ଯାଜପୁର ଅଫିସ୍, ୪।୨: ବହୁଚର୍ଚ୍ଚିତ ରମାଦେବୀ ଝରାଫୁଲ ନାୟକଙ୍କ ସନ୍ଦେହଜନକ ମୃତ୍ୟୁକୁ ଆଜି ୯ ଦିନ ପୂରିଛି। ଏପର୍ଯ୍ୟନ୍ତ ତାଙ୍କ ମୃତ୍ୟୁ ଉପରୁ ପରଦା ହଟିପାରି ନାହିଁି। ଝରାଫୁଲଙ୍କୁ ମୃତଦେହକୁ ଯେଉଁ ସ୍କୁଟିରେ ବସାଇ ଯାଜପୁର ନିଆଯାଇଥିଲା ସେହି ସ୍କୁଟି ପୋଲିସ ଗୁରୁବାର ଜବତ କରିଛି। ଏହି ସ୍କୁଟିଟି ଝରାଫୁଲଙ୍କ ପୁରୁଷ ବନ୍ଧୁ ରାକେଶ ସ୍ବାଇଁଙ୍କର ବୋଲି ଜଣାପଡିଛି। ଗତ ବୁଧବାର ଭୁବନେଶ୍ୱରରେ ସିନ୍୍ ରିକ୍ରିଏସନ୍ବେଳେ ପୋଲିସକୁ ରାକେଶ ସ୍କୁଟି ବିଷୟରେ ସୂଚନା ଦେଇଥିଲେ। ଫଳରେ ଯାଜପୁର ପୋଲିସ ଏକ ବୁଦା ମୁଳର ସ୍କୁଟି ଜବତ କରିଛି। ସୂଚନାଯୋଗ୍ୟ,ପୋଲିସ ଏହି ଘଟଣାରେ ରାକେଶଙ୍କୁ ଗିରଫ କରି ୩ ରିମାଣ୍ଡରେ ନେଇଛି।
