ହିଞ୍ଜିଳିକାଟୁ, ୨୯।୧୦(ଦ୍ବିତୀକୃଷ୍ଣ ପଣ୍ଡା): ଗଞ୍ଜାମ ଜିଲା ହିଞ୍ଜିଳି ଥାନା ଶିକିରି ଗାଁରେ ମା’ଙ୍କୁ ପାଳନ ପୋଷଣ ନିମନ୍ତେ ମତଭେଦକୁ ନେଇ ମଙ୍ଗଳବାର ୨ ଭାଇଙ୍କ ମଧ୍ୟରେ ଗଣ୍ଡଗୋଳ ହୋଇଛି। ସାନଭାଇଙ୍କୁ ବ୍ଲେଡରେ ଆକ୍ରମଣ ଅଭିଯୋଗରେ ପୋଲିସ ବଡ଼ଭାଇଙ୍କୁ ଗିରଫ ପରେ କୋର୍ଟ ଚାଲାଣ କରିଛି। ସେ ହେଲେ ସୀମାଞ୍ଚଳ ରାଉତ।
ଶିକିରି ଗ୍ରାମର ୨ ଭାଇ ସୀମାଞ୍ଚଳ ଓ ନିଳାଞ୍ଚଳ ଅଲଗା ରହୁଛନ୍ତି। ମା’ଙ୍କୁ ପ୍ରତ୍ୟେକ ୧ ମାସ ଲେଖାଏ ଘରେ ରଖୁଥିଲେ। ମା’ଙ୍କୁ ରଖିବାକୁ ନେଇ ମଙ୍ଗଳବାର ୨ଭାଇଙ୍କ ମଧ୍ୟରେ ଗଣ୍ଡଗୋଳ ଘଟିଥିଲା। ଉତ୍ତ୍ୟକ୍ତ ହୋଇ ସୀମାଞ୍ଚଳ ଏକ ବ୍ଲେଡରେ ନିିଳାଞ୍ଚଳଙ୍କୁ ଆକ୍ରମଣ କରିଥିଲେ। ଆହତ ନୀଳାଚଳଙ୍କୁ ପରିବାର ଓ ପଡ଼ୋଶୀ ଉଦ୍ଧାର କରି ଚିକିତ୍ସା ପାଇଁ ହିଞ୍ଜିଳିକାଟୁ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ। ପରେ ତାଙ୍କ ଅଭିଯୋଗ କ୍ରମେ ପୋଲିସ ନଂ ୮୮୭/୨୪ରେ ମାମଲା ରୁଜୁ କରି ଅଭିଯୁକ୍ତ ସୀମାଞ୍ଚଳଙ୍କୁ କୋର୍ଟ ଚାଲାଣ କରିଛି।
