ଭୁବନେଶ୍ୱର,୨୮।୫:ବିଧାୟକ ପ୍ରଶାନ୍ତ ଜଗଦ୍ଦେବଙ୍କ ଗିରଫଦାରୀକୁ ନେଇ ପ୍ରଶ୍ନ ଉଠାଇଛନ୍ତି ଭୁବନେଶ୍ୱର ଏମ୍ପି ଅପରାଜିତା ଷଡଙ୍ଗୀ। ଭାଜପା ରାଜ୍ୟ କାର୍ଯ୍ୟାଳୟରେ ଏକ ସାମ୍ବାଦିକ ସମ୍ମିଳନୀ କରି ସେ କହିଛନ୍ତି, ବିଧାୟକଙ୍କ ବିରୋଧରେ ଅଭିଯୋଗ ନଥିବା ସତ୍ତ୍ୱେ ତାଙ୍କୁ ଗିରଫ କରାଯାଇଛି। ଜଣେ ବି କେହି ତାଙ୍କ ବିରୋଧରେ ଅଭିଯୋଗ କରି ନାହାନ୍ତି। ଘଟଣା ଦିନର ସିସିଟିଭି ଫୁଟେଜ ମୋର ହସ୍ତଗତ ହୋଇଛି। ଇଭିଏମ ଭାଙ୍ଗିବାରେ ପ୍ରଶାନ୍ତ ଜଗଦ୍ଦେବଙ୍କ ଭୂମିକା ଥିବାର କୌଣସି ପ୍ରମାଣ ନାହିଁ। ଖୁବ୍ଶୀଘ୍ର ଘଟଣା ଦିନର ସିସିଟିଭି ସାର୍ବଜନୀନ କରିବି। ଘଟଣା ପରେ ବୁଥ ଯାଇଥିଲି, କିନ୍ତୁ ଜଗଦ୍ଦେବ ଇଭିଏମ ଭାଙ୍ଗିଥିବା କେହି ଅଭିଯୋଗ କଲେନି। ସିସିଟିଭି ଫୁଟେଜ ଯାଞ୍ଚ ନ କରି ଜଣେ ବିଧାୟକଙ୍କୁ ଗିରଫ କରାଯିବା କେଉଁ ପ୍ରକାର ଆଇନ ବ୍ୟବସ୍ଥା ବୋଲି ସେ ପ୍ରଶ୍ନ କରିଛନ୍ତି। ମୁଖ୍ୟମନ୍ତ୍ରୀ ଓ ତୃତୀୟ ମହଲା ଏଥିପାଇଁ ଦାୟୀ। ଭାଜନା ରାଜ୍ୟରେ ସଫଳତାର ସହ ଆଗକୁ ବଢୁଛି ଏବଂ ଆଗାମୀ ଦିନରେ ସରକାର ଗଢିବ ବୋଲି ସେ କହିଛନ୍ତି।
