ନୂଆଦିଲ୍ଲୀ,୨୯।୧୨: ଭାରତୀୟ ଦଳ ୨୦୨୬ରେ ନ୍ୟୁଜିଲାଣ୍ଡ ବିପକ୍ଷରେ ପ୍ରଥମ ସିରିଜ ଖେଳିବ। ନ୍ୟୁଜିଲାଣ୍ଡର ଭାରତ ଗସ୍ତ ଜାନୁଆରୀ ୧୧ ରୁ ଜାନୁଆରୀ ୩୧ ପର୍ଯ୍ୟନ୍ତ ଚାଲିବ, ଏହି ସମୟରେ ଦୁଇ ଦଳ ତିନୋଟି ଦିନିକିଆ ଏବଂ ପାଞ୍ଚଟି ଟି୨୦ ମ୍ୟାଚ ଖେଳିବେ। ନ୍ୟୁଜିଲାଣ୍ଡ ବିପକ୍ଷରେ ଟି୨୦ ସିରିଜ ପାଇଁ ଟିମ ଇଣ୍ଡିଆ ଘୋଷଣା କରାଯାଇଛି, କିନ୍ତୁ ଏପର୍ଯ୍ୟନ୍ତ ଦିନିକିଆ ଦଳ ଘୋଷଣା କରାଯାଇ ନାହିଁ। ଦିନିକିଆ ଦଳରେ ସାମିଲ ହେବାର ସମ୍ଭାବନା ଥିବା ଖେଳାଳିଙ୍କ ତାଲିକା ଏଠାରେ ଦିଆଯାଇଛି।
ଓଡିଆଇ ଅଧିନାୟକ ଶୁବମନ ଗିଲ ଦକ୍ଷିଣ ଆଫ୍ରିକା ବିପକ୍ଷରେ ଦ୍ୱିତୀୟ ଟେଷ୍ଟରେ ବେକରେ ଆଘାତ ପାଇଥିଲେ। ଏହି କାରଣରୁ ସେ ଦକ୍ଷିଣ ଆଫ୍ରିକା ବିପକ୍ଷରେ ଦିନିକିଆ ସିରିଜ ଖେଳିପାରି ନଥିଲେ। ତଥାପି, ସେ ନ୍ୟୁଜିଲାଣ୍ଡ ବିପକ୍ଷ ସିରିଜ ପାଇଁ ଫେରିପାରନ୍ତି। ଗିଲଙ୍କ ପ୍ରତ୍ୟାବର୍ତ୍ତନର ଅର୍ଥ ହେବ ଯେ ଦକ୍ଷିଣ ଆଫ୍ରିକା ବିପକ୍ଷରେ ଅପରାଜିତ ୧୧୬ ରନ କରିଥିବା ଯଶସ୍ବୀ ଜୟସ୍ବାଲଙ୍କୁ ଦଳରେ ଚୟନ କରାଯାଇଥିଲେ ମଧ୍ୟ, ସେ ପ୍ଲେଇଂ ଇଲେଭେନରୁ ବାଦ୍ ଦିଆଯିବ।
ରୋହିତ ଶର୍ମା ଏବଂ ବିରାଟ କୋହଲି ସିରିଜ ଖେଳିବା ପ୍ରାୟ ନିଶ୍ଚିତ। ବିଜୟ ହଜାରେ ଟ୍ରଫିରେ ଉଭୟ ନିଜ ନିଜ ଦଳ ପାଇଁ ଶତକ ମାରି ଆସୁଛନ୍ତି। କେଏଲ ରାହୁଲ ଏକଦିବସୀୟ ଦଳରେ ପ୍ରାଥମିକ ପସନ୍ଦର ଉିକେଟ୍କିପର ହେବେ, ଯେତେବେଳେ ବ୍ୟାକଅପ ଉଇକେଟ୍କିପରଙ୍କୁ ନେଇ ପ୍ରଶ୍ନ ଉଠିଛି। ମିଡିଆ ରିପୋର୍ଟ ଅନୁଯାୟୀ, ରିଷଭ ପନ୍ତଙ୍କୁ ଏକଦିବସୀୟ ଦଳରେ ସାମିଲ କରାଯିବ ନାହିଁ, ଏବଂ ଇଶାନ କିଶନଙ୍କୁ ସୁଯୋଗ ଦିଆଯାଇପାରେ। କିଶନଙ୍କୁ ନିକଟରେ ବିସିସିଆଇର ଟି-୨୦ ବିଶ୍ୱକପ ଦଳରେ ସାମିଲ କରାଯାଇଥିଲା।
ନ୍ୟୁଜିଲାଣ୍ଡ ବିପକ୍ଷରେ ଭାରତର ସମ୍ଭାବ୍ୟ ଦଳ: ଶୁଭମାନ ଗିଲ (ଅଧିନାୟକ), ରୋହିତ ଶର୍ମା, ଯଶସ୍ବୀ ଜୟସ୍ବାଲ, ବିରାଟ କୋହଲି, ଋତୁରାଜ ଗାଏକ୍ୱାଡ, ଶ୍ରେୟସ ଆୟର, କେ.ଏଲ ରାହୁଲ (ଉଇକେଟ୍ କିପର), ଇଶାନ କିଶନ (ଉଇକେଟ୍ କିପର), ରବିନ୍ଦ୍ର ଜାଡେଜା, ୱାଶିଂଟନ ସୁନ୍ଦର, କୁଲଦୀପ ଯାଦବ, ହର୍ଷିତ ରାଣା, ପ୍ରସିଦ୍ଧ କୃଷ୍ଣା।
