ନୂଆଦିଲ୍ଲୀ,୧୫ ।୯: ତାସକନ୍ଦର ସମରକନ୍ଦରେ ଆୟୋଜିତ ସାଂଘାଇ ସହଯୋଗ ସଙ୍ଗଠନ ଶିଖର ସମ୍ମିଳନୀ ୨୦୨୨ରେ ସାମିଲ ହେବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ତାଙ୍କର ଯାତ୍ରା ଆରମ୍ଭ କରିବେ । ସେଠାରେ ସେ ରୁଷିଆ ରାଷ୍ଟ୍ରପତି ପୁଟିନ, ଚାଇନା ରାଷ୍ଟ୍ରପତି ସି ଜିନପିଙ୍ଗ, ଇରାନ ରାଷ୍ଟ୍ରପତି ଓ ପାକିସ୍ତାନର ପ୍ରଧାନମନ୍ତ୍ରୀଙ୍କୁ ସାକ୍ଷାତ୍ କରିପାରନ୍ତି । ତେବେ ପ୍ରଧାନମନ୍ତ୍ରୀଙ୍କ ସହ ଅନ୍ୟ ନେତାମାନଙ୍କର ସାକ୍ଷାତକାରକୁ ନେଇ ବି ଆଲୋଚନା ହେଉଛି । ହେଲେ ଏପର୍ଯ୍ୟନ୍ତ ଏ ସମ୍ପର୍କରେ ଅଫିସିୟାଲି କୌଣସି ସୂଚନା ଦିଆଯାଇ ନାହିଁ । କୁହାଯାଉଛି କି ମୋଦି ଗୁରୁବାର ଦ୍ୱିପ୍ରହରରେ ତାଙ୍କର ଯାତ୍ରା ଆରମ୍ଭ କରି ସେଠାରେ ସନ୍ଧ୍ୟାରେ ପହଞ୍ଚିବେ । ପ୍ରଧାନମନ୍ତ୍ରୀଙ୍କ ଏହି ଗସ୍ତକୁ ନେଇ ସମସ୍ତ ବିବରଣୀ ଦେବାକୁ ବୈଦେଶିକ ସଚିବ ବିନୟ ମୋହନ କ୍ୱାତ୍ରାଙ୍କ ପକ୍ଷରୁ ଏକ ପ୍ରେସ କନଫରେନ୍ସର ଆୟୋଜନ କରାଯିବ । ସକାଳ ୧୧ଟାରେ ଏହି ଆୟୋଜନ କରାଯିବ ।
ଆସନ୍ତା କାଲି ଅର୍ଥାତ୍ ୧୬ ସେପ୍ଟେମ୍ବର ଶୁକ୍ରବାର ସବୁଠାରୁ ଗୁରୁତ୍ୱପୂର୍ଣ୍ଣ ଦିନ ହେବ । ସର୍ବପ୍ରଥମେ ନେତାମାନଙ୍କର ଗ୍ରୁପ ଫଟୋ ନିଆଯିବ । ପ୍ରଥମଥର ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନ, ଚାଇନା ରାଷ୍ଟ୍ରପତି ସି ଜିନପିଙ୍ଗ ଓ ପାକିସ୍ତାନ ପ୍ରଧାନମନ୍ତ୍ରୀ ଶାହବାଜ ଶରିଫଙ୍କ ସହ ଅନ୍ୟ ନେତାମାନେ ଏକାଠି ହେବେ । ଏହାବି ଅନୁମାନ କରାଯାଉଛି କି ଔପଚାରିକ ଫଟୋ ପରେ ନେତାମାନେ ସେମାନଙ୍କର ସିମିତ ଅଧିକାରୀଙ୍କ ସହ ରେଷ୍ଟ୍ରିକଟେଡ ଫର୍ମାଟ ସହ ବୈଠକ କରିବେ । ଏହାପରେ ସମସ୍ତ ଏଲସିଓ ସଦସ୍ୟ ଦେଶର ପ୍ରତିନିଧିମଣ୍ଡଳ ଓ ଅବଜରର୍ଭର ମାନ୍ୟତା ପାଇଥିବା ସଙ୍ଗଠନର ପ୍ରତିନିଧି ବି ବୈଠକରେ ସାମିଲ ହେବେ । ଏହି ସମୟରେ ମୋଦିଙ୍କର ଔପଚାରିକ ଭାଷଣ ବି ରହିବ । ଏହି ବୈଠକ ପରେ ସମରକନ୍ଦ ବୈଠକର କାଗଜପତ୍ରରେ ଦସ୍ତଖତ କରାଯିବ । ଔପଚାରିକଭାବେ ଆୟୋଜିତ ଲଞ୍ଚ ସହ ବୈଠକ ଶେଷ ହେବ ।
