ନୂଆଦିଲ୍ଲୀ,୯/୨: ଭାରତୀୟ କ୍ରିକେଟ୍ ଦଳର ଓପନର୍ ପୃଥ୍ୱୀ ଶ’ ଦୀର୍ଘଦିନ ପରେ ଦୃଢ଼ ପ୍ରତ୍ୟାବର୍ତ୍ତନ କରିଛନ୍ତି। ଆଘାତ ହେତୁ ୬ ମାସ କ୍ରିକେଟ୍ ଠାରୁ ଦୂରରେ ରହିଥିବା ଏହି ଡାହାଣହାତୀ ଓପନିଂ ବ୍ୟାଟ୍ସମ୍ୟାନ୍ ରଣଜୀ ଟ୍ରଫି ମାଧ୍ୟମରେ କ୍ରିକେଟକୁ ଫେରିଛନ୍ତି। ପୃଥ୍ୱୀ ରଣଜୀ ଟ୍ରଫି ୨୦୨୪ ରେ ମୁମ୍ବାଇ ପାଇଁ ଖେଳୁଛନ୍ତି। ଅବଶ୍ୟ ପ୍ରୀତି ବେଙ୍ଗଲ ବିପକ୍ଷରେ ୩୫ ରନ୍ ସ୍କୋର କରିଥିଲେ କିନ୍ତୁ ଛତିଶଗଡ ବିପକ୍ଷରେ ସେ ଏକ ଚମତ୍କାର ଶତକ ହାସଲ କରିଛନ୍ତି। ପୃଥ୍ୱୀଙ୍କ ଶତକ ବଳରେ ମୁମ୍ବାଇ ଛତିଶଗଡ ବିପକ୍ଷରେ ଭଲ ଆରମ୍ଭ କରିଛି।
୨୪ ବର୍ଷୀୟ ପୃଥ୍ୱୀ ଶାହିଦ୍ ଭୀର ନାରାୟଣ ସିଂ ଷ୍ଟାଡିୟମରେ ରଣଜୀ ଟ୍ରଫି ୨୦୨୪ ଅଧୀନରେ ଖେଳାଯାଉଥିବା ମୁମ୍ବାଇ ବନାମ ଛତିଶଗଡ ମ୍ୟାଚରେ ୧୦୨ ବଲରେ ଶତକ ପୂରଣ କରିଥିଲେ। ସେ ୧୩ ଚୌକା ଓ ୨ ଛକା ମାରିଥିଲେ। ୮୦ ଇନିଂସରେ ଏହା ପୃଥ୍ୱୀ ତାଙ୍କର୧୩ ତମ ପ୍ରଥମ ଶ୍ରେଣୀ ଶତକ। ସେ ୪୩ ଟି ବଲରେ ନିଜର ଅର୍ଦ୍ଧଶତକ ପୂରଣ କରିଥିଲେ। ଖବର ଲେଖାହେଲା ବେଳକୁ ୧୮୩ ବଲରେ ପୃଥ୍ୱୀ ୧୫୮ ରନ୍ କରି ଅପରାଜିତ ରହିଛନ୍ତି। ପ୍ରଥମ ଇନିଂସରେ ମୁମ୍ବାଇ କୌଣସି ୱିକେଟ୍ ନ ହରାଇ ୬୦ଓଭରରେ ୨୪୨ ରନ୍ ସଂଗ୍ରହ କରିଛି।
ଗତ ବର୍ଷ ଅଗଷ୍ଟରେ ଇଂଲଣ୍ଡରେ କାଉଣ୍ଟି କ୍ରିକେଟ୍ ଖେଳିବାବେଳେ ପୃଥ୍ୱୀ ଶ’ ଆହତ ହୋଇଥିଲେ। ନର୍ଥମ୍ପଟାୟଶାୟାର ବିପକ୍ଷରେ ରୟାଲ ଲଣ୍ଡନ ୱାନ ଡେ କପରେ ସେ ଏହି ଆଘାତ ପାଇଥିଲେ। ଏହା ପରେ ତାଙ୍କୁ ଅସ୍ତ୍ରୋପଚାର କରିବାକୁ ପଡିଲା। ୨୦୧୮ ରେ ଆନ୍ତର୍ଜାତୀୟ ସ୍ତରରେ ଡେବ୍ୟୁ କରିଥିବା ପୃଥ୍ୱୀ ୫ ଟି ଟେଷ୍ଟ, ୬ ଟି ଦିନିକିଆ ଏବଂ ଗୋଟିଏ ଅନ୍ତର୍ଜାତୀୟ ଟି -୨୦ ମ୍ୟାଚ୍ ମ୍ୟାଚ୍ ଖେଳିଛନ୍ତି।
