ମୋହନା,୯।୩ (ମନ୍ମଥ ମିଶ୍ର): ଗଜପତି ଜିଲା ମୋହନା ବ୍ଲକ ଅନ୍ତର୍ଗତ କେଶରୀ ନଗର ହନୁମାନ ମନ୍ଦିରରେ ଧ୍ୱଜାରୋହଣ ସହ ମହାଦେବ ମନ୍ଦିର ଓ ବୁଦ୍ଧ ମନ୍ଦିର ପ୍ରତିଷ୍ଠା ପାଇଁ ମୂଖ୍ୟମନ୍ତ୍ରୀଙ୍କୁ ନିମନ୍ତ୍ରଣ କରାଯାଇଛି। ଆସନ୍ତା ଏପ୍ରିଲ ମାସ ୮ ତାରିଖରୁ ୧୪ ତାରିଖ ପର୍ଯ୍ୟନ୍ତ କେଶରୀ ନଗର ମାଣିକପୁରଠାରେ ଏହି କାର୍ଯ୍ୟକ୍ରମ ହେବାକୁ ଥିବାବେଳେ ଆଜି ସୋମବାର ମନ୍ଦିର କମିଟି ପକ୍ଷରୁ ଓଡିଶାର ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ନିମନ୍ତ୍ରଣ ପତ୍ର ଦିଆଯାଇଛି। ୭ ଦିନ ଧରି ଏହି କାର୍ଯ୍ୟକ୍ରମ ହେବାକୁ ଥିବାବେଳେ ଏପ୍ରିଲ ୧୨ରେ ମୁଖ୍ୟମନ୍ତ୍ରୀ ଆସିବା ନେଇ ସୂଚନା ମିଳିଛି।
କାର୍ଯ୍ୟକ୍ରମରେ କଳସ ଯାତ୍ରା, ସଙ୍କୀର୍ତ୍ତନ, ସନ୍ଥଯାତ୍ରା, ଦୀକ୍ଷା ଗ୍ରହଣ, ଅଙ୍କୁରରୋପଣ, କର୍ମ ଆରମ୍ଭ, ଶିବ ମନ୍ଦିର ରତ୍ନମୁଦ୍ରା ସ୍ଥାପନ, ଭାଗବତ ମଣ୍ଡଳୀ ମିଳନ, ନାମ ଯଜ୍ଞ, ଘୃତ ଯଜ୍ଞ, ଗୋ ପୂଜନ, ମହାଯଜ୍ଞ, ମହାଧଜ, ଦେବ ପ୍ରତିମା ମହାସ୍ନାନ, ତ୍ରିଶୂଳ ସ୍ଥାପନ, ପ୍ରାଣ ପ୍ରତିଷ୍ଠା, ଅଷ୍ଟପ୍ରହର ନାମଯଜ୍ଞ, ହନୁମାନ ଚାଳିଶା, ଦେବତା ମନ୍ଦିର ପ୍ରବେଶ, ଦୀପଯଜ୍ଞ, ନାମଯଜ୍ଞ ଓ ଅର୍ଣ୍ଣଯଜ୍ଞ ଭଳି କାର୍ଯକ୍ରମ ରହିଛି। ଯାହାକୁ ନେଇ ମନ୍ଦିର କମିଟି ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି କରାଯାଉଛି।
Dharitri – Odisha’s No.1 Odia Daily
