ସ୍ଥିତି ନିୟନ୍ତ୍ରଣ ପାଇଁ ସଜବାଜ

ଅନୁଗୋଳ ଅଫିସ, ୧୨।୪: ଅନୁଗୋଳ ଜିଲାରେ କରୋନା ଆକ୍ରାନ୍ତଙ୍କ ସଂଖ୍ୟା ଯେପରି ବୃଦ୍ଧି ପାଇବାରେ ଲାଗିଛି ଆଗାମୀ ଦିନରେ ସ୍ଥିତି ହାତରୁ ଖସିଯାଇପାରେ। ତେଣୁ ଏପରି ସମ୍ଭାବନାକୁ ଦୃଷ୍ଟିରେ ରଖି ଜିଲା ପ୍ରଶାସନ ପକ୍ଷରୁ ପୂର୍ବରୁ କଟକଣା କଡ଼ାକଡ଼ି କରାଯାଇଥିବା ବେଳେ ରବିବାରଠାରୁ ଅମାନିଆଙ୍କ ନିକଟରୁ ୨ ହଜାର ଟଙ୍କା ଲେଖାଏ ଜରିମାନା ଆଦାୟ କରାଯାଉଛି। ଏଥିସହ ବଜାରରେ ଭିଡ଼ ନିୟନ୍ତ୍ରଣ ପାଇଁ ସଜବାଜ ଆରମ୍ଭ ହୋଇଛି। ଗତବର୍ଷ ପରି ବ୍ୟାରିକେଡ୍‌ ପୋତାଯାଇଛି। ଏହାଦ୍ୱାରା ଆବଶ୍ୟକ ପଡ଼ିଲେ ବଜାରକୁ ସିଲ୍‌ କରାଯିବା ସହଜ ହେବ ବୋଲି ପ୍ରଶାସନ ପକ୍ଷରୁ ଚେତାଇ ଦିଆଯାଇଛି।
ଆଖପାଖ ଜିଲା ତୁଳନାରେ ଅନୁଗୋଳ ଜିଲାରେ କରୋନା ସଂକ୍ରମଣ ଅଧିକ ରହୁଛି। କେବେଠାରୁ ଦୈନିକ ସଂକ୍ରମିତ ସଂଖ୍ୟା ଦୁଇ ଅଙ୍କ ଛୁଇଁସାରିଛି। ପଜିଟିଭ୍‌ ସଂଖ୍ୟା ଏପରି ବଢ଼ିଚାଲିଲେ ଶତକ ପାର କରିବା ଆଉ ବେଶୀ ଦୂର ନୁହେଁ ବୋଲି ଆଶଙ୍କା କରାଯାଉଛି। ତେଣୁ ସ୍ଥିତି ଅଣାୟତ୍ତ ହେବା ପୂର୍ବରୁ ପ୍ରଶାସନ ପକ୍ଷରୁ କଠୋର ପଦକ୍ଷେପ ନେବା ଆରମ୍ଭ ହୋଇଛି। ରବିବାର ମେଡିକାଲ ଛକ, ବଜାର ଛକରେ ବ୍ୟାରିକେଡ୍‌ କରାଯାଇଥିବାବେଳେ ମାସ୍କ ଓ ସାମାଜିକ ଦୂରତ୍ୱ ନିୟମ ପାଳନ କରୁ ନ ଥିବା ଲୋକ ଏବଂ ବ୍ୟବସାୟୀଙ୍କଠାରୁ ୨ ହଜାର ଟଙ୍କା ଲେଖାଏ ଜରିମାନା ଆଦାୟ କରାଯାଇଛି। ବିଶେଷକରି କେତେଜଣ ବ୍ୟବସାୟୀ ବାରମ୍ବାର କଟକଣା ଉଲ୍ଲଂଘନ କରୁଥିବା ଦେଖାଯାଉଥିବାରୁ ଅଧିକ ଅର୍ଥ ଆଦାୟ କରାଯାଉଥିବା ପୌରପାଳିକା ପକ୍ଷରୁ ସୂଚନା ପ୍ରଦାନ କରାଯାଇଛି। ଖୋଦ୍‌ ନିର୍ବାହୀ ଅଧିକାରୀ ଅନ୍ୟ କର୍ମଚାରୀଙ୍କୁ ଧରି ସହରରେ ବୁଲି ଯାଞ୍ଚ କରୁଥିବା ଦେଖାଯାଉଛି। ଏଥିସହ ସହରକୁ ନୂଆକରି ଆସୁଥିବା ଲୋକଙ୍କୁ ସଚେତନ କରାଯାଉଛି। ରବିବାର ୧୨ ଜଣ ବ୍ୟବସାୟୀ ଓ ୧୪ ଜଣ ସାଧାରଣ ଲୋକଙ୍କ ନିକଟରୁ ୩୧ ହଜାର ଟଙ୍କା ଜରିମାନା ବାବଦକୁ ଆଦାୟ କରାଯାଇଥିବା ସୂଚନା ପ୍ରଦାନ କରାଯାଇଛି। ଜରୁରୀ ନ ଥିଲେ ବଜାର ନ ଆସିବାକୁ ସହରବାସୀଙ୍କୁ ପୌର ପ୍ରଶାସନ ପକ୍ଷରୁ ନିବେଦନ କରାଯାଇଛି। ନଚେତ୍‌ ଆଗାମୀ ଦିନରେ ଜରିମାନା ରାଶି ଆହୁରି ବୃଦ୍ଧି କରାଯିବ ବୋଲି ଚେତାବନୀ ମଧ୍ୟ ଦିଆଯାଇଛି। ଲୋକମାନେ ସଚେତନ ନ ହେଲେ ବ୍ୟାରିକେଡ୍‌ କରାଯାଇଥିବା ବଜାର ରାସ୍ତାକୁ ସିଲ୍‌ କରିବାକୁ ପ୍ରଶାସନ ପକ୍ଷରୁ ଯୋଜନା ହେଉଥିବା ସୂଚନା ମିଳିଛି।

ଭିଡ଼ ନିୟନ୍ତ୍ରଣ ପାଇଁ ବ୍ୟାରିକେଡ୍‌
ବାରମ୍ବାର ସଚେତନ କରାଯାଉଥିଲେ ମଧ୍ୟ ବହୁ ଲୋକ କଟକଣା ପାଳନ କରୁନାହାନ୍ତି। ବଜାରରେ ବ୍ୟାରିକେଡ୍‌ ପୋତାଯିବାର ମୁଖ୍ୟ କାରଣ ହେଉଛି ଭିଡ଼ ନିୟନ୍ତ୍ରଣ କରିବା। ଭିଡ଼ ନ କମିଲେ ସଂକ୍ରମଣ ସଂଖ୍ୟା ବୃଦ୍ଧି ପାଇବ। ଏପରି ହେଲେ ବଜାରକୁ ସିଲ୍‌ କରାଯିବ।
-ଗିରିଜା ଶଙ୍କର ମଲ୍ଲିକ, ପୌର ନିର୍ବାହୀ ଅଧିକାରୀ

ପୋଲିସ ମୁତୟନ ଆବଶ୍ୟକ
ସଂକ୍ରମଣ ବଢ଼ୁଥିବାରୁ କଟକଣା ନ ରହିଲେ ଏହା ଭୟଙ୍କର ରୂପ ନେବ। ତେବେ ବଜାରରେ ବ୍ୟାରିକେଡ୍‌ ପରିବର୍ତ୍ତେ ପୋଲିସ ମୁତୟନ କରାଗଲେ ଭଲ ହୁଅନ୍ତା। ବ୍ୟାରିକେଡ ନିକଟରେ ଭିଡ଼ ଅଧିକ ହୋଇଥାଏ। ଏପରି କି ସେଠାରେ ସାମାଜିକ ଦୂରତ୍ୱ ରହି ନ ଥାଏ।
-ଭୂପେଶ ଚନ୍ଦ୍ର ପ୍ରଧାନ, ସଭାପତି, କଳାକାର

ବେଳ ଥାଉ ଥାଉ ସାବଧାନତା ଲୋଡା
କରୋନାର ଦ୍ୱିତୀୟ ଲହର ଏବେ ଭୟଙ୍କର ସ୍ଥିତି ଆଡ଼କୁ ଗତି କରୁଛି। ବେଳ ଥାଉ ଥାଉ ସାବଧାନ ହେବା ଆବଶ୍ୟକ। ନଚେତ ଏହା ପରର ସ୍ଥିତି ଆମକୁ ହିଁ ଭୋଗିବାକୁ ପଡ଼ିବ। ଲକ୍‌ଡାଉନ୍‌କୁ ସବୁ ମହଲରେ ବିରୋଧ କରାଯାଉଥିବାରୁ ସେହି ଅନୁଯାୟୀ କାର୍ଯ୍ୟ କରିବା ଆବଶ୍ୟକ।
-ସାଇସ୍ମିତା ସାହୁ, ଅନୁଗୋଳ

ଅମାନିଆ ସାବାଡ଼ ହେବା ଦରକାର
ଲୋକଙ୍କୁ ସଚେତନ କରିବା ସହ ଉଲ୍ଲଂଘନକାରୀଙ୍କ ଠାରୁ ପ୍ରଶାସନ ଜରିମାନା ଆଦାୟ କରୁଛି। ତଥାପି ସହରରେ ବହୁ ଲୋକ ମାସ୍କ ପିନ୍ଧୁ ନାହାନ୍ତି। ସାମାଜିକ ଦୂରତ୍ୱ ରଖୁନାହାନ୍ତି। ତେଣୁ ଏମାନେ କରୋନାକୁ ବଢ଼ାଇଦେବେ। ଏପରି ଅମାନିଆମାନଙ୍କୁ ସାବାଡ଼ କରାଯିବା ଦରକାର।
-ବିଭୂତି କିଷାନ, ଅନୁଗୋଳ


Enter your email to get our daily news in your inbox.

All Right Reserved By Dharitri.Com

ବନ ବିଭାଗର ନାଲିଆଖିରେ ମତ୍ସ୍ୟଜୀବୀ ଅତିଷ୍ଠ

ଅନୁଗୋଳ ଅଫିସ, ୨୩।୧୨:  ଅନୁଗୋଳ ଜିଲା ସାତକୋଶିଆ ମହାନଦୀ ଗଣ୍ଡ ଅଞ୍ଚଳରେ ମାଛଧରି ପରିବାର ପ୍ରତିପୋଷଣ କରୁଥିବା ମତ୍ସ୍ୟଜୀବୀଙ୍କୁ ବନ ବିଭାଗର ବାରମ୍ବାର ନାଲିଆଖି ଅତିଷ୍ଠ କରୁଛି।...

୩ ଦିନ ପରେ ସତ୍କାର କଲେ ସାମାଜିକ କର୍ମୀ

ଅନୁଗୋଳ ଅଫିସ, ୧୮।୬ମାସେ ତଳେ ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟରେ ଜଣେ ଅଜଣା ମହିଳା ରୋଗୀଙ୍କୁ ସାମାଜିକ କର୍ମୀମାନେ ଭର୍ତ୍ତି କରିଥିଲେ। ସେଠାରେ ଚିକିତ୍ସାଧୀନ ଥିବା...

ପ୍ରାର୍ଥୀଙ୍କ ପାଇଁ ଭୋଟ ମାଗିଲେ ବିଧାୟକ

ବଇଣ୍ଡା, ୬ା୨(ଡି.ଏନ୍‌.ଏ.) ଅନୁଗୋଳ ଜିଲା କିଶୋରନଗର ବ୍ଲକ ବଇଣ୍ଡା ୧୩ନଂ. ଜୋନ୍‌ରୁ ପ୍ରତିଦ୍ୱନ୍ଦ୍ୱିତା କରୁଥିବା ବିଜେଡି ପ୍ରାର୍ଥୀ ବିଷ୍ଣୁପ୍ରିୟା ପ୍ରଧାନ ଶନିବାରଠାରୁ ପ୍ରଚାର ଜୋର୍‌ଦାର କରିଛନ୍ତି।...

ଅବ୍ୟବସ୍ଥାରେ ବଅଁରପାଳ ପ୍ରାଣୀ ଚିକିତ୍ସା କେନ୍ଦ୍ର:ନିରୀକ୍ଷକ, ସହାୟକ ପଦବୀ ଖାଲି

ବଅଁରପାଳ, ୧୫ା୬ (ଡି.ଏନ୍‌.ଏ)ପ୍ରାଣୀ ସମ୍ପଦର ସୁରକ୍ଷା ଓ ଅଭିବୃଦ୍ଧି ପାଇଁ ସରକାର ବିଭିନ୍ନ ଯୋଜନା ପ୍ରଣୟନ କରୁଛନ୍ତି। ହେଲେ ଅନେକ ସମୟରେ ଗୃହ ଓ ଯନ୍ତ୍ରପାତି...

ଗଁ। ଚଳଣିରୁ ବାସନ୍ଦ ଅଭିଯୋଗ:ଗ୍ରାମ ସଭାପତିଙ୍କ ସମେତ ୫ ଗିରଫ

ବଇଣ୍ଡା,୭।୧(ଡି.ଏନ.ଏ.) ଅନୁଗୋଳ ଜିଲା କିଶୋରନଗର ଥାନା ଚୁଡାଖାଇ ଗ୍ରାମର ଏକ ଦଳିତ ପରିବାରକୁ ବାସନ୍ଦ ଅଭିଯୋଗରେ ପୋଲିସ ସୋମବାର ୫ ଜଣଙ୍କୁ କୋର୍ଟଚାଲାଣ କରିଛି। ସେମାନେ...

ବ୍ୟବସାୟୀଙ୍କୁ ପାଲହାଟରୁ ହଟାଗଲା: ବଅଁରପାଳରେ ୧୪୪ ଧାରା ଜାରି

ବଅଁରପାଳ,୧୭।୩(ଡି.ଏନ୍‌.ଏ): ଓଡ଼ିଶାରେ ପ୍ରଥମ କରୋନା ଆକ୍ରାନ୍ତ ଚିହ୍ନଟ ହେବା ପରେ ସାରା ରାଜ୍ୟରେ କୋକୁଆଭୟ ସୃଷ୍ଟି ହୋଇଛି। ଏ ନେଇ ସରକାର ତତ୍ପର ହୋଇଉଠିଛନ୍ତି। ଏହାକୁ...

ଜାତୀୟ ପତାକାକୁ ଅସମ୍ମାନ

ମାଧପୁର,୨୭।୧(ଡି.ଏନ୍‌.ଏ.): ଅନୁଗୋଳ ଜିଲା ଆଠମଲ୍ଲିକ ବ୍ଲକ ମାଧପୁର ପଞ୍ଚାୟତ ରାଜସ୍ବ ନିରୀକ୍ଷକଙ୍କ କାର୍ଯ୍ୟାଳୟ ପରିସରରେ ରବିବାର ସନ୍ଧ୍ୟା ୭.୩୦ ପର୍ଯ୍ୟନ୍ତ ଜାତୀୟ ପତାକା ଲାଗିଥିବାର ଦେଖିବାକୁ...

ତାଳଚେର ସବୁଠୁ ବଡ଼ କ୍ଷେତ୍ର ହୋଇପାରିବ

ତାଳଚେର,୧୦ା୨(ନି.ପ୍ର.) – ଅନୁଗୋଳ ଜିଲା ତାଳଚେରଠାରେ ଥିବା ମହାନଦୀ କୋଲ୍‌ ଫିଲଡ୍‌ସ ଲିମିଟେଡ (ଏମ୍‌ସିଏଲ୍‌) ବର୍ତ୍ତମାନ ସୁଦ୍ଧା ୧୨୦ ମିଲିୟନ ଟନ୍‌ କୋଇଲା ଉତ୍ତୋଳନ କରିସାରିଛି।...

Advertisement
Archives

Model This Week