ପୁରୁଷୋତ୍ତମପୁର,୨୨ା୨(ସବିତା ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁରରେ ରୋଗୀଙ୍କୁ ସ୍ବଳ୍ପ ମୂଲ୍ୟରେ ବିଭିନ୍ନ ଔଷଧ ଯୋଗାଇଦେବା ଲକ୍ଷ୍ୟରେ ପ୍ରଧାନମନ୍ତ୍ରୀ ଜନୌଷଧି କେନ୍ଦ୍ରକୁ ରବିବାର ଆସିକା ଏମ୍ପି ଅନିତା ଶୁଭଦର୍ଶନୀ ଉତ୍ସର୍ଗିକରଣ କରିଛନ୍ତି। ଏହି ଅବସରରେ ଏପି କେନ୍ଦ୍ରରେ ମହଜୁଦ ରହିଥିବା ଔଷଧ ମାନର ତଦାରହକୁ ଦେଖି ଖୁସି ପ୍ରକଟ କରି ଏହା ପ୍ରଧାନମନ୍ତ୍ରୀଙ୍କ ଏକ ଗରିବ କଲ୍ୟାଣ ଯୋଜନା। ଏହି କେନ୍ଦ୍ର ଗରିବଶ୍ରେଣୀର ଲୋକଙ୍କ ସେବାରେ ଆସିବ। ଅର୍ଥ ଅଭାବରୁ ଗରିବ ଶ୍ରେଣୀର ଲୋକମାନେ ଔଷଧ ପାଇବାରୁ ବଞ୍ଚିତ ହେଉଥିବା ବେଳେ ବର୍ତ୍ତମାନ ସେହି ସମସ୍ୟା ଦୂରହେବ ବୋଲି କହିଛନ୍ତି। ଏଥିରେ ଏମ୍ପିଙ୍କ ପ୍ରତିନିଧି ଜୟନାରାୟଣ ଦାଶ, ଭାଜପା ଜିଲାସଭାପତି ବିଜୟ କୁମାର ସ୍ବାଇଁ, ସମ୍ପାଦକ ଅନିଲ କୁମାର ପଣ୍ଡା,ସୀତାରାମ ପାଣିଗ୍ରାହୀ, ପ୍ରଶାନ୍ତ ରାଉଳ ପ୍ରମୁଖ ଯୋଗଦେଇଥିବା ବେଳେ କେନ୍ଦ୍ର ପରିଚାଳିକା ତନ୍ମୟୀ ଦାଶ ଉପସ୍ଥିତ ଥିଲେ।
