ନୂଆଦିଲ୍ଲୀ,୧୭।୭ : ପ୍ରତିରକ୍ଷା ଅଧିଗ୍ରହଣ ପ୍ରକ୍ରିୟା (ଡିଏପି)ର ମାନୁଆଲରେ ପରିବର୍ତ୍ତନ ଆଣିବାକୁ ପ୍ରତିରକ୍ଷା ମନ୍ତ୍ରଣାଳୟ ନିଷ୍ପତ୍ତି ନେଇଛି। ଏହା ଅନ୍ତର୍ଗତ ଘରୋଇ କମ୍ପାନୀଗୁଡ଼ିକ ଭାରତୀୟ ସେନାଙ୍କ ପାଇଁ ଆବଶ୍ୟକ ଅସ୍ତ୍ରଶସ୍ତ୍ର ତିଆରି କରିବାକୁ ମଧ୍ୟ ଅନୁମତି ଦିଆଯିବ। ଏହା ସାମରିକ ହାର୍ଡୱେର୍ କ୍ଷେତ୍ରରେ ଆତ୍ମନିର୍ଭର ଭାରତ ଗଠନ ଲକ୍ଷ୍ୟ ହାସଲ ବେଶ୍ ସହଜ ହୋଇ ପାରିବ।
ସାଉଥ ବ୍ଲକ ଅଧିକାରୀଙ୍କ ଅନୁଯାୟୀ, ଭାରତୀୟ ମଲ୍ଟି ରୋଲ ହେଲିକପ୍ଟର (ଆଇଏମଆରଏଚ)ର ବିକାଶ ତଥା ନିର୍ମାଣ କରାଯିବ, ଯାହା ରୁଷିଆରେ ନିର୍ମିତ ହେଉଥିବା ସମସ୍ତ ଏମଆଇ-୧୭ ଏବଂ ଏମଆଇ-୮ ହେଲିକପ୍ଟରର ସ୍ଥାନ ଗ୍ରହଣ କରିବାକୁ ସକ୍ଷମ ହେବ। ଏସବୁକୁ ଭାରତୀୟ ସେନାରେ ସାମିଲ କରାଯିବ। ଆଇଏମଆରଏଚର ଓଜନ ୧୩ ଟନ ହେବ। ଏହା ଭାରତୀୟ ସେନାକୁ ଆକାଶ ମାର୍ଗ ଆକ୍ରମଣ,ଆଣ୍ଟି-ବୁଡ଼ାଜାହାଜ ଆକ୍ରମଣ, ଜାହାଜ ରୋଧୀ ଆକ୍ରମଣ, ସାମରିକ ପରିବହନ ଏବଂ ଭିଭିଆଇପିଙ୍କ ସେବାରେ ନିୟୋଜିତ କରାଯିବ। ଭାରତୀୟ ବେସରକାରୀ କ୍ଷେତ୍ର କମ୍ପାନୀଗୁଡିକ ଏହି ପ୍ରକଳ୍ପରେ ଅଂଶଗ୍ରହଣ କରିବାକୁ ଆଗ୍ରହ ପ୍ରକାଶ କରିସାରିଛନ୍ତି ଏବଂ ପ୍ରତିରକ୍ଷା ମନ୍ତ୍ରଣାଳୟ ସେମାନଙ୍କୁ ଆସନ୍ତା ସାତ ବର୍ଷ ମଧ୍ୟରେ ଉତ୍ପାଦନ ଆରମ୍ଭ କରିବାକୁ କହିଛନ୍ତି। ଫ୍ରାନ୍ସସିସ୍ ସଫ୍ରାନ ୮ ଜୁଲାଇ ୨୦୨୨ରେ ଭାରତୀୟ ଏଚଏଲଏ ସହିତ ଚୁକ୍ତି ପତ୍ର ସ୍ବାକ୍ଷର କରିଛି। ଏହା ଅନ୍ତର୍ଗତ ଭାରତୀୟ ନୌସେନା ପାଇଁ ବିଭିନ୍ନ ଭାରିଆଣ୍ଟ୍ ସହିତ ଆଇଏମଆରଏଚ ଇଞ୍ଜିନର ବିକାଶ, ଉତ୍ପାଦନ ଏବଂ ସହାୟତା ପାଇଁ ଏକ ନୂତନ ମିଳିତ ଉଦ୍ୟୋଗ କମ୍ପାନୀ ଗଠନ କରାଯାଇ ପାରିବ। ଅଧିକାରୀଙ୍କ କହିବାନୁସାରେ, ବେସରକାରୀ କ୍ଷେତ୍ର କମ୍ପାନୀମାନଙ୍କୁ ମଧ୍ୟ ସେମାନଙ୍କ ଉତ୍ପାଦନର ୨୫ ପ୍ରତିଶତ ତୃତୀୟ ଦେଶକୁ ରପ୍ତାନି କରିବାକୁ ଏବଂ ଦେଶ ପାଇଁ ବୈଦେଶିକ ମୁଦ୍ରା ବୃଦ୍ଧି କରିବାକୁ ଅନୁମତି ଦିଆଯିବ।
ଭାରତୀୟ ସଶସ୍ତ୍ର ବାହିନୀକୁ ବିକଶିତ ଆଇଏମଆରଏଚ କ୍ରୟ କରିବାକୁ କୁହାଯାଇଛି ଯାହା ଆସନ୍ତା ସାତ ବର୍ଷ ମଧ୍ୟରେ କାର୍ଯ୍ୟକାରୀ ହେବ ବୋଲି ଯୋଜନା କରାଯାଇଛି। ବେସରକାରୀ କ୍ଷେତ୍ରର କମ୍ପାନୀଗୁଡିକ ମଧ୍ୟ ପ୍ରତିରକ୍ଷା ମନ୍ତ୍ରଣାଳୟରୁ ଏକ ଆଶ୍ୱାସନା ଦେଇଛନ୍ତି ଯେ ଯଦି ଆସନ୍ତା ପାଞ୍ଚ ବର୍ଷ ମଧ୍ୟରେ ଏହି ଉତ୍ପାଦନ ନ ହୁଏ ତେବେ ଭାରତୀୟ ସଶସ୍ତ୍ର ବାହିନୀ ହେଲିକପ୍ଟର ବାହାରୁ କିଣିବ।
ବେସରକାରୀ କ୍ଷେତ୍ରକୁ ୫୧ ପ୍ରତିଶତ ଅଂଶଧନ ହାସଲ କରିବାକୁ ଏବଂ ଭାରତୀୟ ପିଏସୟୁ ସହିତ ଜଏଣ୍ଟ ଭେଞ୍ଚର ଗଠନ କରିବାକୁ ଅନୁମତି ଦେବାକୁ ନିଷ୍ପତ୍ତି ନିଆଯାଇଛି। କାରଣ ପିଏସ୍ୟୁ ଗୁଡିକ ଧାର୍ଯ୍ୟ ସମୟ ମଧ୍ୟରେ ବିତରଣ କରିବାକୁ ସକ୍ଷମ ନଥିଲେ, ଯାହାଦ୍ୱାରା ଖର୍ଚ୍ଚ ବୃଦ୍ଧି ଘଟିବାରେ ଲାଗିଥିଲା। ଏହି ବିଳମ୍ବ ଯୋଗୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାରଙ୍କ ପାଇଁ ଟେଣ୍ଡର କିମ୍ବା ସରକାରୀ-ରୁ-ସରକାରୀ ମାର୍ଗ ଦେଇ ଅନ୍ୟ ଦେଶରୁ ଆବଶ୍ୟକ ମେସିନ କିଣିବା ଛଡା ଅନ୍ୟ କୌଣସି ବିକଳ୍ପ ନଥିଲା।
