ଧାନ କିଣା ଆରମ୍ଭରୁ ଅବ୍ୟବସ୍ଥା

ଜଗତ୍‌ସିଂହପୁର ଅଫିସ, ୧୫।୧: ସରକାର ଧାନ କିଣିବା ପାଇଁ ମଣ୍ଡି ଖୋଲୁଛନ୍ତି। ୨୦୨୨ ନଭେମ୍ବରରୁ ୨୦୨୩ ମାର୍ଚ୍ଚ ଭିତରେ ଏହି ଧାନ ସଂଗ୍ରହ କରାଯିବ ବୋଲି ନିଷ୍ପତ୍ତି ହୋଇଛି। କିନ୍ତୁ ଜଗତ୍‌ସିଂହପୁର ଜିଲାରେ ବିଳମ୍ବରେ ଅର୍ଥାତ୍‌ ଜାନୁୟାରୀ ୬ରୁ ମଣ୍ଡି ଖୋଲିଛି। ପ୍ରାଥମିକ ପର୍ଯ୍ୟାୟରେ ଜିଲାର ରଘୁନାଥପୁର, ତିର୍ତ୍ତୋଲ ଓ କୁଜଙ୍ଗ ବ୍ଲକ ଅଞ୍ଚଳର କମ୍‌ ସଂଖ୍ୟକ ପାକ୍ସ (ସେବା ସମବାୟ ସମିତି)ରେ ଧାନ କିଣା ଅଭିଯାନ ଆରମ୍ଭ ହୋଇଛି। କୁଜଙ୍ଗ ବ୍ଲକ ଅନ୍ତର୍ଗତ ରାହାମା ନିୟନ୍ତ୍ରିତ ବଜାର କମିଟି (ଆର୍‌ଏମ୍‌ସି) ଅଞ୍ଚଳର ୨୮ପାକ୍ସ ମଧ୍ୟରୁ ମାତ୍ର ୩ଟିରେ ଗୁରୁବାର ଧାନ କିଣା ହୋଇଛି। ଜଗତ୍‌ସିଂହପୁର ଆର୍‌ଏମ୍‌ସି ଅନ୍ତର୍ଗତ ୭୩ ପାକ୍ସ ଓ ୬ଟି ସ୍ବୟଂ ସହାୟକ ଗୋଷ୍ଠୀ(ଏସ୍‌ଏଚ୍‌ଜି)କୁ ଏହି କାର୍ଯ୍ୟରେ ନିୟୋଜିତ କରାଯାଇଛି। କିନ୍ତୁ ପ୍ରାଥମିକ ପର୍ଯ୍ୟାୟରେ ମାତ୍ର ୮ଟି ସେବା ସମବାୟ ସମିତି ଓ ଗୋଟିଏ ଏସ୍‌ଏଚ୍‌ଜି ଏହି କାମ ଆରମ୍ଭ କରିଛନ୍ତି । ଏବେଠାରୁ ଧାନ କିଣାରେ ଅବ୍ୟବସ୍ଥା ପଦାକୁ ଆସୁଛି। ମିଲରମାନଙ୍କ ପକ୍ଷରୁ ଅଖା (ଝୋଟ) ଦିଆଯାଉ ନ ଥିବାରୁ ବାଧ୍ୟ ହୋଇ ଚାଷୀ ଜରି ଅଖା (ଗୋଟା ୧୫ ଟଙ୍କା)ରେ ଧାନ ଭରି ମଣ୍ଡିରେ ପହଞ୍ଚାଉଛନ୍ତି। ଅନ୍ୟପଟେ କୁଇଣ୍ଟାଲ ପିଛା ୨ରୁ ୩ କିଲୋଗ୍ରାମ ଧାନ କଟାଯାଉଥିବା ନେଇ ଗୁରୁତର ଅଭିଯୋଗ ହୋଇଛି । ଏହି ପ୍ରସଙ୍ଗକୁ ନେଇ ରଘୁନାଥପୁର ବ୍ଲକ ପୁରୁଣାବସନ୍ତ ପାକ୍ସରେ ଗୁରୁବାର ସକାଳୁ ଅପରାହ୍ନ ପର୍ଯ୍ୟନ୍ତ ଉତ୍ତେଜନା ଦେଖାଯାଇଥିଲା। ଆଗକୁ ସବୁକିଛି ଠିକ୍‌ ହୋଇଯିବ ବୋଲି ପ୍ରତିଶ୍ରୁତି ମିଳିବା ପରେ ଚାଷୀ ଧାନ ବିକ୍ରି କରିଥିଲେ। କିନ୍ତୁ ୨ଟି ପରିବର୍ତ୍ତେ ଗୋଟିଏ ଟ୍ରକ୍‌ ଆସିଥିବାରୁ ଅନେକ ଚାଷୀ ନିରାଶ ହୋଇଥିଲେ। ଏଥିସହ ଟୋକନ ଆସିବାରେ ବିଳମ୍ବ ହେବାରୁ ଅସନ୍ତୋଷ ସୃଷ୍ଟି କରିଛି। ଆଗକୁ ପରିସ୍ଥିତିରେ ସୁଧାର ଆସୁଛି କି ପୂର୍ବପରି ଲାଗି ରହୁଛି ତାହା ସମୟ କହିବ।
ଚଳିତବର୍ଷ ଜଗତ୍‌ସିଂହପୁର ଜିଲାର ୩, ବରଗଡ଼ ୫ ଓ ସମ୍ବଲପୁର ଜିଲାରୁ ୨୦ ଏହିପରି ମୋଟ୍‌ ୨୮ ମିଲର ଧାନ କିଣାରେ ସାମିଲ ହେବେ ବୋଲି ସୂଚନା ମିଳିଛି। ଏ ସମ୍ପର୍କରେ ରଘୁନାଥପୁର ବ୍ଲକ ଛପଡ଼ାର ଅନନ୍ୟା ମହାନ୍ତି, ତାରପୁରର ଗଙ୍ଗାଧର ଜେନା, ଜଗତ୍‌ସିଂହପୁର ବ୍ଲକ ସାଳଜଙ୍ଗର ବିଭୂତି ଭୂଷଣ ଲେଙ୍କା, ନାଉଗାଁ ବ୍ଲକ ଓଷକଣାର ରଘୁନାଥ ନାୟକ ପ୍ରମୁଖ ଅଭିଯୋଗରେ କହିଛନ୍ତି, ସେମାନଙ୍କ ଗାଁର କିଛି ଲୋକଙ୍କ ପାଖକୁ ଟୋକନ ପାଇଁ ଡିଜିଟାଲ ମେସେଜ୍‌ ଆସିଛି। କିନ୍ତୁ ସେମାନଙ୍କ ପାଖକୁ ଆସିନାହିଁ। ପୁରୁଣାବସନ୍ତ ଗ୍ରାମର ସୁରେଶ ସାହୁଙ୍କ ସମେତ କେତେଜଣ କହିଛନ୍ତି, ଝୋଟ ଅଖା ଦିଆଯାଉନି। ଏଣେ ଓଜନ କମାଯାଉଛି। ଏ ନେଇ ଚାଷୀ ମହଲରେ ଅସନ୍ତୋଷ ସୃଷ୍ଟି ହୋଇଥିଲା। ଏ ସମ୍ପର୍କରେ ନବ ନିର୍ମାଣ କୃଷକ ସଙ୍ଗଠନ ରାଜ୍ୟ ସହ ସଂଯୋଜକ ରଶ୍ମିରଞ୍ଜନ ସ୍ବାଇଁ କହିଛନ୍ତି, ସରକାର ସାଧାରଣ ଓ ଗ୍ରେଡ୍‌-ଏ ଧାନର ସର୍ବନିମ୍ନ ସହାୟକ ମୂଲ୍ୟ ଯଥାକ୍ରମେ ୨୦୪୦ ଓ ୨୦୬୦ ଟଙ୍କା ଧାର୍ଯ୍ୟ କରିଛନ୍ତି । ଚଳିତବର୍ଷ ଚାଷୀମାନେ ସେମାନେ କେତେ ଜମିରେ ଧାନ ଚାଷ କରିଛନ୍ତି ସେ ସମ୍ପର୍କିତ କାଗଜପତ୍ର ପାକ୍ସଗୁଡ଼ିକରେ ଦାଖଲ କରିଛନ୍ତି । କିନ୍ତୁ ସେଗୁଡିକର ପରିମାଣ ପାକ୍ସରେ ଡିସପ୍ଲେ କରାଯାଇ ନାହିଁ। ପରେ ସାଟେଲାଇଟ୍‌ ସର୍ଭେ କରାଯାଇଛି। ଗତ ବର୍ଷ ଅଖା ପଇସାରେ ବ୍ୟାପକ ଅନିୟମିତତା ହୋଇଥିଲା। ଚଳିତବର୍ଷ ଅନୁରୂପ ପରିସ୍ଥିତି ସୃଷ୍ଟି ହେବ ଆଶଙ୍କା ରହିଛି। କେବଳ ଏତିକି ନୁହେଁ, ନାନା ବାହାନା ଦେଖାଇ ପାକ୍ସଗୁଡିକ ଅଧିକ ଧାନ ନେଇ କମ୍‌ ଦର୍ଶାଉଛନ୍ତି। ଗାଡି ସମସ୍ୟା ମଧ୍ୟ ଚିନ୍ତାର କାରଣ ପାଲଟିଛି ଜିଲାରୁ ବହୁ ପରିମାଣର ଧାନ ଉଠିବାର ଥିବାରୁ ଆଗକୁ ବ୍ୟବସ୍ଥାରେ ସୁଧାର ଅଣା ନ ଗଲେ ପରିସ୍ଥିତି ନିୟନ୍ତ୍ରଣ ବାହାରକୁ ଚାଲିଯିବ। ଶୁକ୍ରବାର ସମସ୍ତ ବ୍ଳକ ଅଞ୍ଚଳରେ ମଣ୍ଡି ଖୋଲିବାକୁ ନିର୍ଦ୍ଦେଶ ସତ୍ତ୍ୱେ ମାତ୍ର ୪ଟି ଖୋଲିଥିବା ସ୍ବାଇଁ କହିଛନ୍ତି।
ଏ ସମ୍ପର୍କରେ ଜିଲା ଯୋଗାଣ ଅଧିକାରୀ (ସିଏସ୍‌ଓ) ସୁଜାତା ମିଶ୍ରଙ୍କୁ ପଚାରିବାରୁ ଚଳିତ ବର୍ଷ ପ୍ରାଥମିକ ପର୍ଯ୍ୟାୟରେ ୧୦ ଲକ୍ଷ ୯ ହଜାର ୯୯୫ କୁଇଣ୍ଟାଲ ଧାନ ସଂଗ୍ରହ ପାଇଁ ଲକ୍ଷ୍ୟ ଧାର୍ଯ୍ୟ କରାଯାଇଛି। ଶୁକ୍ରବାରଠାରୁ ୮ ବ୍ଲକ ଅଞ୍ଚଳ ମୋଟ୍‌ ୧୦୫ ପାକ୍ସ ଓ ୬ ମହିଳା ସ୍ବୟଂ ସହାୟିକା ଗୋଷ୍ଠୀ ଜରିଆରେ ଧାନ କିଣାଯିବାକୁ ନିର୍ଦ୍ଦେଶ ଦିଆଯାଇଛି। ପୁରୁଣାବସନ୍ତରେ ଝୋଟ ଅଖାକୁ ନେଇ ସୃଷ୍ଟି ହୋଇଥିବା ବିବାଦର ସମାଧାନ ହୋଇଛି।


Enter your email to get our daily news in your inbox.

All Right Reserved By Dharitri.Com

କନ୍ଧମାଳରେ ୧୪୪ ଧାରା: ପର୍ଯ୍ୟଟକଙ୍କୁ ଦାରିଙ୍ଗବାଡ଼ି ମନା

ଦାରିଙ୍ଗବାଡି,୧୭।୩(ଡି.ଏନ୍‌.ଏ.): କନ୍ଧମାଳ ଜିଲା ପ୍ରଶାସନ ପକ୍ଷରୁ କରୋନା ଭୂତାଣୁ ବ୍ୟାପିବାକୁ ରୋକିବା ନିମନ୍ତେ ସତର୍କ ରହିବାକୁ ବିଭିନ୍ନ ପଦକ୍ଷେପ ନିଆଯାଇଛି। ମଙ୍ଗଳବାର କନ୍ଧମାଳ ଜିଲାପାଳ ଡ....

ଖୁଦୁରୁକୁଣୀ ପୂଜାରେ ଅଘଟଣ: ଋଷିକୂଲ୍ୟାକୁ ପାଣି ଆଣିବାକୁ ଯାଇ ଭାସିଗଲେ ୫ ବାଳିକା; ୪ ଉଦ୍ଧାର, ଜଣେ ନିଖୋଜ

ଶେରଗଡ଼,୨୫।୮(ଡି.ଏନ୍‌.ଏ): ଗଞ୍ଜାମ ଜିଲା ଶେରଗଡ଼ ବ୍ଲକ ଅନ୍ତର୍ଗତ କାଞ୍ଜିଆମା ଗ୍ରାମ ଦେଇ ବହିଯାଇଥିବା ଋଷିକୂଲ୍ୟା ନଦୀରେ ରବିବାର ସକାଳେ ୫ ବାଳିକା ଭାସି ଯାଇଥିଲେ। ସେମାନଙ୍କ...

ମହିଳାଙ୍କୁ ଗଣବଳାତ୍କାର

କେନ୍ଦୁଝର, ୭ା୬ : କେନ୍ଦୁଝର ଜିଲା ବଡ଼ବିଲ ଥାନା ଅଞ୍ଚଳର ଜଣେ ବିଧବା ମହିଳାଙ୍କୁ ଗାଡ଼ିରେ ଉଠାଇ ନେଇ ଗଣବଳାତ୍କାର କରାଯାଇଥିବା ଅଭିଯୋଗ ହୋଇଛି। ଏହି...

୬ ଦିନ ଧରି ଦଶମ ଶ୍ରେଣୀ ଛାତ୍ରୀଙ୍କ ପତ୍ତା ପାଉନାହାନ୍ତି ପରିବାର ଲୋକେ, ଶେଷରେ ଥାନାର ଦ୍ୱାରସ୍ଥ ହେଲେ

ମାଲକାନଗିରି,୧୯ା୧୨(ଡି.ଏନ୍‌.ଏ.): ରାଜ୍ୟରେ ଶିଶୁ ଅପହରଣ ଏବଂ ହତ୍ୟାକୁ ନେଇ ଆଲୋଡ଼ନ ସୃଷ୍ଟି ହେଉଥିବା ବେଳେ ମାଲକାନଗିରି ଜିଲାରେ ଜଣେ ଦଶମ ଶ୍ରେଣୀ ଛାତ୍ରୀ ଆଜକୁ ୬...

ଏଲାୟନ୍ସ ଏୟାର ବିମାନର ପରୀକ୍ଷାମୂଳକ ଉଡାନ ଆଜି

ଝାରସୁଗୁଡ଼ା ଅଫିସ,୪।୧୧: ଝାରସୁଗୁଡ଼ା ଭିଏସ୍‌ଏସ୍‌ (ବୀର ସୁରେନ୍ଦ୍ର ସାଏ)ବିମାନ ବନ୍ଦର ଦେଇ ଚଳାଚଳ କରୁଥିବା ଏକମାତ୍ର ସ୍ପାଇସଜେଟ ବିମାନ ଯାତ୍ରୀଙ୍କ ଚାହିଦା ମେଣ୍ଟାଇ ପାରୁ ନ...

ସାନ ଭଉଣୀର ମୁଣ୍ଡ ଅଲଗା କରିବା ପରେ ବଡ଼ ଭଉଣୀର ଆତ୍ମହତ୍ୟା

କେନ୍ଦୁଝର,୮।୮(ସ୍ବ.ପ୍ର.): କେନ୍ଦୁଝର ଜିଲା ନୟାକୋଟ ଥାନା ଅଧୀନ ଫୁଲଝର ଗ୍ରାମର ଏକ ବନ୍ଦ ଘରୁ ରବିବାର ସାରେ ଦୁଇ ଭଉଣୀଙ୍କ ମୃତଦେହ ମିଳିଛି। ମୃତ ଦୁଇ...

ଘରୁ ଲୁଟିନେଲେ ୫ଭରି ସୁନା, ୪ଲକ୍ଷ ଟଙ୍କା

ପୁରୀ ଅଫିସ,୪ା୩: କିଛି ଦିନର ନୀରବତା ପରେ ପୁଣି ପୁରୀ ସହରରେ ଆତଙ୍କ ଖେଳାଇଛନ୍ତି ଲୁଟେରା। ୫ଜଣ ମୁଖାଧାରୀ ଦୁର୍ବୃତ୍ତ ଟାଉନ ଥାନା ଅଧୀନ ରାଧାଗୋବିନ୍ଦ...

ଆବାସ ଯୋଜନାରେ ଦୁର୍ନୀତି ମାମଲା: ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ନିଲମ୍ବିତ

ପଦ୍ମପୁର,୮ା୧(ଡି.ଏନ୍‌.ଏ.)- ଭଦ୍ରକ ଜିଲା ବାସୁଦେବପୁର ବ୍ଲକ ରାଜଘରପୋଖରୀ ପଞ୍ଚାୟତର ଆବାସ ଯୋଜନାରେ ବ୍ୟାପକ ଦୁର୍ନୀତି ଘଟଣାରେ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀଙ୍କୁ ଜିଲାପାଳ ଚାକିରିରୁ ନିଲମ୍ବନ କରିଛନ୍ତି।...

Advertisement
Archives

Model This Week