Advertisement

ସରକାରୀ ଫାର୍ମରେ ବେସରକାରୀ କାରବାର

ଜଗତ୍‌ସିଂହପୁର ଅଫିସ, ୧୪ା୧୧: ତିର୍ତ୍ତୋଲ ଚେରିତୋଳସ୍ଥିତ ଉଦ୍ୟାନ କୃଷି ବିଭାଗର ଶାରଳା ବାମନ ନଡ଼ିଆ ଫାର୍ମରେ ବେସରକାରୀ କାରବାର ଚାଲିଥିବା ଗୁରୁତର ଅଭିଯୋଗ ହେଉଛି। ନର୍ସରୀରେ କେବଳ ସରକାରୀ ଡେଙ୍ଗା ନଡ଼ିଆ ସାଙ୍ଗକୁ ଅନ୍ୟାନ୍ୟ ଫୁଲ ଓ ଫଳଚାରା ଚାଷୀଙ୍କୁ ଦିଆଯିବା ବ୍ୟବସ୍ଥା ଅଛି। କିନ୍ତୁ ବିଭିନ୍ନ ପ୍ରକାର ବାମନ ନଡିଆ ଚାରା ଅବାଧରେ ବିକ୍ରି ହେଉଛି। ସେହିପରି ହାଇବ୍ରିଡ୍‌ ଫୁଲ ଓ ଫଳ ମଧ୍ୟ ବିକ୍ରି କରାଯାଉଛି। ଏହା ଉପରେ ଜିଲାପାଳ, ଉଦ୍ୟାନ କୃଷି ନିର୍ଦ୍ଦେଶକ ଓ କୃଷି ସଚିବ ଦୃଷ୍ଟି ଦେବାକୁ ଦାବି ହୋଇଛି।
ସ୍ଥାନୀୟ ଲୋକଙ୍କ ଅଭିଯୋଗ ଅନୁଯାୟୀ, ସରକାରୀ ଭାବେ ଡେଙ୍ଗା ନଡିଆ ଚାରା ଗୋଟା ୬୪ ଟଙ୍କାରେ ବିକ୍ରି ହେବା ବ୍ୟବସ୍ଥା ଅଛି। କିନ୍ତୁ ଶାରଳା ବାମନ ନଡ଼ିଆ ଫାର୍ମରେ ଅରେଞ୍ଜ ଓ ମାଲେସିଆ ଭେରାଇଟିର ନଡିଆ ଚାରା ମଧ୍ୟ ଖୁଲମଖୁଲା ବିକ୍ରି ଚାଲିଛି। ଏ ସମ୍ପର୍କରେ ଜଣେ ବ୍ୟକ୍ତିଙ୍କ ଅଭିଯୋଗ ହେଲା ବାମନ ନଡ଼ିଆ ଅର୍ଥାତ୍‌ ଅରେଞ୍ଜ ଚାରା ଗୋଟା ୪୦୦ ଓ ମାଲେସିଆ ଭେରାଇଟିର ଦାମ୍‌ ୫୦୦ ଟଙ୍କାରେ ବିକ୍ରି ଚାଲିଛି। ନିକଟରେ ଏକ ଟ୍ରକ୍‌ ବାମନ ନଡ଼ିଆ ଓ ଉନ୍ନତ ମାନର ଗୁଆ, ଲେମ୍ବୁ, ହାଇବ୍ରିଡ୍‌ ଫୁଲ ଚାରା ବାହାର ରାଜ୍ୟରୁ ଆସିଥିଲା। ଫାର୍ମରେ ଏଗୁଡିକୁ କିଣିବା ପାଇଁ ଲମ୍ବା ଧାଡି ଲାଗିଥିଲା। ସରକାରୀ ଭାବେ ବିକ୍ରି ହେଉଥିବା ଲେମ୍ବୁ ଦର ୧୦, ଅମୃତ ଭଣ୍ଡା ୭, ସଜନା ୭ ଓ ଆମ୍ବ ୩୩ ଟଙ୍କା ଥିବାବେଳେ ଏଗୁଡିକ ବିକ୍ରି ପରିବର୍ତ୍ତେ ବାମନ ଓ ହାଇବ୍ରିଡ୍‌ ନଡ଼ିଆ ଚାରା ଉପରେ ବିଶେଷ ଧ୍ୟାନ ଦିଆଯାଉଛି। ଏପରିକି ଡେଙ୍ଗା ନଡ଼ିଆ ବିକ୍ରି ଉପରେ ମଧ୍ୟ ଗୁରୁତ୍ୱ ଦିଆଯାଉ ନାହିଁ। ବାମନ ନଡ଼ିଆ ଚାରା କେଉଁଠୁ ଆସିଛି ପଚାରିବାରୁ ଏହା କଲିକତାରୁ ଆସିଥିଲା ବୋଲି ଚାରା ବିକୁଥିବା କାଳିଆ ଦାସ ସୂଚନା ଦେଇଛନ୍ତି। ସେ କହିଥିଲେ, କଲିକତାର ଯେଉଁ ଫାର୍ମରୁ ସରକାରୀ ଚାରା ଆସେ ସେ ସ୍ଥାନରୁ ଏହି ନଡ଼ିଆ ଓ ହାଇବ୍ରିଡ୍‌ ଫୁଲ ଆଦି କିଣାଯାଇଥାଏ। ଯେହେତୁ ସରକାରୀ ଖର୍ଚ୍ଚରେ ଗାଡି ଆସିଥାଏ, ତେଣୁ ସେଥିରେ ଏହି ଚାରା ନେଇ ଆସିଲେ ବିଶେଷ ଖର୍ଚ୍ଚ ପଡେ ନାହିଁ । ସବୁବେଳେ ବାମନ ନଡ଼ିଆ କିମ୍ବା ହାଇବ୍ରିଡ୍‌ ଫୁଲ, ଗୁଆ ଆଦି ଆସି ନ ଥାଏ। ଲୋକେ ଆବଶ୍ୟକ କଲେ ବାହାରୁ ମଗାଯିବା ପାଇଁ ବ୍ୟବସ୍ଥା କରାଯାଏ। ହେଲେ ବିଲ୍‌ ଦେବା ଉପରେ କହିଥିଲେ, ଏବେ ଏହା ଦେଇହେବ ନାହିଁ। କେବଳ ରଥ ବେଳେ ଅର୍ଥାତ୍‌ ଜୁଲାଇରେ ପ୍ଲାଣ୍ଟେସନ୍‌ ସମୟରେ ବିଲ୍‌ ମାଗିଲେ ଦିଆଯିବା ବ୍ୟବସ୍ଥା କରାଯିବ। ଏଥିରୁ ସ୍ପଷ୍ଟ ଯେ ବିନା ବିଲ୍‌ରେ ନଡ଼ିଆ ଚାରା ଦିଆଯାଉଥିବାରୁ ତା’ଉପରେ କୌଣସି ସମୟରେ କେହି ଅଭିଯୋଗ କରିପାରିବେ ନାହିଁ। ବାମନ ନଡିଆ ଲଗାଇବାର ସାଢେ ୩ ବର୍ଷ ପରେ ଫଳ ଫଳିବା କୁହାଯାଉଛି। ଯଦି ଏହି ଚାରା ମାଡ ଖାଇଯିବ ତେବେ ଚାଷୀ କେଉଁଠିକୁ ଯିବେ ବୋଲି ପ୍ରଶ୍ନବାଚୀ ସୃଷ୍ଟି ହୋଇଛି। ଅନ୍ୟପଟେ ଯେହେତୁ ସରକାରୀ ଫାର୍ମରେ ବେଆଇନ ଭାବେ ବାମନ ନଡିଆ ବିକ୍ରି ହେଉଛି ତେଣୁ ବିଲ୍‌ ଦେବା ସମ୍ଭବ ହେଉ ନ ଥିବାରୁ ଏଭଳି କୁହାଯାଉଛି।
ଏ ସମ୍ପର୍କରେ କାଳିଆ କହିଛନ୍ତି, ବର୍ଷକରେ ଥରେ କେବଳ ଜୁଲାଇ ମାସରେ ୨୦୦/୩୦୦ ବାମନ ନଡ଼ିଆ ଚାରା କଲିକତାରୁ କିଣାଯାଇଥାଏ। କେବଳ ନଡ଼ିଆ ନୁହେଁ, ହାଇବ୍ରିଡ୍‌ ଫୁଲ ଓ ଅନ୍ୟ ଉନ୍ନତ ମାନର ଫଳ ଚାରା ବାହାରୁ କିଣାଯାଇ ବିକ୍ରି କରାଯାଉଛି। ଏହା ନେବା ପାଇଁ ଲୋକେ ଆଗୁଆ ବରାଦ କରିଥାନ୍ତି। ଅନ୍ୟ କେତେଜଣ କହିଛନ୍ତି, ଏସବୁ ଭେରାଇଟିର ହାଇବ୍ରିଡ୍‌ ଫୁଲ ଓ ଫଳ ଚାରା ଆନ୍ଧ୍ର, କଲିକତା ଓ ରାଞ୍ଚତ୍ ଆଦିରୁ ବିଭିନ୍ନ ସମୟରେ ଆସୁଛି। ସରକାରଙ୍କ ତରଫରୁ କିଛି ଚାରା ମାଗଣା ଦିଆଯିବା ବ୍ୟବସ୍ଥା ଥିଲେ ସୁଦ୍ଧା ତାହା ଦିଆଯାଉନାହିଁ। ଲାଭ ଆଶାରେ ବାହାର ରାଜ୍ୟରୁ ଆସୁଥିବା ଚାରା ବିକ୍ରି ଉପରେ ଧ୍ୟାନ ଦିଆଯାଉଛି। ଏହି ନର୍ସରୀରେ ଅନେକ ପ୍ରକାରର ଚାରା ଉତ୍ପାଦନ ପାଇଁ ସରକାରୀ ଅନୁଦାନ ଆସୁଛି, କିନ୍ତୁ ଅର୍ଥ ବାଟମାରଣା ହେଉଛି । ତିର୍ତ୍ତୋଲ ଚେରିତୋଳ ବାଲିଯାତ୍ରାରେ ଷ୍ଟଲ ପାଇଁ ୭୫ ହଜାର ଟଙ୍କା ଖର୍ଚ୍ଚ ବରାଦ ହୋଇଛି । କିନ୍ତୁ ବାସ୍ତବରେ ୧୫/୨୦ ହଜାର ଟଙ୍କା ଭିତରେ ଖର୍ଚ୍ଚ କରି ଅବଶିଷ୍ଟ ଆତ୍ମସାତ୍‌ ପାଇଁ ଉଦ୍ୟମ ହୋଇଛି। ସରକାରୀ ଫାର୍ମରେ ବିଭାଗୀୟ ସହକାରୀ ଉଦ୍ୟାନ କୃଷି ଅଧିକାରୀ ଏବଂ ଓଭରସିୟରଙ୍କ ସଲାସୁତୁରାରେ ଏଭଳି ବେଆଇନ କାରବାର ଚାଲିଥିବା ନେଇ ସାଧାରଣରେ ଅଭିଯୋଗ ହୋଇଛି।
ଏ ସମ୍ପର୍କରେ ଓଭରସିୟର ଦୀପକ ରଞ୍ଜନ ପାଇକରାୟଙ୍କୁ ପଚାରିବାରୁ ବିଭାଗ ପକ୍ଷରୁ ବାମନ ନଡ଼ିଆ ବିକ୍ରି ହେଉ ନାହିଁ। ବ୍ୟକ୍ତିଗତ ଭାବେ ଚାହିଁଲେ ମଗାଇ ହେବ ବୋଲି କହିଥିଲେ। ତିର୍ତ୍ତୋଲ ସହକାରୀ ଉଦ୍ୟାନ କୃଷି ଅଧିକାରୀ ଶ୍ୱେତପଦ୍ମା ଭୋଇ କହିଛନ୍ତି, ଯେଉଁମାନେ ବାମନ ନଡିଆ ଆଦି ଚାହାନ୍ତି ସେମାନଙ୍କୁ ଓଭରସିୟର ପାଇକରାୟ ବାବୁ ଦେବା ପାଇଁ ବ୍ୟବସ୍ଥା କରିଥାନ୍ତି। କିନ୍ତୁ ଫାର୍ମରେ ବାମନ ନଡିଆ ବିକ୍ରି ହେଉନାହିଁ ବୋଲି ଭୋଇ କହିଛନ୍ତି । ଏହା ଉପରେ ବିଧିବଦ୍ଧ ତଦନ୍ତ କରାଗଲେ ସତ୍ୟାସତ୍ୟ ପଦାକୁ ଆସିବ ବୋଲି ଚର୍ଚ୍ଚା ହେଉଛି ।


Enter your email to get our daily news in your inbox.

All Right Reserved By Dharitri.Com

ପାଣିଘେରରେ ବସ୍ତା ଥାନା,କୋର୍ଟ

ରୂପ୍‌ସା/ବସ୍ତା,୨୩ା୯(ଡି.ଏନ.ଏ.):  ଲଗାଣ ବର୍ଷା ଯୋଗୁ ବାଲେଶ୍ୱର ଜିଲା ଜଳକା ନଦୀରେ ବନ୍ୟା ସ୍ଥିତି ଗମ୍ଭୀର ହୋଇପଡ଼ିଛି। ବସ୍ତା ବ୍ଲକର ୧୩ ଓ ସଦର ବ୍ଲକର ୨ଟି...

ମହିଳାଙ୍କୁ ଅଶାଳୀନ ଇଙ୍ଗିତ, ଯୁବକ କୋର୍ଟ ଚାଲାଣ

ରସୁଲପୁର,୨୨।୪(ଡିଏନଏ): ରସୁଲପୁର ବ୍ଲକ ଓଡ଼ିଶୋ ପଞ୍ଚାୟତ ଅରତିଆ-କୁସୁନପୁର ଗ୍ରାମରେ ହରିହର ମଳିକ ନାମକ ଜଣେ ଯୁବକ ସେହି ଗ୍ରାମର ଜଣେ ମହିଳାଙ୍କୁ ଅଶାଳୀନ ଇଙ୍ଗିତ ପ୍ରଦର୍ଶନ...

ଉପଜିଲାପାଳଙ୍କ ପାଖରେ ଫେରାଦ ହେଲେ ଚାଷୀ: ଧାନ କିଣୁନାହାନ୍ତି ମିଲର, ନଷ୍ଟ ହେଉଛି ଟୋକନ

ପୁରୁଷୋତ୍ତମପୁର,୨୮।୨(ଡି.ଏନ୍‌.ଏ.): ଗଞ୍ଜାମ ଜିଲା ପୁରୁଷୋତ୍ତମପୁର ବ୍ଲକର ବିଭିନ୍ନ ଗ୍ରାମରେ ଚାଷୀଙ୍କ ଧାନକୁ ମିଲର ଓ ସମବାୟ ସମିତି କିଣୁ ନ ଥିବା ଅଭିଯୋଗ ହୋଇଛି। ଏ...

ସଙ୍ଗରୋଧ ଗୃହରୁ ଫେରିଲେ ୧୬ ଶ୍ରମିକ

ଟିକିରି,୨୯ା୪: ରାୟଗଡ଼ା ଜିଲା କାଶିପୁର ବ୍ଲକ୍‌ ଟିକିରି ହାଇସ୍କୁଲସ୍ଥିତ ସଙ୍ଗରୋଧ କେନ୍ଦ୍ରରେ ଥିବା ୧୬ ଶ୍ରମିକ ମଙ୍ଗଳବାର ଫେରିଛନ୍ତି। ପ୍ରକାଶ ଯେ, ମାର୍ଚ୍ଚ ୨୯ ରେ...

ଆଜି କାତିଖର୍ପର ବେଶରେ ଦର୍ଶନ ଦେବେ ମା’ ମଙ୍ଗଳା

କାକଟପୁର,୩।୧୦(ଡି.ଏନ୍‌.ଏ.): ପୁରୀ ଜିଲା କାକଟପୁରସ୍ଥିତ ମା’ ମଙ୍ଗଳାଙ୍କ ମନ୍ଦିରରେ ଆଶ୍ୱିନ ମୂଳାଷ୍ଟମୀ ତିଥିଠାରୁ ଆରମ୍ଭ ହୋଇଛି ଶାରଦୀୟ ପାର୍ବଣ ପୂଜା। ଗୁରୁବାର ଶୁକ୍ଳ ଷଷ୍ଠୀ ତିଥି...

ସରକାରୀ ସହାୟତାରୁ ବଞ୍ଚିତ ଦିବ୍ୟାଙ୍ଗ ଛାତ୍ରୀ

ବନ୍ତ, ୨୭।୧୦(ଡି.ଏନ୍‌.ଏ.)-ଭିନ୍ନକ୍ଷମ ପ୍ରମାଣପତ୍ରରେ ତଥ୍ୟଗତ ତ୍ରୁଟି ରହିବା ଯୋଗୁ ଭଦ୍ରକ ଜିଲା ବନ୍ତ ବ୍ଲକ ନିଳୋକ ଗ୍ରାମର ସୁରେଶ ଚନ୍ଦ୍ର ଦ୍ୱିବେଦୀଙ୍କ ଝିଅ ବର୍ଷାରାଣୀ(୧୩) ସରକାରୀ...

ଆମ୍ବରେ ଜହର

କେନ୍ଦ୍ରାପଡ଼ା ଅଫିସ, ୧୬। ୪: ଖରାର ପ୍ରକୋପ ବଢ଼ିଲାଣି। ପାଚିଲା ଆମ୍ବ ବଜାରକୁ ଆସିଲାଣି। ଗାଁଠାରୁ ସହର ପର୍ଯ୍ୟନ୍ତ ସବୁଠି ଏବେ ଆମ୍ବର ପସରା। ବିଭିନ୍ନ...

ବାଘ ଶିକାରୀଙ୍କୁ ବାନ୍ଧିଲା ଏସ୍‌ଟିଏଫ୍‌

ଭୁବନେଶ୍ୱର(ବ୍ୟୁରୋ)/ବାଉଁଶୁଣୀ (ଡି.ଏନ୍‌.ଏ),୨୨ା୭(ବ୍ୟୁରୋ): ରାଜ୍ୟରେ ଥମୁନି ବାଘ ଶିକାର। ବିଲୁପ୍ତ ପ୍ରାୟ ହେବାକୁ ବସିଲାଣି ବାଘବଂଶ। ବାଘଙ୍କୁ ସୁରକ୍ଷା ତଥା ଶିକାର ରୋକିବା ଦିଗରେ ବନ ବିଭାଗ...

Advertisement
Archives

Model This Week