ନୂଆଦିଲ୍ଲୀ,୧୩।୭ : ରାଷ୍ଟ୍ରପତି ନିର୍ବାଚନ ପାଇଁ ବାଲଟ ବକ୍ସଗୁଡ଼ିକ ବିମାନ ଦ୍ୱାରା ବିଭିନ୍ନ ରାଜ୍ୟକୁ ଯାତ୍ରୀ ଭାବରେ ପଠାଯାଉଛି। ବିମାନରେ ଏଥି ପାଇଁ ମିଷ୍ଟର ବାଲଟ ବକ୍ସ ନାମରେ ଟିକେଟ ବୁକ କରାଯାଉଛି ଏବଂ ଏହାକୁ ଇଂରାଜୀ ଉଚ୍ଚାରଣ ହି ଭାବେ ସମ୍ବୋଧନ କରାଯାଉଛି। ନିର୍ବାଚନ ଅଧିକାରୀ ବାକ୍ସ ପ୍ରତି ଯେପରି ଅଧିକ ଦୃଷ୍ଟି ଦେବେ ସେଥିଲାଗି ଏହାକୁ ଆଗରେ ଆସନ ଦିଆଯାଉଛି।
ଲକ୍ଷ୍ନୌ ସମେତ ୧୪ଟି ରାଜଧାନୀ ପାଇଁ ମଙ୍ଗଳବାର ପର୍ଯ୍ୟନ୍ତ ମିଷ୍ଟର ବାଲଟ ବକ୍ସ ପଠାଯାଇଥିବାବେଳେ ୧୬ ଟି ବାକ୍ସ ବୁଧବାର ପଠାହେବ। ବୁଧବାର ସଂସଦ ଏବଂ ଦିଲ୍ଲୀ ବିଧାନସଭାର ବାକ୍ସ ମଧ୍ୟ ପଠାଯିବ। ଏହା ବ୍ୟତୀତ ହିମାଚଳ ପ୍ରଦେଶର ବାଲଟ ବାକ୍ସକୁ ରାସ୍ତାରେ ପଠାଯାଉଛି।
ଏହାକୁ ନେବାକୁ ରାଜ୍ୟର ଆସିଷ୍ଟାଣ୍ଟ ରିଟର୍ଣ୍ଣିଂ ଅଫିସର ତଥା ମୁଖ୍ୟ ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟର ଜଣେ ଅଧିକାରୀ ମଧ୍ୟ ନିର୍ବାଚନ ଆୟୋଗ ମୁଖ୍ୟାଳୟ ନିର୍ବାଚଣ ସଦନରେ ପହଞ୍ଚିଛନ୍ତି।
ଜୁଲାଇ ୧୮ ରେ ରାଷ୍ଟ୍ରପତି ନିର୍ବାଚନ ପାଇଁ ମତଦାନ ଅନୁଷ୍ଠିତ ହେବ। ମୁଖ୍ୟ ନିର୍ବାଚନ କମିଶନର ରାଜୀବ କୁମାର କହିଛନ୍ତି ଯେ ନିର୍ବାଚନ ପାଇଁ ସମସ୍ତ ବିସ୍ତୃତ ନିର୍ଦ୍ଦେଶ ଏବଂ ଏସ୍ଓପି ଗୁଡିକ ସମ୍ପୂର୍ଣ୍ଣ ଭାବେ ପାଳନ କରାଯିବ। ଭୋଟ ସମାପ୍ତ ହେବା ପରେ ବାଲଟ ବକ୍ସ ଏବଂ ଅନ୍ୟାନ୍ୟ ନିର୍ବାଚନ ସାମଗ୍ରୀ ରିଟର୍ଣ୍ଣିଂ ଅଫିସରଙ୍କ ନିକଟକୁ ପଠାଯିବ ବୋଲି ସେ ସୂଚନା ପ୍ରଦାନ କରିଛନ୍ତି।
