ଚଣ୍ଡିଗଡ଼,୧୦।୫: ମୋହାଲିସ୍ଥିତ ପଞ୍ଜାବ ଗୋଇନ୍ଦା ମୁଖ୍ୟାଳୟକୁ ଗ୍ରେନେଡ୍ ମାଡ଼ ଘଟଣାର ଦିନକ ପରେ ପଞ୍ଚାବ ମୁଖ୍ୟମନ୍ତ୍ରୀ ଭଗଓ୍ବନ୍ତ ମାନ ମଙ୍ଗଳବାର ନିଜର ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି, ପଞ୍ଜାବର ଶାନ୍ତି ଭଙ୍ଗ କରିବାକୁ ଚାହୁଁଥିବା ବ୍ୟକ୍ତିଙ୍କୁ ଛଡାଯିବ ନାହିଁ। ପଞ୍ଜାବ ପୋଲିସ ଘଟଣାର ତଦନ୍ତ କରୁଛି। ଦୋଷୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସେ କହିଛନ୍ତି।
ଏପରି କି ମୁଖ୍ୟମନ୍ତ୍ରୀ ଭଗଓ୍ବନ୍ତ ତାଙ୍କ ବାସଭବନରେ ବରିଷ୍ଠ ପୋଲିସ ଅଧିକାରୀଙ୍କୁ ଡାକି ଏକ ବୈଠକ କରିଛନ୍ତି। ଏପରି କି ଅଧିକାରୀଙ୍କୁ ଯାଞ୍ଚ ରିପୋର୍ଟ ମାଗିଛନ୍ତି। ଅନ୍ୟପକ୍ଷେ ଏଏପି ଏମ୍ପି ରାଘବ ଚଡ୍ଡା ଏହି ଘଟଣାକୁ ଭୀରୁତାର କାର୍ଯ୍ୟ ବୋଲି କହିଛନ୍ତି। ଏହା ପଛରେ ଥିବା ଲୋକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସେ କହିଛନ୍ତି।
ସୂଚନାଯୋଗ୍ୟ, ମୋହାଲିସ୍ଥିତ ପଞ୍ଜାବ ଗୋଇନ୍ଦା ମୁଖ୍ୟାଳୟକୁ ଉଡ଼ାଇଦେବା ଉଦ୍ଦେଶ୍ୟରେ ସୋମବାର ରାତିରେ ରକେଟ ପ୍ରୋପେଲ୍ଡ ଗ୍ରେନେଡ୍(ଆର୍ପିଜି) ମାଡ଼ ହୋଇଥିଲା। ବିଲ୍ଡିଂର ତୃତୀୟ ମହଲାରେ ମାଡ଼ ହୋଇଥିଲା। ହେଲେ ସୌଭାଗ୍ୟକୁ ଏହା ବିସ୍ଫୋରଣ ହୋଇ ନ ଥିଲା। ଅନ୍ୟପକ୍ଷେ ଗ୍ରେନେଡ୍ ମାଡ଼ରେ କାଚ ଡୋର୍ ଓ ଝରକା ଭାଙ୍ଗିଯାଇଛି।
