ବ୍ରିଜ୍‌ କାମ ଶେଷ ନ କରି ବନ୍ଦ ପ୍ରସ୍ତାବ

ଯାଜପୁର,୧୮।୨(ହର୍ଷବର୍ଦ୍ଧନ ବେହେରା): ଯାଜପୁର ଗ୍ରାମ୍ୟ ନିର୍ମାଣ ଡିଭିଜନ-୧  ଅଧୀନ ଜିଲାର ସୀମାନ୍ତବର୍ତ୍ତି ତଥା ସୁକିନ୍ଦା ଖଣି ଅଞ୍ଚଳରେ ଏଯାଏ ଗମନାଗମନ ପାଇଁ ଉପଯୁକ୍ତ ରାସ୍ତା ଓ ବ୍ରିଜ ନିର୍ମାଣ ହୋଇ ପାରିନାହିଁ। ଫଳରେ ବର୍ଷା ମାସରେ ନଦୀନାଳ ଘେରା ଏକାଧିକ ଅଞ୍ଚଳବାସୀ ବାହ୍ୟ ଜଗତରୁ ବିଚ୍ଛିନ୍ନ ହେଉଥିବା ଅଭିଯୋଗ ହେଉଛି। ଏପରିକି ବିଜୁ ସେତୁ ଯୋଜନା(ବିଏସ୍‌ଓ୍ବାଇ)ରେ ବ୍ରିଜ କାମ ସମ୍ପୂର୍ଣ୍ଣ ନ ହୋଇ କାର୍ଯ୍ୟ ବନ୍ଦ କରିବାକୁ ବିଭାଗୀୟସ୍ତରରେ ବନ୍ଦ ପ୍ରସ୍ତାବ ଦିଆଯାଉଛି। ଏଠାରେ ପାଟଣାଠାରୁ ପୋଡ଼ାଘରା ଗ୍ରାମ ରାସ୍ତାରେ କାଳିଆପାଣି ଅଞ୍ଚଳ ଦେଇ ପ୍ରବାହିତ ଡମଶାଳା ନାଳା ଉପରେ ୪ କୋଟି ୬୬ ଲକ୍ଷ ୧୯ ହଜାର ୨୩୨ ଟଙ୍କାର ନିର୍ମାଣାଧୀନ ବ୍ରିଜକୁ ଉଦାହରଣ ଭାବେ ନିଆଯାଇପାରେ। ବ୍ରିଜ ଆପ୍ରୋଚ ରାସ୍ତାରେ ସରକାରୀ ଜମି ଅଧିଗ୍ରହଣ ଏବଂ ଶାଳ ଗଛ ହଟାଇବାରେ ତହସିଲ ଓ ଜଙ୍ଗଲ ବିଭାଗ ବିଫଳ ହେବାରୁ ଏଭଳି ପରିସ୍ଥିତି ସୃଷ୍ଟି ହୋଇଥିବା କେନ୍ଦ୍ରାପଡା-ଯାଜପୁର ଗ୍ରାମ୍ୟ ନିର୍ମାଣ ସର୍କଲର ଚିଫ କନଷ୍ଟ୍ରକ୍ସନ ଇଞ୍ଜିନିୟର ଦର୍ଶାଇଛନ୍ତି। ଏହିକ୍ରମରେ ସେ ୯ା୨ା୨୦୨୬ରେ ଏହି ଅସମ୍ପୂର୍ଣ୍ଣ ବ୍ରିଜ ନିର୍ମାଣକୁ ବନ୍ଦ କରିବାକୁ ଗ୍ରାମ୍ୟ ନିର୍ମାଣ ବିଭାଗର ଚିଫ ଇଞ୍ଜିନିୟରଙ୍କୁ ପ୍ରସ୍ତାବ ଦେଇଛନ୍ତି। ବର୍ଷାଦିନ ପୂର୍ବରୁ ଏହି ବ୍ରିଜ ନିର୍ମାଣକୁ ସମ୍ପୂର୍ଣ୍ଣ କରା ନ ଗଲେ ଖଣି ଅଞ୍ଚଳର ପୋଡ଼ାଘରା, ଛତାଟାଙ୍ଗର, ନାତୁର, କଣ୍ଡାର, ଅରଡ଼ାପାଳ, ଖୁଣ୍ଟାପଷି, ଗୋଡ଼ଭଙ୍ଗାସାହି ଆଦି ଗ୍ରାମକୁ ଯୋଗାଯୋଗ ହୋଇ ପାରିବନାହିଁ। ଏଭଳିସ୍ଥିତିରେ ୮ ବର୍ଷ ପୂର୍ବରୁ ନଗଡ଼ାରେ ସୃଷ୍ଟି ହୋଇଥିବା ସ୍ବାସ୍ଥ୍ୟ ସମସ୍ୟାର ପୁନରାବୃତ୍ତି ସଂପୃକ୍ତ ଗ୍ରାମଗୁଡ଼ିକରେ ଦେଖା ଦେଇପାରେ ବୋଲି ଆଶଙ୍କା ପ୍ରକାଶ ପାଇଛି। ଏହାବାଦ ଖଣି ଅଞ୍ଚଳରେ ଅନ୍ୟ ୬ବିଜୁ ସେତୁ ସମ୍ପୂର୍ଣ୍ଣ ହୋଇପାରିନାହିଁ। ସେଥିରୁ ଜଣେ ଠିକାଦାରଙ୍କୁ ୪ଟି ସେତୁ ନିର୍ମାଣ ଦାୟିତ୍ୱ ଦିଆଯାଇଛି। ଏଥିପାଇଁ ପୂର୍ବରୁ ଯାଜପୁର ଗ୍ରାମ୍ୟ ନିର୍ମାଣ ଡିଭିଜନର ଅଧୀକ୍ଷଣ ଯନ୍ତ୍ରୀ ସଂପୃକ୍ତ ଠିକାଦାରମାନଙ୍କୁ କାରଣ ଦର୍ଶାଅ ନୋଟିସ ଜାରି କରିଥିଲେ ବି ବ୍ରିଜ ନିର୍ମାଣରେ ସେତେଟା ଅଗ୍ରଗତି ହୋଇ ପାରି ନ ଥିବା ମପ୍ରକାଶ ପାଇଛି।
ଯାଜପୁର ଜିଲାରେ ବହୁ ନଦୀନାଳ ପ୍ରବାହିତ ହେଉଛି। ଏହିକ୍ରମରେ ଉତ୍ତମ ଗମନାଗମନ ବ୍ୟବସ୍ଥାକୁ ସହଜ ଓ ସୁଗମ କରିବାକୁ ବିଜୁ ସେତୁ ଯୋଜନା ପ୍ରଣୟନ ହୋଇଥିଲା। କିନ୍ତୁ ଗ୍ରାମ୍ୟ ନିର୍ମାଣ ବିଭାଗର କେତେଜଣ ଯନ୍ତ୍ରୀଙ୍କ ଆନ୍ତରିକତାର ଅଭାବ ଯୋଗୁ ଏଯାଏ ତାହା ସମ୍ପୂର୍ଣ୍ଣ ସଫଳ ହୋଇପାରିନାହିଁ। ନିର୍ଦ୍ଧାରିତ ସମୟରେ ସେତୁଗୁଡ଼ିକ ସମ୍ପୂର୍ଣ୍ଣ ହୋଇ ପାରୁ ନ ଥିବା ଏବଂ ପରବର୍ତ୍ତୀ ସମୟରେ ମୂଲ୍ୟ ବୃଦ୍ଧି ଯୋଗୁ ସରକାରଙ୍କ ରାଜସ୍ବ ହାନୀ ହେଉଥିବା ଦେଖିବାକୁ ମିଳିଛି। ସୁକିନ୍ଦାର ଜୀବନରେଖା ଭାବେ ପରିଚିତ ଡମଶାଳା ନାଳର ୧ କି.ମି. ଦୂରବର୍ତ୍ତୀ ପାଟଣାଠାରୁ ପୋଡ଼ଘରା ରାସ୍ତାରେ ବିଜୁ ସେତୁ ନିର୍ମାଣ ପାଇଁ ପ୍ରଥମ ଶ୍ରେଣୀ ଠିକାଦାର ଧୀରେନ୍ଦ୍ର କିଶୋର ରାୟଙ୍କୁ କାର୍ଯ୍ୟ ଦାୟିତ୍ୱ ଦିଆଯାଇଥିଲା। ଚୁକ୍ତି ଅନୁସାରେ ଏହି ସେତୁ ନିର୍ମାଣ କାର୍ଯ୍ୟ ୧୫ା୧୨ା୨୦୨୨ରେ ଆରମ୍ଭ ହୋଇ ୧୪ା୧୨ା୨୦୨୩ରେ ଶେଷ କରିବାକୁ ଧାର୍ଯ୍ୟ ହୋଇଥିଲା। ଠିକାଦାର ୪ କୋଟି ୪୮ ଲକ୍ଷ ୮୧ ହଜାର ୭୪୩ ଟଙ୍କାର କାମ କରି ବାକି ସେତୁ ନିର୍ମାଣ କାର୍ଯ୍ୟ ୩୧ା୩ା୨୦୨୪ରୁ ବନ୍ଦ କରି ଦେଇଥିଲେ। ଯାଜପୁର ଗ୍ରାମ୍ୟ ନିର୍ମାଣ ଡିଭିଜନର ଅଧୀକ୍ଷଣ ଯନ୍ତ୍ରୀ ଅବିନାଶ ବାରିକଙ୍କ ରିପୋର୍ଟ ଅନୁସାରେ ଜବରଦଖଲ ସରକାରୀ ଜମି ଓ ଶାଳ ଗଛ ହଟା ଯାଇ ନ ପାରିବାରୁ କାମ ସମ୍ପୂର୍ଣ୍ଣ ହୋଇ ପାରିନାହିଁ। ଗ୍ରାମ୍ୟ ନିର୍ମାଣ ବିଭାଗର ଡୁବୁରୀ ସବଡିଭିଜନର ସହକାରୀ ନିର୍ବାହୀ ଯନ୍ତ୍ରୀଙ୍କ ରିପୋର୍ଟ ଅନୁସାରେ ୬ା୧୧ା୨୦୨୩ରେ ସୁକିନ୍ଦା ତହସିଲଦାରଙ୍କୁ ଜବରଦଖଲ ହୋଇଥିବା ସରକାରୀ ଜମି ଅଧିଗ୍ରହଣ ଏବଂ ଶାଳ ଗଛ ହଟାଇବାକୁ ଡିଏଫଓଙ୍କୁ ସୂଚିତ କରାଯାଇଥିଲା। ହେଲେ ସଂପୃକ୍ତ ଅଧିକାରୀମାନେ ଏହି ସମସ୍ୟାର ସମାଧାନ କରିବାରେ ଆଜି ପର୍ଯ୍ୟନ୍ତ ବିଫଳ ହୋଇଛନ୍ତି ବୋଲି ବନ୍ଦ ପ୍ରସ୍ତାବରେ ଦର୍ଶାଯାଇଛି। ଏଥିରୁ ସରକାରୀ ଅଧିକାରୀଙ୍କ ଅବହେଳା କାରଣରୁ ସଂପୃକ୍ତ ଅଞ୍ଚଳବାସୀ   ସୁରକ୍ଷିତ, ସହଜ ଓ ସୁଗମ ଗମନାଗମନରୁ ବଞ୍ଚିତ ହେବାର ସ୍ପଷ୍ଟ ହେଉଛି।
ଏହାବାଦ ଡମଶାଳା ନାଳରେ କାଳିଆପାଣିଠାରୁ ଢବାହାଳି ରାସ୍ତାରେ ୨୦୨୩-୨୪ ବର୍ଷରେ ଏକ ସେତୁ ନିର୍ମାଣ ପାଇଁ ମଞ୍ଜୁର ହୋଇଥିଲା। ଏଥିପାଇଁ ୬ କୋଟି ୫ ଲକ୍ଷ ୧ ହଜାର ୧୯୯ ଟଙ୍କା ଅନୁଦାନ ମିଳିଥିଲା। ବିଭାଗ ପକ୍ଷରୁ ଏ କ୍ଲାସ କଣ୍ଟ୍ରାକ୍ଟର ସରୋଜ କୁମାର ଜେନାଙ୍କୁ ନିର୍ମାଣ ଦାୟିତ୍ୱ ଦିଆଯାଇଥିଲା। ଏହି ସେତୁ ୧ା୧୨ା୨୦୨୩ରେ ଆରମ୍ଭ ହୋଇ ୩୧ା୫ା୨୦୨୫ରେ ଶେଷ କରିବାକୁ ଧାର୍ଯ୍ୟ ହୋଇଥିଲା। କିନ୍ତୁ ବିଡ଼ମ୍ବନା ଯେ, ଏହି ସେତୁ କାର୍ଯ୍ୟ ମନ୍ଥର ଗତିରେ ଚାଲିଛି। ସେହିପରି ପଣ୍ଡରା ନାଳା, ଦେଉଳିନାକିଆଣି ନାଳ, ଖୋଲାମହରା ନାଳା, ଶଙ୍ଖୁଆ ନାଳା, ବ୍ରାହ୍ମଣୀ ନଦୀ, ତନ୍ତିଘାଇ ନଦୀର ବିଭିନ୍ନ ସ୍ଥାନରେ ନିର୍ମାଣାଧୀନ ବ୍ରିଜଗୁଡ଼ିକ ଧାର୍ଯ୍ୟ ସମୟରେ ସମ୍ପୂର୍ଣ୍ଣ ହୋଇପାରିନାହିଁ। ଫଳରେ ନିର୍ମାଣାଧୀନ ଏହି ବ୍ରିଜଗୁଡ଼ିକ ଉପରେ ନିର୍ଭର ହେବାକୁ ଥିବା ଶତାଧିକ ଗ୍ରାମବାସୀଙ୍କ ଆଶାପୂରଣ ହେବାରେ ପ୍ରତିବନ୍ଧକ ସୃଷ୍ଟି ହୋଇଛି।
Dharitri – Odisha’s No.1 Odia Daily

Enter your email to get our daily news in your inbox.

All Right Reserved By Dharitri.Com

କେବେ ଶାସନ ଗାଦିରୁ ହଟିବ ଭାଜପା? ଆସିଲା ବଡ଼ ଭବିଷ୍ୟବାଣୀ

ନୂଆଦିଲ୍ଲୀ/ଇସଲାମାବାଦ,୨୧।୫: ବର୍ତ୍ତମାନ, ଭାରତୀୟ ଜନତା ପାର୍ଟି (ଭାଜପା) ଏବଂ ଜାତୀୟ ଗଣତାନ୍ତ୍ରିକ ମେଣ୍ଟ (ଏନଡିଏ) ମଧ୍ୟରେ ଏହାର ସହଯୋଗୀଙ୍କ ନେତୃତ୍ୱରେ ସରକାର ଭାରତର ୨୨ଟି ରାଜ୍ୟ ଏବଂ…

ଦୁଇ ପୁଅଙ୍କ ଜୀବନ ବଞ୍ଚାଇବାକୁ ଯାଇ ବୁଡ଼ିଗଲେ ବାପା, ଶୋଭାପୁଟ ବ୍ରିଜ ତଳ ପାଣିରେ…

ନନ୍ଦପୁର, ୨୧।୫(ତୁଷାରକାନ୍ତ ମହାନ୍ତି): କୋରାପୁଟ ଜିଲା ନନ୍ଦପୁର ବ୍ଲକ ଆନ୍ଧ୍ର ସୀମାକୁ ଲାଗି ରହିଥିବା ପାନ୍ଥଲୁଙ୍ଗ ପଞ୍ଚାୟତର ଶୋଭାପୁଟ ବ୍ରିଜ ତଳେ ଗୁରୁବାର ମାଛ ଧରିବାକୁ ଆସିଥିବା…

୧୬ ବର୍ଷ ପରେ ବଳାତ୍କାର ଅଭିଯୁକ୍ତ ଗିରଫ, ପୀଡ଼ିତା ମହିଳାଙ୍କ ପରିବାର…

ବରଗଡ,୨୧।୫(ପ୍ରେମାନନ୍ଦ ଖମାରୀ)- ବରଗଡ଼ ଜିଲା ଭଟଲି ଥାନା ପୋଲିସ ଗୁରୁବାର ୧୬ ବର୍ଷ ପରେ ଜଣେ ଫେରାର୍‌ ବଳାତ୍କାର ଅଭିଯୁକ୍ତଙ୍କୁ ଗିରଫ କରିଛି। ଗିରଫ ଅଭିଯୁକ୍ତ ଜଣକ…

‘କକ୍ରୋଚ ଜନତା ପାର୍ଟି’ର ଅଧା ଫଲୋୟର୍ସ ପାକିସ୍ତାନୀ; ତଥ୍ୟ ଶେୟାର କରି ଏମିତି ଦାବି କଲେ ଭାଜପା ନେତା

ନୂଆଦିଲ୍ଲୀ,୨୧।୫: ଯଦିଓ ‘କକ୍ରୋଚ ଜନତା ପାର୍ଟି’କୁ ଜାତୀୟ ରାଜନୈତିକ ଆଲୋଚନାର ଅଂଶ ହେବା ପାଇଁ ଏହାର ଅନୁଗାମୀ ସଂଗ୍ରହ କରିବା ଅପେକ୍ଷା ଅଧିକ ସମୟ ଲାଗିଥାଇପାରେ, ଏହି…

ଅସହ୍ୟ ଗରମରେ ଅଘୋଷିତ ବିଦ୍ୟୁତ କାଟ, ଟାଟା ପାଓ୍ବାର ଅଫିସ ଘେରି କର୍ମଚାରୀଙ୍କୁ ତାଲା ପକାଇଲେ ଉତ୍ତ୍ୟକ୍ତ ଲୋକେ

ବଲାଙ୍ଗୀର, ୨୧।୫(ସୁନୀଲ କୁମାର ମହାନ୍ତି): ବଲାଙ୍ଗୀର ସହରରେ ଅଘୋଷିତ ଭାବେ ହେଉଛି ବିଦ୍ୟୁତ କାଟ। ଏହାର ପ୍ରତିବାଦରେ ଗୁରୁବାର ଟାଟା ପାୱାର ଅଫିସ ଘେରାଉ କରାଯିବା ସହ…

ବେଆଇନ ଭାବେ କରୁଥିଲେ ଗୋରୁ ଚାଲାଣ, ଅଭିଯୁକ୍ତ ଜିତୁଙ୍କୁ ବାନ୍ଧିଲା…

ଆନନ୍ଦପୁର/ହାଟଡିହୀ,୨୧l୫(ସୁଶାନ୍ତ କୁମାର ସାହୁ/ଶୁଭକାନ୍ତ ନାୟକ): କେନ୍ଦୁଝର ଜିଲା ଘସିପୁରା ଥାନା ଗୁହାଳିଆ ଗ୍ରାମର ଅମିନ ଜେନାଙ୍କ ପୁଅ ସୁବ୍ରତ କୁମାର ଜେନା (୩୮) ଓରଫ ଜିତୁଙ୍କୁ ଗୁରୁବାର…

ଗ୍ଲାମ ଇଣ୍ଡିଆରେ ଚମକିଲେ କଳାହାଣ୍ଡିର ଝିଅ ଅନ୍ବେଷା ମିଶ୍ର

ଭବାନୀପାଟଣା,୨୧।୫(ଉତ୍ତମ କୁମାର ଦାଶ)-କଳାହାଣ୍ଡି ଭବାନୀପାଟଣାର ଝିଅ ଅନ୍ବେଷା ମିଶ୍ର(୧୩) ସମ୍ମାନଜନକ ଗ୍ଲାମ ଇଣ୍ଡିଆରେ ପ୍ରତିଯୋଗିତାରେ କୃତିତ୍ବ ହାସଲ କରି ଜିଲା ପାଇଁ ଗୌରବ ଆଣିଛନ୍ତି। ପ୍ରିଟିନ୍ ବର୍ଗରେ…

ନେଇଥିଲେ ଅବସର: ବିଶ୍ୱକପ୍‌ ପାଇଁ ପୁଣି ଫେରିଲେ ଏହି ଖେଳାଳି

ବର୍ଲିନ,୨୧ା୫: ବିଶ୍ୱକପ୍‌ ଲାଗି ଭେଟେରାନ ଗୋଲକିପର ମାନୁଏଲ ନେଉରଙ୍କୁ ଅବସରରୁ ଫେରିବା ପାଇଁ ଜର୍ମାନୀ କୋଚ୍‌ ଜୁଲିଆନ ନାଗେଲ୍ସମ୍ୟାନ ରାଜି କରିଛନ୍ତି। ୪୦ ବର୍ଷୀୟ ନେଉର ୨୦୨୪…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala

Model This Week

ପିଲାଙ୍କ ଧରିତ୍ରୀ

Why Dharitri