ଲକ୍ଷ୍ନୌ,୨୧।୮: ଉତ୍ତରପ୍ରଦେଶରେ ନୂଆ ନୂଆ ଢଙ୍ଗରେ ଅପରାଧ ଘଟୁଥିବା ସାମ୍ନାକୁ ଆସୁଛି। ଏଭଳି ପରିସ୍ଥିତିରେ ପୋଲିସ ମଧ୍ୟ ନିଜକୁ ଫିଟ ରଖିବା ପାଇଁ ଅନେକ ପନ୍ଥା ଆପଣାଉ ଥିବା ଦେଖାଯାଇଛି। ଲକ୍ଷ୍ମୀପୁର ଖେରୀରେ କ୍ଷଏଭଳି ଘଟଣା ଘଟିଛି। ଜିଲାର ଏସପି ମୋଟରସାଇକେଲରେ ଜଣେ ଲୁଟେରା ଭାବରେ ରାସ୍ତାରେ ବୁଲୁଥିଲେ। ଏହି ଘଟଣା ଚାରିଆଡେ ଖେଳିଯାଇଥିଲା ଯେ ଦୁଇ ଜଣ ବ୍ୟକ୍ତି ହେଲମେଟ ପିନ୍ଧି ଆପାଚେ ବାଇକରେ ବୁଲୁଛନ୍ତି। ମହିଳାଙ୍କଠାରୁ ସୁନା ଚେନ ମଧ୍ୟ ଲୁଟି ନେଇଛନ୍ତି। ଏହି ଖବର ପାଇବା ମାତ୍ରେ ପୋଲିସକୁ ସତର୍କ ହୋଇଯାଇଥିଲେ। ଏସପି ସତେନ୍ଦ୍ର କୁମାର ତାଙ୍କ ପିଆର୍ଓ ସହିତ ଏକ ମୋଟରସାଇକେଲରେ ଯାତ୍ରା ଆରମ୍ଭ କରିଥିଲେ। ମୁଖ୍ୟ ରାସ୍ତାରେ ପହଞ୍ଚିବା ପରେ ସେଠାରେ ଯାଞ୍ଚ କରୁଥିବା ଜଣେ ଇନ୍ସପେକ୍ଟର ତାଙ୍କ ବାଇକକୁ ଅଟକାଇବାକୁ ଇଙ୍ଗିତ କରିଥିଲେ। ଏସପି ବାଇକର ଗତି ବଢାଇଥିଲେ। ପୋଲିସ ଅଧିକାରୀ ଚିତ୍କାର କରି ପଛକୁ ଦୌଡ଼ିଯାଇ ବାଇକ ଆଗରେ ଠିଆ ହୋଇଥିଲେ।
ହେଲମେଟ ରଖି ଏସପି ବାଇକକୁ ଡାହାଣକୁ ବୁଲାଇ ପଳାଇବାକୁ ଚେଷ୍ଟା କରିଥିଲେ। ତା’ପରେ ଇନ୍ସପେକ୍ଟର ରୁଲ୍ ବାଡିଟିକୁ ଚକା ଭିତରେ ପୂରାଇ ଦେଇଥିଲେ। ଏହିଭଳି ଭାବରେ ଏସପି ଧରିଥିଲେଲେ। ଏସପି ସତେନ୍ଦ୍ର ହେଲମେଟ କାଢିବାରୁ ଇନ୍ସପେକ୍ଟର ତାଙ୍କୁ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ। ତାଙ୍କ ସହକର୍ମୀଙ୍କ ଏହି କାର୍ଯ୍ୟରେ ଏସପି ଖୁସି ହେଲେ ଏବଂ ତୁରନ୍ତ ଇନ୍ସପେକ୍ଟରଙ୍କ ପାଇଁ ପୁରସ୍କାର ଘୋଷଣା କଲେ। ସହରର ପୋଲିସ ସଠିକ ପାଟ୍ରୋଲିଂ କରୁଛି କି ନାହିଁ ତାହା ଯାଞ୍ଚ କରିବା ପାଇଁ ମୁଁ ନକଲି ଲୁଟେରା ସାଜିଥିଲି ବୋଲି ଏସପି ସତେନ୍ଦ୍ର କୁମାର କହିଛନ୍ତି।
