ପଟ୍ଟାଙ୍ଗୀ,୨୯ା୮(ଡି.ଏନ.ଏ.): ଓଡିଶା ସରକାରଙ୍କ ଶିଶୁ ଓ ଜନନୀ ସୁରକ୍ଷା ନିମନ୍ତେ ଆମ୍ବୁଲାନ୍ସ ସେବାଭଳି ବିଭିନ୍ନ ଯୋଜନା କାର୍ଯ୍ୟକାରୀ କରୁଥିଲେ ସୁଦ୍ଧା ଗ୍ରାମାଞ୍ଚଳରେ ଏହା ପହଞ୍ଚତ୍ ପାରିନାହିଁ। ଫଳରେ ଲୋକେ ବିଭିନ୍ନ ସମୟରେ ହଇରାଣ ହେଉଛନ୍ତି। ଆମ୍ବୁଲାନ୍ସ ନ ପହଞ୍ଚତ୍ବାରୁ ଜଣେ ଗର୍ଭବତୀ ମହିଳା ଭାରରେ ବୁହା ହେବା ପରି ଘଟଣା ଦେଖିବାକୁ ମିଳିଛି କୋରାପୁଟ ଜିଲା ପଟ୍ଟାଙ୍ଗୀ ବ୍ଲକ ତଳଗୋଲୁର ପଞ୍ଚାୟତର ପଟୁଗୁଡା ଗ୍ରାମରେ। ଗ୍ରାମର ସନା ମାରିଙ୍କ ରବିବାର ସକାଳେ ଗର୍ଭ ଯନ୍ତ୍ରଣା ହେବାରୁ ୧୦୮ ଆମ୍ବୁଲାନ୍ସ କୁ ଫୋନ କରିଥିଲେ। ମାତ୍ର ଗ୍ରାମକୁ ରାସ୍ତା ନଥିବାରୁ ସମ୍ପର୍କୀୟମାନେ ତାଙ୍କୁ ଭାରରେ ବୋହି ଗାଁରୁ ଚିକଟାଆମଗୁଡା ପର୍ଯ୍ୟନ୍ତ ଆଣିଥିଲେ । ପରେ ସେଠାରୁ ଏକ ଅଟୋ ଯୋଗେ ୨ହଜାର ଟଙ୍କା ଭଡା ଦେଇ ପଟ୍ଟାଙ୍ଗୀ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଆଣୁଥିବା ସମୟରେ ପେଟ୍ରୁ ପଞ୍ଚାୟତ ନିକଟରେ ଆମ୍ବୁଲାନ୍ସ ଦେଖି ସେଠାରୁ ଆମ୍ବୁଲାନ୍ସ ଯୋଗେ ସ୍ବାସ୍ଥ୍ୟକେନ୍ଦ୍ରକୁ ଆଣିଥିଲେ। ସ୍ବାସ୍ଥ୍ୟକେନ୍ଦ୍ରରେ ରେ ସନା ୨ଟି ଯାଆଁଳା ସନ୍ତାନ ଜନ୍ମ ଦେଇଛନ୍ତି। ସେମାନଙ୍କ ମଧ୍ୟରେ ଗୋଟିଏ ଶିଶୁ ପୁତ୍ର ଓ ଗୋଟିଏ ଶିଶୁ କନ୍ୟା ରହିଛି। ବର୍ତ୍ତମାନ ସମସ୍ତେ ସୁସ୍ଥ ରହିଛନ୍ତି । ସୂଚନାଯୋଗ୍ୟ, ଚିପିଟିଆମ୍ବଗୁଡ଼ାରୁ ପଟୁଗୁଡା ଗ୍ରାମକୁ ଆସିବାକୁ ହେଲେ ପ୍ରାୟ ୩ କିଲୋମିଟର ନଦୀ ପାହାଡ ଦେଇ ଆସିବାକୁ ପଡିଥାଏ।
