ଜୟପୁର,୨୬।୫: ଖାଦ୍ୟ ଦେବାକୁ କହି ୨୨ ବର୍ଷୀୟା ମହିଳାଙ୍କୁ ଆମ୍ବୁଲାନ୍ସରେ ଗଣବଳାତ୍କାର କରାଯାଇଛି। ରାଜସ୍ଥାନର ଜୟପୁରରୁ ଆସିଛି ଏଭଳି ଏକ ଅଭିଯୋଗ। ଘଟଣାଟି ୨୪ ତାରିଖରେ ଘଟିଥିବା ପୋଲିସ ପକ୍ଷରୁ ବୁଧବାର କୁହାଯାଇଛି।
ଜଣେ ବିବାହିତ ମହିଳାଙ୍କୁ ଖାଦ୍ୟ ପ୍ରଲୋଭନ ଦେଖାଇ ଆମ୍ବୁଲାନ୍ସରେ ବସାଇଥିଲେ ଡ୍ରାଇଭର। ପରେ ନିଛାଟିଆ ଅଞ୍ଚଳକୁ ନେଇ ଡ୍ରାଇଭର ଓ ତାଙ୍କ ସାଥି ମହିଳାଙ୍କୁ ଗଣବଳାତ୍କାର କରିଥିଲେ ବୋଲି ମୋତି ଦୁଙ୍ଗରି ଥାନାର ଏସ୍ଏଚ୍ଓ ସୁରେନ୍ଦ୍ର ପାଞ୍ଚୋଲି କହିଛନ୍ତି। ମହିଳାଙ୍କ ଅଭିଯୋଗକୁ ଭିତ୍ତି କରି ଆଇପିସି ଧାରା ୩୭୬ଡି (ଗଣବଳାତ୍କାର) ଓ ଅନୁସୂଚିତ ଜାତି ଏବଂ ଜନଜାତୀ ଆଇନରେ ମାମଲା ରୁଜୁ କରାଯାଇଛି। ଆମ୍ବୁଲାନ୍ସ ଡ୍ରାଇଭର ଓ ତାଙ୍କ ସାଥିଙ୍କୁ ଥାନାରେ ରଖି ପଚରାଉଚୁରା କରାଯାଉଥିବା ଏସ୍ଏଚ୍ଓ କହିଛନ୍ତି।
