍ଚିତ ସିନେମା ‘ପୁଷ୍ପା’ରେ ଦେଖିବାକୁ ମିଳିଛି ଅଭିନବ ଉପାୟରେ ଚନ୍ଦନ କାଠ ଚୋରାଚାଲାଣ। ଏବେ ସେହି ଫିଲ୍ମ ଷ୍ଟାଇଲ୍‌ରେ ବେଆଇନ ଭାବେ ଚାଲାଣ ହେଉଥିବା ବିଦେଶୀ ମଦ ଧରାପଡ଼ିଛି। କେବଳ ଅରୁଣାଚଳ ପ୍ରଦେଶରେ ବିକ୍ରି ଯୋଗ୍ୟ ଏହି ମାଦକ ଦ୍ରବ୍ୟକୁ ଆସାମରୁ ନିଆଯାଉଥିଲା ଅନୁଗୋଳ। ଏଥିଲାଗି ବ୍ୟବହୃତ କରାଯାଇଥିଲା ଏକ ସ୍ବତନ୍ତ୍ର କଣ୍ଟେନର। ଏଭଳି ଏକ ଅନ୍ତଃରାଜ୍ୟ ନିଶା କାରବାର ର଼୍ୟାକେଟର ଗୁମର ଖୋଲିଛି ଢେଙ୍କାନାଳ ଜିଲା ଅବକାରୀ ବିଭାଗ। ଏହି ଘଟଣାରେ କଣ୍ଟେନର ଚାଳକ ତଥା ହରିୟାଣା ରାଜ୍ୟ ସୋନେପଥ ଜିଲା ଗନୋର ଥାନା ଚତିଆଓଲିଆର ବିଜେନ୍ଦ୍ର ସିଂ (୩୨), ଉଦୟସିଂହପୁର ଗ୍ରାମର ଶତୀଶ ନନ୍ଦଲ (୬୨) ଏବଂ ଢେଙ୍କାନାଳ ଜିଲା ମୋଟଙ୍ଗା ଥାନା ଗୋଡ଼ିଡ଼ିହ ଗ୍ରାମର ଅବିନାଶ ମହାରଣା (୩୨)ଙ୍କୁ ଗିରଫ କରାଯାଇଛି। ଉକ୍ତ ୧୨ ଚକିଆ କଣ୍ଟେନର (ଆର୍‌ଜେ ୩୨ ଜିଏ ୮୨୦୫)ରୁ ଆନୁମାନିକ ୭୫ ଲକ୍ଷ ଟଙ୍କାର ବିଦେଶୀ ମଦ ଜବତ ହୋଇଛି। ଚୋରା ଚାଲାଣ ବେଳେ ଏଭଳି ବିପୁଳ ପରିମାଣର ମଦ ଧରାପଡ଼ିବା ଢେଙ୍କାନାଳ ଜିଲା ଅବକାରୀ ଇତିହାସରେ ପ୍ରଥମ ବୋଲି କୁହାଯାଉଛି। ଅବକାରୀ ବିଭାଗ ସୂଚନା ଅନୁଯାୟୀ, ଆସାମର ଭେମାଜୀ ତେଜପୁର ରୋଡ୍‌ ଅଞ୍ଚଳର ଜଣେ ଡିଲରଙ୍କ ନିକଟରୁ ପାଣି ବିଶୋଧନ କରିବା ନିମନ୍ତେ ଉଦ୍ଦିଷ୍ଟ ଫିଲଟର ମେଶିନ ଭୁବନେଶ୍ୱରକୁ ଯୋଗାଣ କରିବା ଲାଗି ଉକ୍ତ କଣ୍ଟେନର ନାମରେ ଚାଲାଣ କଟାଯାଇଥିଲା। କଣ୍ଟେନର ପଛପାର୍ଶ୍ୱରେ ରଖାଯାଇଥିବା ପାଣି ବିଶୋଧନ ମେଶିନ ମଧ୍ୟରେ ସେଥିରେ ବିଦେଶୀ ମଦ ଚାଲାଣ କରାଯାଉଥିଲା। ଓଡ଼ିଶାରେ ଏଭଳି ଏକ ବିଦେଶୀ ମଦ ର଼୍ୟାକେଟ ଚାଲିଥିବା ଗୋଇନ୍ଦା ସୂଚନା ମିଳିବା ପରେ ଅବକାରୀ କମିଶନର ଆଶିଷ ସିଂଙ୍କ ନିର୍ଦ୍ଦେଶରେ ଢେଙ୍କାନାଳ, ଅନୁଗୋଳ ଏବଂ ସମ୍ବଲପୁର ଜିଲା ଅବକାରୀ ବିଭାଗ କର୍ମଚାରୀମାନେ ମିଳିତ ଚଢ଼ାଉ କରିଥିଲେ। ତେବେ ଚାଳକ କୌଶଳକ୍ରମେ କଣ୍ଟେନରକୁ ଢେଙ୍କାନାଳରୁ ଅନୁଗୋଳ ମଧ୍ୟବର୍ତ୍ତୀ ମହୀଧରପୁର ଦେଇ ଯାଇଥିବା ରାସ୍ତାର ବାମପାର୍ଶ୍ୱ ଦେଇ ହିନ୍ଦୋଳ ଥାନା ଅଞ୍ଚଳର ଏକ ଜଙ୍ଗଲକୁ ପଳାଇଥିଲେ। ତେବେ ଅବକାରୀ ଅଧିକାରୀ ୩ ଅଭିଯୁକ୍ତଙ୍କୁ ଧରିବାରେ ସକ୍ଷମ ହୋଇଥିଲେ। ଉକ୍ତ କଣ୍ଟେନର ମଧ୍ୟରୁ ୧,୦୭୦ କାର୍ଟୁନରେ ଥିବା ୫୧,୩୬୦ ବୋତଲ ମଦ ଜବତ କରାଯାଇଛି। ଗୋଟିଏ କାର୍ଟୁନରେ ୧୮୦ ମିଲିଲିଟର ବିଶିଷ୍ଟ ୪୬ ମଦ ବୋତଲ ରହିଥାଏ। ଏହିପରି ୨୨୮ କାର୍ଟୁନ ମାକଡୋୟଲ ହ୍ବିସ୍କି, ୩୪୪ କାର୍ଟୁନ ବାକାଡି ବ୍ଲାକ, ୪୯୮କାର୍ଟୁନ ନଂ୧. ରମ୍‌ ଜବତ ହୋଇଛି।
ଢେଙ୍କାନାଳ ଜିଲା ଅବକାରୀ ବିଭାଗ ଅଧିକ୍ଷକ ପ୍ରଦୀପ କୁମାର ପାଣିଗ୍ରାହୀଙ୍କ ନେତୃତ୍ୱରେ ହୋଇଥିବା ଏହି ଚଢ଼ାଉରେ ଉପ ଅଧିକ୍ଷକ ସୀତାରାଣୀ ପଟ୍ଟାୟତ, ଇନ୍ସପେକ୍ଟର ବିବେକାନନ୍ଦ ପେରେଇ, ଏଏସ୍‌ଆଇ ଛାୟାକାନ୍ତ ନାୟକ, ବିଶ୍ୱରଞ୍ଜନ ନାଥ, ସମୀର ମହାଳିକ, ରାଜେନ୍ଦ୍ର କୁମାର ସିଂ, ସନ୍ତୋଷ ସ୍ବାଇଁ ପ୍ରମୁଖ ସାମିଲ ହୋଇଥିଲେ।, ଏ ସଂକ୍ରାନ୍ତରେ ଅବକାରୀ ବିଭାଗ ଅଧିକ୍ଷକ କୁହନ୍ତି, ଗିରଫ ଅଭିଯୁକ୍ତଙ୍କ ଫୋନ୍‌ କଲ୍‌ରୁ ର଼୍ୟାକେଟ୍‌ର କିଙ୍ଗ୍‌ପିନ୍‌ଙ୍କୁ ଧରିବାକୁ ଉଦ୍ୟମ ଚାଲିଛି। ପ୍ରାଥମିକ ତଦନ୍ତରୁ ଉକ୍ତ ବିଦେଶୀ ମଦ ବେଆଇନ ଭାବେ ଚାଲାଣ ହେଉଥିବା ସ୍ପଷ୍ଟ ହୋଇଛି। ଜବତ ମଦ ଅସଲି କି ନକଲି ତାହାର ପରୀକ୍ଷା କରାଯିବ ବୋଲି ସେ ସୂଚନା ଦେଇଛନ୍ତି।
ସମୟ ଭଲ ନାହିଁ, ଟିକେ ରହିଯାଅ
ଅନ୍ତଃରାଜ୍ୟ ବିଦେଶୀ ମଦ ଚାଲାଣ ର଼୍ୟାକେଟ୍‌ରେ ସମ୍ପୃକ୍ତ ଅଭିଯୋଗରେ ଗିରଫ ହୋଇଥିବା ୩ ଜଣଙ୍କ ମୋବାଇଲ କଲ୍‌ ରେକର୍ଡ ଯାଞ୍ଚରୁ ଅବକାରୀ ବିଭାଗ ହାତରେ ଲାଗିଛି ବହୁ ଗୁରୁତ୍ୱପୂର୍ଣ୍ଣ ସୂଚନା। ମଦ ବୋଝେଇ କଣ୍ଟେନରକୁ ଫୋନ୍‌ ଦ୍ୱାରା ଗାଇଡ୍‌ କରାଯାଇ ରୁଟ୍‌ ବିଷୟରେ ଲଗାତର ସୂଚନା ଦିଆଯାଉଥିଲା। ଜଣେ ବ୍ୟକ୍ତି ଉକ୍ତ କଣ୍ଟେନରକୁ ଅନୁଗୋଳ ବାଇପାସ୍‌କୁ ଆଣିବାକୁ ନିର୍ଦ୍ଦେଶ ଦେଇ ଫୋନ୍‌ କାଟି ଦେଇଥିଲେ। ଏହାପରେ ପୁଣି କେହି ଜଣେ ଫୋନ୍‌ କରିଥିଲେ। ‘ସମୟ ଭଲ ନାହିଁ, ଟିକେ ରହିଯାଅ’ ବୋଲି କହି ସମ୍ପୃକ୍ତ ବ୍ୟକ୍ତି ଫୋନ୍‌ ସୁଇଚ୍‌ ଅଫ୍‌ କରିଦେଇଥିଲେ। ୩ ଅଭିଯୁକ୍ତଙ୍କ ମଧ୍ୟରୁ ଜଣଙ୍କୁ ବାହାରୁ ଫୋନ୍‌ ଆସିଥିଲା। ଫୋନ୍‌ କରିଥିବା ବ୍ୟକ୍ତି ଜଣକ ୫ ଲକ୍ଷ ଟଙ୍କା ଦେଇ ଚାଲିଆସ ବୋଲି ନିର୍ଦ୍ଦେଶ ଦେଇଥିଲେ। ଅଭିଯୁକ୍ତଙ୍କୁ ପଚରାଉଚୁରା ବେଳେ ଏଭଳି ତଥ୍ୟ ଅବକାରୀ ବିଭାଗ ହାତରେ ଲାଗିଛି। ତେବେ ଏହାର କିଙ୍ଗ୍‌ପିନ୍‌ ସମ୍ପର୍କରେ କୌଣସି ସ୍ପଷ୍ଟ ସୂଚନା ମିଳିନାହିଁ।
୪ ଥର ବିଫଳ ପରେ ସଫଳତା
ଅରୁଣାଚଳପ୍ରଦେଶରେ ବିକ୍ରି ହେଉଥିବା ବିଦେଶୀ ମଦ ଓଡ଼ିଶା ଅପେକ୍ଷା ଶସ୍ତା। ତେଣୁ ସେଠାରୁ ଚୋରାରେ ଟିକସ ଫାଙ୍କି ଦାମୀ ବ୍ରାଣ୍ଡ୍‌ର ମଦ ଆଣି ଓଡ଼ିଶାରେ କଳାବଜାର କରି ଅଧିକ ଦରରେ ବିକ୍ରି କରାଯାଉଥିଲା। ଏଭଳି ବିଦେଶୀ ମଦ ର଼୍ୟାକେଟ୍‌ ସମ୍ପର୍କରେ ଅବକାରୀ ବିଭାଗ ପାଖରେ ସୂଚନା ଥିଲେ ମଧ୍ୟ ଅଭିଯୁକ୍ତମାନେ କୌଶଳ ଖଟାଇ ପ୍ରତିଥର ବର୍ତ୍ତି ଯାଉଥିଲେ। ଏପରି କି ଢେଙ୍କାନାଳ ଅବକାରୀ ବିଭାଗ ୪ ଥର ଏହି ଚୋରା ମଦଚାଲାଣରେ ସମ୍ପୃକ୍ତ ଗ୍ୟାଙ୍ଗ୍‌କୁ ଧରିବାକୁ ଉଦ୍ୟମ କରି ବିଫଳ ହୋଇଥିବା ଜଣାପଡ଼ିଛି।


Enter your email to get our daily news in your inbox.

All Right Reserved By Dharitri.Com

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ସଂସଦ ଭବନରେ ଗୁଞ୍ଜିଲା କଳାହାଣ୍ଡିର ଢାପ ନୃତ୍ୟ: କଳାକାରଙ୍କଠୁ ରାମକାଠି ନେଇ ବଜାଇଲେ ମୋଦି

ଭବାନୀପାଟଣା,୧୬।୧୧(ଉତ୍ତମ କୁମାର ଦାଶ): ଦିଲ୍ଲୀ ସଂସଦ ଭବନରେ ଜାତୀୟ ମଞ୍ଚରେ ଝଲସିଲା କଳାହାଣ୍ଡିର ପାରମ୍ପରିକ ଢାପ ନୃତ୍ୟ। ଜନଜାତୀୟ ଗୌରବ ଦିବସ ଅବସରରେ ଭବାନୀପାଟଣାର ପ୍ରତିଭା ଅନୁଷ୍ଠାନର…

ଯେଉଁଠି ପ୍ରଥମେ ଭେଟିଥିଲେ ସୋନିଆ-ରାଜୀବ, ସେହି ରେଷ୍ଟୁରାଣ୍ଟକୁ ଗର୍ଲଫ୍ରେଣ୍ଡଙ୍କ ସହ ଯାଇଥିଲେ ରାହୁଲ! ନିଜେ କଲେ ଖୁଲାସା

ନୂଆଦିଲ୍ଲୀ,୧୬।୧୧: କଂଗ୍ରେସ ସାଂସଦ ରାହୁଲ ଗାନ୍ଧୀ ତାଙ୍କ ମାଆ ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଂ: ଏ ଜର୍ଣ୍ଣି ଅଫ ଲଭ’ର ଉନ୍ମୋଚନ ଅବସରରେ ପରିବାର ସହ ଜଡ଼ିତ…

IPL ନିଲାମୀ ପୂର୍ବରୁ ବଡ଼ ଟ୍ରେଡ୍‌: ବଦଳିବ ଶାମିଙ୍କ ଠିକଣା, ଲକ୍ଷ୍ନୌ ଛାଡ଼ି ଏହି ଦଳକୁ ଯିବେ!

ନୂଆଦିଲ୍ଲୀ,୧୬।୧୧: IPL ନିଲାମୀ ପୂର୍ବରୁ ଖେଳାଳିଙ୍କ ଅଦଳବଦଳ ପ୍ରକ୍ରିୟା ଜୋର୍‌ ଧରିବାରେ ଲାଗିଛି। ଏହି କ୍ରମରେ ଭାରତୀୟ ଦ୍ରୁତ ବୋଲର ମହମ୍ମଦ ଶାମିଙ୍କୁ ନେଇ ଏକ ବଡ଼…

ଥାନାରେ ପଶି ପୋଲିସ ଅଧିକାରୀଙ୍କୁ ହତ୍ୟା ଉଦ୍ୟମ: ଗିରଫ ହୋଇ ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୬।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ଥାନାରେ ପଶି ଏସ୍‌ଆଇ ରାଜ କିଶୋର ପାତ୍ର ଏବଂ ହୋମଗାର୍ଡ ଲକ୍ଷ୍ମୀକାନ୍ତ ମହାପାତ୍ରଙ୍କୁ ହତ୍ୟା ଉଦ୍ୟମ ଘଟଣାରେ ସମ୍ପୃକ୍ତ…

ସେହୱାଗଙ୍କ ପୁଅ ଆର୍ଯ୍ୟବୀରଙ୍କୁ ଲାଗିଲା ବଡ଼ ଝଟ୍‌କା: ଭଲ ପ୍ରଦର୍ଶନ ସତ୍ତ୍ୱେ ଖେଳିପାରିବେନି ଅଣ୍ଡର-୧୯ ବିଶ୍ୱକପ, ଜାଣନ୍ତୁ କାରଣ…

ନୂଆଦିଲ୍ଲୀ,୧୬।୧୧: ଭାରତର ପୂର୍ବତନ ବିସ୍ଫୋରକ ଓପନର ବ୍ୟାଟର ବୀରେନ୍ଦ୍ର ସେହୱାଗଙ୍କ ପୁଅ ଆର୍ଯ୍ୟବୀର ସେହୱାଗ ନିକଟରେ ଅଣ୍ଡର-୧୯ ଏସିଆ କପରେ ନିଜର ଦମଦାର ପ୍ରଦର୍ଶନ ବଳରେ ସମସ୍ତଙ୍କ…

ନ୍ୟୁଜିଲାଣ୍ଡ ସିରିଜ ପୂର୍ବରୁ ଟିମ ଇଣ୍ଡିଆରେ ବଡ଼ ହଲଚଲ: ୧୦ ନୂଆ ଖେଳାଳିଙ୍କ ଏଣ୍ଟ୍ରି, ଦେଖନ୍ତୁ ପୂରା ତାଲିକା

ନୂଆଦିଲ୍ଲୀ,୧୬।୧୧: ଟି-୨୦ ଓ ଦିନିକିଆ ସିରିଜ ପରେ ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ୨ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଖେଳାଯିବ। ନଭେମ୍ବର ୧୯ ତାରିଖରୁ ଏହି…

ଶନିଦେବଙ୍କ ସିଧା ଚଳନ: ୩ ରାଶିଙ୍କ ଫାଇଦା ହିିଁ ଫାଇଦା, ଶେଷ ହେବ ଖରାପ ସମୟ

ଜ୍ୟୋତିଷ ଶାସ୍ତ୍ର ଅନୁସାରେ, ୨୦୨୬ର ଶେଷ ମାସ ଡିସେମ୍ବର ଅତ୍ୟନ୍ତ ଗୁରୁତ୍ୱପୂର୍ଣ୍ଣ ରହିବ। ଏହି ମାସରେ ଶନିଦେବ ମାର୍ଗୀ ହେବାକୁ ଯାଉଛନ୍ତି। ଜ୍ୟୋତିଷ ଶାସ୍ତ୍ରରେ ଶନିଦେବଙ୍କୁ କର୍ମଫଳଦାତା…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?